ਵਿਜੇ ਸੋਨੀ ਪੰਜਾਬੀ ਜਾਗਰਣ ਫਗਵਾੜਾ : ਸ਼੍ਰੀ ਗੁਰੂ ਰਵਿਦਾਸ ਸਭਾ ਅਰਬਨ ਅਸਟੇਟ ਫਗਵਾੜਾ ਵੱਲੋਂ ਬਾਬਾ ਸਾਹਿਬ ਡਾ. ਅੰਬੇਡਕਰ ਜੀ ਦਾ ਪ੍ਰੀਨਿਰਵਾਣ ਦਿਵਸ ਡਾ. ਅੰਬੇਡਕਰ ਭਵਨ ਵਿਖੇ ਬਹੁਤ ਸ਼ਰਧਾ ਨਾਲ ਮਨਾਇਆ ਗਿਆ। ਇਸ ਮੌਕੇ ਪ੍ਰਸਿੱਧ ਕਵੀਆਂ ਸੋਹਣ ਸਹਿਜਲ, ਰਵਿੰਦਰ ਸਹਿਰਾਅ, ਸ਼ਾਮ ਸਰਗੁੰਦੀ, ਹਰਮੇਸ਼ ਗਾਹੌਰੀਆ ਵੱਲੋਂ ਬਾਬਾ ਸਾਹਿਬ ਜੀ ਦੇ ਜੀਵਨ ਮਿਸ਼ਨ ’ਤੇ ਕਵਿਤਾਵਾਂ, ਗੀਤ ਪੇਸ਼ ਕੀਤੇ ਗਏ। ਪ੍ਰਸਿੱਧ ਮਿਸ਼ਨਰੀ ਗਾਇਕ ਜੋਗਿੰਦਰ ਝਿੱਕਾ ਜਰਮਨੀ ਅਤੇ ਪ੍ਰੋ. ਰਿਸ਼ੀ ਵੱਲੋਂ ਬਾਬਾ ਸਾਹਿਬ ਜੀ ਨੂੰ ਆਪਣੇ ਗੀਤ ਸੰਗੀਤ ਰਾਹੀਂ ਸ਼ਰਧਾਂਜਲੀ ਭੇਟ ਕੀਤੀ ਗਈ। ਪ੍ਰਸਿੱਧ ਨਾਟਕ ਟੀਮ ਲੋਕ ਕਲਾ ਮੰਚ ਮੰਡੀ ਮੁੱਲਾਂਪੁਰ ਵੱਲੋਂ ਨਾਟਕ ਨਵਾਂ ਜਨਮ ਪੇਸ਼ ਕੀਤਾ ਗਿਆ। ਇਕ ਘੰਟੇ ਦਾ ਇਹ ਨਾਟਕ ਖਚਾਖਚ ਭਰੇ ਹਾਲ ਵਿਚ ਦਰਸ਼ਕਾਂ ਨੇ ਬਹੁਤ ਗੰਭੀਰਤਾ ਨਾਲ ਦੇਖਿਆ। ਨਾਟਕਾਂ ਦੇ ਪਾਤਰਾਂ ਦੀ ਅਦਾਕਾਰੀ ਅਤੇ ਨਾਟਕ ਦੇ ਵਿਸ਼ੇ ਨੂੰ ਦਰਸ਼ਕਾਂ ਨੇ ਬਹੁਤ ਸਲਾਹਿਆ। ਪ੍ਰਿੰ. ਡਾ. ਤੀਰਥ ਬਸਰਾ ਨੇ ਬਾਬਾ ਸਾਹਿਬ ਦੇ ਮਿਸ਼ਨ ਤੇ ਸੰਘਰਸ਼ ’ਤੇ ਵਿਚਾਰ ਪੇਸ਼ ਕਰਦੇ ਹੋਏ ਕਿਹਾ ਕਿ ਬਾਬਾ ਸਾਹਿਬ ਦੇ ਸੁਪਨਿਆਂ ਦਾ ਸਮਾਜ, ਸਮਤਾ ਸੁਤੰਤਰਤਾ ਅਤੇ ਭਾਈਚਾਰੇ ਵਾਲਾ ਸਮਾਜ ਉਸਾਰਨ ਲਈ ਸਾਨੂੰ ਸਭ ਨੂੰ ਪੜ੍ਹੋ, ਜੁੜੋ ਅਤੇ ਸੰਘਰਸ਼ ਕਰੋ ਦੇ ਰਸਤੇ ’ਤੇ ਚਲਣ ਦੀ ਜ਼ਰੂਰਤ ਹੈ। ਡਾ. ਇੰਦਰਜੀਤ ਕੁਮਾਰ ਨੇ ਆਪਣੇ ਭਾਸ਼ਣ ਰਾਹੀਂ ਦਰਸ਼ਕਾਂ ਨੂੰ ਬਾਬਾ ਸਾਹਿਬ ਦੇ ਮਿਸ਼ਨ ਤੋਂ ਜਾਣੂ ਕਰਵਾਇਆ। ਸਮਾਗਮ ਵਿਚ ਹੜ੍ਹ ਪੀੜਤਾਂ ਲਈ ਇਕੱਠੇ ਕੀਤੇ ਰਾਹਤ ਫੰਡ ਵਿਚ ਆਰਥਿਕ ਸਹਿਯੋਗ ਕਰਨ ਵਾਲੇ ਦਾਨੀ ਸੱਜਣਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਪਿਛਲੇ ਸਮੇਂ ਵਿਚ ਰਿਟਾਇਰ ਹੋਏ ਸਭਾ ਦੇ ਮੈਂਬਰ ਡਾ. ਬਲਬੀਰ ਚੰਦ ਕੇਨ ਕਮਿਸ਼ਨਰ, ਡਾ. ਤੀਰਥ ਬਸਰਾ ਪ੍ਰਿੰ. ਸਰਕਾਰੀ ਕਾਲਜ ਕਪੂਰਥਲਾ, ਡਾ. ਚੰਦਰਕਾਂਤਾ ਪ੍ਰਿੰ. ਸਰਕਾਰੀ ਕਾਲਜ ਜਲੰਧਰ ਨੂੰ ਸਨਮਾਨਿਤ ਕੀਤਾ ਗਿਆ। ਸ਼੍ਰੀ ਗੁਰੂ ਰਵਿਦਾਸ ਸਭਾ ਦੇ ਕਾਰਜਕਾਰੀ ਪ੍ਰਧਾਨ ਅਵਤਾਰ ਸਿੰਘ ਦਰਦੀ ਨੇ ਪ੍ਰੋਗਰਾਮ ਨੂੰ ਸਫਲ ਬਣਾਉਣ ਲਈ ਦਰਸ਼ਕਾਂ ਦਾ ਧੰਨਵਾਦ ਕੀਤਾ। ਸਭਾ ਦੇ ਜਨਰਲ਼ ਸਕੱਤਰ ਘਨਸ਼ਾਮ ਨੇ ਸਭਾ ਵੱਲੋਂ ਚਲਾਏ ਜਾ ਰਹੇ ਪ੍ਰੋਜੈਕਟ ਫ੍ਰੀ ਕੋਚਿੰਗ ਸੈਂਟਰ, ਫ੍ਰੀ ਕੰਪਿਊਟਰ ਸੈਂਟਰ, ਫ੍ਰੀ ਸਿਲਾਈ ਸੈਂਟਰ, ਫ੍ਰੀ ਡਿਸਪੈਂਸਰੀ, ਚੈਰੀਟੇਬਲ ਲੈਬੋਰਟਰੀ ਤੇ ਕੀਤੇ ਜਾ ਰਹੇ ਲੋਕ ਭਲਾਈ ਕੰਮਾਂ ਬਾਰੇ ਵਿਸਥਾਰ ਨਾਲ ਦੱਸਿਆ। ਪ੍ਰੋਗਰਾਮ ਵਿਚ ਸਭਾ ਦੇ ਕੈਸ਼ੀਅਰ ਸਰਵਣ ਬਿਰਹਾ, ਉੱਪ ਪ੍ਰਧਾਨ ਗੁਰਮੇਜ ਸਿੰਘ, ਐੱਸਆਰ ਬਿਰਦੀ, ਸਕੱਤਰ ਪ੍ਰੇਮ ਲਾਲ, ਪ੍ਰੈੱਸ ਸਕੱਤਰ ਤਰਸੇਮ ਸੱਲ੍ਹਣ, ਸਲਾਹਕਾਰ ਕੇਕੇ ਗੁਰੂ, ਰਾਮਜੀ ਬਾਂਸਲ, ਸਭਾ ਦੇ ਮੋਢੀ ਜਨਰਲ ਸਕੱਤਰ ਪ੍ਰੇਮ ਸਰੋਏ, ਗੁਰਦਾਵਰ ਰਾਮ, ਬਲਦੇਵ ਰਹਿਪਾ, ਕੇਵਲ ਦਾਦਰਾ, ਭਗਵੰਤ ਰਾਏ, ਡਾ. ਬਲਬੀਰ ਚੰਦ, ਚਮਨ ਲਾਲ, ਰੇਸ਼ਮ ਸਿੰਘ, ਪ੍ਰਿੰ. ਸੁਰਿੰਦਰ ਕੁਮਾਰ, ਪ੍ਰਭਦਿਆਲ, ਭਾਗਮਲ, ਚਰਨਜੀਤ ਚੰਨੀ, ਸੋਹਣ ਲਾਲ ਬਾਗਲਾ, ਬਲਕਾਰ ਕੁਮਾਰ, ਨਸੀਬ ਚੰਦ, ਕੁਲਦੀਪ ਸਿੰਘ, ਜੋਰਾਵਰ ਸਿੰਘ, ਜਸਵਿੰਦਰ ਸਿੰਘ, ਸੁਖਦੇਵ ਸਿੰਘ, ਬਲਦੇਵ ਸਿੰਘ, ਹੇਮ ਰਾਜ, ਸੁਰਿੰਦਰ ਕੁਮਾਰ, ਰਾਮ ਕਿਸ਼ਨ ਭੱਟੀ, ਸ਼ੰਗਾਰਾ ਸਿੰਘ, ਮਹੇਸ਼ ਪਾਲ, ਰੇਸ਼ਮ ਲਾਲ ਮਹਿਮੀ, ਰੰਜੀਵ ਕੁਮਾਰ, ਜੀਤ ਸਿੰਘ, ਜੋਗਾ ਰਾਮ, ਗੁਰਦਿਆਲ ਸੋਢੀ, ਪਰਵਿੰਦਰ ਰਾਜੂ, ਕੁਲਦੀਪ ਸਿੰਘ, ਗੁਰਦਿਆਲ ਮਹੇ, ਅਵਤਾਰ ਗੈੱਟ, ਪਰਸ਼ੋਤਮ ਜੱਖੂ, ਜਗਜੀਤ ਸਿੰਘ, ਡਾ. ਦੀਪਕ ਜੱਖੂ, ਪਰਵਿੰਦਰ ਰਾਜੂ, ਬਲਵੰਤ ਸਿੰਘ, ਭਜਨ ਲਾਲ, ਅਸ਼ੋਕ ਕੁਮਾਰ, ਮਨੀਸ਼ ਮਹਿਮੀ, ਲੁਪਿੰਦਰ ਕੁਮਾਰ, ਰਾਮ ਕਿਸ਼ਨ ਸੰਧੂ, ਰਾਮ ਰਤਨ, ਡਾ. ਚੰਦਰ ਕਾਂਤਾ, ਡਾ. ਉਰਮਿਲਾ ਰੋਮਿਲੇ, ਬੰਸੋ ਦੇਵੀ, ਡਾ. ਐੱਸਐੱਲ ਵਿਰਦੀ, ਡਾ. ਹਰਜਿੰਦਰ ਜੱਖੂ, ਧਰਮ ਪਾਲ, ਡਾ. ਸਤਪਾਲ, ਬਹਾਦਰ ਰਾਮ, ਸਤਨਾਮ ਬਿਰਹਾ, ਧਰਮੇਂਦਰ ਕੁਮਾਰ, ਸਤਪਾਲ ਚੰਦਰ, ਦੇਸ ਰਾਜ ਬੰਗਾ, ਰਾਮ ਪਾਲ ਬੰਗਾ, ਡਾ. ਬਲਦੇਵ ਰਾਜ ਤੇ ਵੱਡੀ ਗਿਣਤੀ ਵਿਚ ਇਲਾਕਾ ਨਿਵਾਸੀਆਂ ਨੇ ਪਰਿਵਾਰਾਂ ਸਮੇਤ ਭਾਗ ਲਿਆ।
