ਰੋਟਰੀ ਕਲੱਬ ਈਲੀਟ ਨੇ ਸੇਵਾ ਨੂੰ ਬਣਾਇਆ ਜੀਵਨ ਦਾ ਉਦੇਸ਼ : ਖੋਜੇਵਾਲ
ਰੋਟਰੀ ਕਲੱਬ ਈਲੀਟ ਨੇ ਸੇਵਾ ਨੂੰ ਬਣਾਇਆ ਜੀਵਨ ਦਾ ਉਦੇਸ਼ : ਖੋਜੇਵਾਲ
Publish Date: Sun, 30 Nov 2025 07:22 PM (IST)
Updated Date: Sun, 30 Nov 2025 07:23 PM (IST)

ਗੁਰਵਿੰਦਰ ਕੌਰ, ਪੰਜਾਬੀ ਜਾਗਰਣ ਕਪੂਰਥਲਾ : ਰੋਟਰੀ ਕਲੱਬ ਈਲੀਟ ਕਪੂਰਥਲਾ ਵੱਲੋਂ ਲਾਏ ਗਏ ਮੈਡੀਕਲ ਕੈਂਪ ਦੌਰਾਨ ਮਾਰਕੀਟ ਕਮੇਟੀ ਦੇ ਸਾਬਕਾ ਚੇਅਰਮੈਨ ਤੇ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਰਣਜੀਤ ਸਿੰਘ ਖੋਜੇਵਾਲ ਦੁਆਰਾ ਦਿੱਤੇ ਵਿਸ਼ੇਸ਼ ਸਹਿਯੋਗ ਲਈ ਡਾ. ਸਰਬਜੀਤ ਸਿੰਘ, ਡਾ. ਅਮਿਤੋਜ ਸਿੰਘ ਮੁਲਤਾਨੀ, ਅਮਰਜੀਤ ਸਿੰਘ ਸਡਾਨਾ, ਪ੍ਰਧਾਨ ਅੰਕੁਰ ਵਾਲੀਆ ਦੇ ਵਲੋਂ ਯਾਦਗਾਰੀ ਤਸਵੀਰ ਭੇਟ ਕਰ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਖੋਜੇਵਾਲ ਨੇ ਰੋਟਰੀ ਕਲੱਬ ਈਲੀਟ ਦੀ ਟੋਲੀ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਸਮਾਜ ਸੇਵਾ ਤੋਂ ਵੱਧ ਕੇ ਹੋਰ ਕੋਈ ਸੇਵਾ ਨਹੀਂ ਹੋ ਸਕਦੀ।ਉਨ੍ਹਾਂਨੇ ਕਿਹਾ ਕਿ ਹਰ ਕਿਸੇ ਨੂੰ ਸੇਵਾ ਨੂੰ ਆਪਣੇ ਜੀਵਨ ਦਾ ਉਦੇਸ਼ ਬਣਾਉਣਾ ਚਾਹੀਦਾ ਹੈ । ਖੋਜੇਵਾਲ ਨੇ ਕਿਹਾ ਕਿ ਰੋਟਰੀ ਕਲੱਬ ਈਲੀਟ ਵਲੋਂ ਸ਼ਮੇ-ਸ਼ਮੇ ਤੇ ਮਰੀਜ਼ਾਂ ਦੇ ਚੈਕਅਪ ਲਈ ਲਗਾਏ ਜਾਂਦੇ ਕੈਂਪ ਰਾਸ਼ਨ ਅਤੇ ਕੱਪੜੇ ਵੰਡਣ ਵਰਗੀਆਂ ਗਤੀਵਿਧੀਆਂ ਨੇ ਸਮਾਜ ਨੂੰ ਸਸ਼ਕਤ ਬਣਾਇਆ ਹੈ।ਖੂਨਦਾਨ ਕੈਂਪ,ਮੈਡੀਕਲ ਕੈਂਪ,ਅੱਖਾਂ ਦੀ ਜਾਂਚ ਵਰਗੇ ਕੈਂਪਾ ਤੋਂ ਸੈਂਕੜੇ ਲੋਕਾਂ ਨੇ ਲਾਭ ਉਠਾਇਆ ਹੈ।ਉਨ੍ਹਾਂਨੇ ਕਿਹਾ ਕਿ ਨਸ਼ਾਖੋਰੀ,ਦਾਜ ਪ੍ਰਥਾ ਅਤੇ ਹੋਰ ਸਮਾਜਿਕ ਸਮੱਸਿਆਵਾਂ ਵਿਰੁੱਧ ਹਰ ਕਿਸੇ ਨੂੰ ਇੱਕਜੁੱਟ ਹੋ ਕੇ ਆਪਣੀ ਅਵਾਜ ਬੁਲੰਦ ਕਰਨੀ ਚਾਹੀਦੀ ਹੈ,ਜਿਸ ਨਾਲ ਸਮਾਜ ਨੂੰ ਸਹੀ ਦਿਸ਼ਾ ਦੇਣ ਵਿੱਚ ਯੋਗਦਾਨ ਪਾਇਆ ਜਾ ਸਕੇ।ਖੋਜੇਵਾਲ ਨੇ ਕਿਹਾ ਕਿ ਰੋਟਰੀ ਕਲੱਬ ਈਲੀਟ ਦਾ ਕੰਮ ਨਾ ਸਿਰਫ਼ ਪ੍ਰੇਰਨਾਦਾਇਕ ਹੈ,ਸਗੋਂ ਇਹ ਇਸ ਗੱਲ ਦਾ ਸਬੂਤ ਵੀ ਹੈ ਕਿ ਸਮਰਪਣ ਅਤੇ ਸੇਵਾ ਦੀ ਭਾਵਨਾ ਨਾਲ ਜੁੜੀਆਂ ਸੰਸਥਾਵਾਂ ਸਮਾਜ ਦੀ ਅਸਲ ਰੀੜ੍ਹ ਦੀ ਹੱਡੀ ਹਨ।ਉਨ੍ਹਾਂਨੇ ਕਿਹਾ ਕਿ ਰੋਟਰੀ ਕਲੱਬ ਈਲੀਟ ਇੱਕ ਚਮਕਦਾਰ ਉਦਾਹਰਣ ਬਣ ਚੁੱਕਾ ਹੈ,ਜਿਸ ਨੇ ਸਾਬਤ ਕਰ ਦਿੱਤਾ ਹੈ ਕਿ ਜਦੋਂ ਸੇਵਾ ਇੱਕ ਸੰਕਲਪ ਬਣ ਜਾਂਦੀ ਹੈ,ਤਾਂ ਸਮਾਜ ਵਿੱਚ ਬਦਲਾਅ ਜ਼ਰੂਰ ਆਉਂਦਾ ਹੈ।ਇਸ ਮੌਕੇ ਤੇ ਭਾਜਪਾ ਯੁਵਾ ਮੋਰਚਾ ਦੇ ਜ਼ਿਲ੍ਹਾ ਪ੍ਰਧਾਨ ਸੰਨੀ ਬੈਂਸ,ਯੂਥ ਆਗੂ ਰਾਜਨ ਠੀਗੀ,ਜਤਿੰਦਰ,ਐਸਜੀਪੀਸੀ ਮੈਂਬਰ ਜਰਨੈਲ ਸਿੰਘ ਡੋਗਰਾਵਾਲ ਵਰਗੇ ਸੇਵਾ ਭਾਵਨਾ ਵਾਲੇ ਲੋਕ ਸ਼ਾਮਲ ਹਨ ।