ਸੰਪ ਦੇ ਡੰਗਣ ਮਾਮਲਿਆਂ ’ਚ ਵਾਧਾ, ਦੋ ਮਹੀਨਿਆਂ ’ਚ 189 ਮਾਮਲੇ

-ਜਨਵਰੀ ਤੋਂ ਲੈ ਕੇ ਹੁਣ ਤੱਕ 288 ਮਰੀਜ਼ ਸਾਹਮਣੇ ਆਏ -ਲੋਕ ਕੋਬਰਾ ਤੇ ਕਰੇਤ ਨਸਲ ਦੇ ਸੱਪ ਦਾ ਸ਼ਿਕਾਰ ਹੋਏ ਡਿਪਟੀ ਚੀਫ ਰਿਪੋਰਟਰ, ਪੰਜਾਬੀ ਜਾਗਰਣ, ਜਲੰਧਰ : ਬਰਸਾਤ ਦੇ ਮੌਸਮ ’ਚ ਸੱਪ ਦੇ ਡੰਗਣ ਦੇ ਮਾਮਲੇ ਸਾਹਮਣੇ ਆਉਣੇ ਸ਼ੁਰੂ ਹੋ ਗਏ ਹਨ। ਮਾਮਲਿਆਂ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। ਸਿਵਲ ਹਸਪਤਾਲ ਦੀ ਗੱਲ ਕਰੀਏ ਤਾਂ ਜਨਵਰੀ ਤੋਂ ਹੁਣ ਤੱਕ 288 ਸੱਪ ਦੇ ਡੰਗਣ ਦੇ ਮਾਮਲੇ ਸਾਹਮਣੇ ਆਏ ਹਨ, ਜਿਨ੍ਹਾਂ ’ਚ ਜੁਲਾਈ ਤੇ ਅਗਸਤ ’ਚ ਕਈ ਮਾਮਲੇ ਸਾਹਮਣੇ ਆਏ ਹਨ। ਜ਼ਿਆਦਾਤਰ ਮਾਮਲੇ ਸ਼ਾਹਕੋਟ, ਨਕੋਦਰ, ਗੁਰਾਇਆ, ਲੋਹੀਆਂ ਖਾਸ, ਬੇਗੋਵਾਲ, ਭੋਗਪੁਰ ਵਰਗੇ ਪੇਂਡੂ ਖੇਤਰਾਂ ਤੋਂ ਆਏ ਹਨ। ਸੱਪ ਦੇ ਡੰਗਣ ਨਾਲ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ ਹੈ। ਦੋਵੇਂ ਮਰੀਜ਼ ਫਿਲੌਰ ਤੇ ਰੰਧਾਵਾ ਮਸੰਦਾ ਦੇ ਵਸਨੀਕ ਸਨ। ਜੂਨ ਤੇ ਜੁਲਾਈ ’ਚ ਝੋਨੇ ਦਾ ਸੀਜ਼ਨ ਹੋਣ ਕਾਰਨ ਇਨ੍ਹਾਂ ਮਾਮਲਿਆਂ ਦੀ ਗਿਣਤੀ ਵਧ ਜਾਂਦੀ ਹੈ। ਜਨਵਰੀ ’ਚ ਸਿਰਫ਼ ਇਕ ਮਰੀਜ਼ ਸੀ ਪਰ ਜੁਲਾਈ ’ਚ ਅਜਿਹੇ ਸਭ ਤੋਂ ਵੱਧ ਮਾਮਲੇ ਸਨ, ਜਿਨ੍ਹਾਂ ਦੀ ਗਿਣਤੀ 108 ਤੱਕ ਪੁੱਜ ਗਈ ਸੀ। ਅਗਸਤ ਦੀ ਗੱਲ ਕਰੀਏ ਤਾਂ 81 ਮਰੀਜ਼ ਰਿਪੋਰਟ ਹੋਏ ਸਨ। ਸਿਹਤ ਵਿਭਾਗ ਦਾ ਮੰਨਣਾ ਹੈ ਕਿ ਇਨ੍ਹਾਂ ਦੋ ਮਹੀਨਿਆਂ ’ਚ ਝੋਨੇ ਦਾ ਸੀਜ਼ਨ ਹੋਣ ਕਾਰਨ ਸੱਪ ਦੇ ਡੰਗਣ ਦੇ ਮਾਮਲਿਆਂ ਦੀ ਗਿਣਤੀ ਵੱਧ ਜਾਂਦੀ ਹੈ। ਵਿਭਾਗ 15 ਤੋਂ 19 ਸਤੰਬਰ ਤੱਕ ਸੱਪ ਦੇ ਡੰਗਣ ਸਬੰਧੀ ਜਾਗਰੂਕਤਾ ਹਫ਼ਤਾ ਮਨਾ ਰਿਹਾ ਹੈ। ਲੋਕਾਂ ਨੂੰ ਇਸ ਦੇ ਇਲਾਜ ਬਾਰੇ ਦੱਸਿਆ ਜਾ ਰਿਹਾ ਹੈ। --- ਜ਼ਿਆਦਾਤਰ ਮਾਮਲੇ ਪਿੰਡਾਂ ਨਾਲ ਸਬੰਧਤ ਵਿਭਾਗ ਦਾ ਮੰਨਣਾ ਹੈ ਕਿ ਇਨ੍ਹਾਂ ਮਰੀਜ਼ਾਂ ਨੂੰ ਕੋਬਰਾ, ਕਰੇਤ ਦੇ ਨਾਲ-ਨਾਲ ਪਿਟ ਵਾਈਪਰ ਸੱਪਾਂ ਨੇ ਵੀ ਡੰਗਿਆ ਹੈ। ਜ਼ਿਆਦਾਤਰ ਮਰੀਜ਼ਾਂ ਨੂੰ ਕੋਬਰਾ ਨੇ ਡੰਗਿਆ ਹੈ। ਹਸਪਤਾਲ ’ਚ ਐਂਟੀ ਸਨੇਕ ਜ਼ਹਿਰ ਦੇ ਇਕ ਟੀਕੇ ਨਾਲ ਇਲਾਜ ਸੰਭਵ ਹੈ। ਸਿਹਤ ਵਿਭਾਗ ਦਾ ਕਹਿਣਾ ਹੈ ਕਿ ਝੋਨੇ ਦੇ ਸੀਜ਼ਨ ਦੌਰਾਨ ਬਹੁਤ ਸਾਰੇ ਕਿਸਾਨ ਰਾਤ ਨੂੰ ਖੇਤਾਂ ’ਚ ਸੌਂਦੇ ਹਨ ਤਾਂ ਜੋ ਫਸਲਾਂ ਨੂੰ ਪਾਣੀ ਦਿੱਤਾ ਜਾ ਸਕੇ, ਇਸ ਲਈ ਜ਼ਿਆਦਾਤਰ ਮਾਮਲੇ ਪਿੰਡਾਂ ਤੋਂ ਆਉਂਦੇ ਹਨ। --- ਜਨਵਰੀ ਤੋਂ ਅਗਸਤ ਤੱਕ ਸੱਪ ਦੇ ਡੰਗੇ ਮਰੀਜ਼ ਜਨਵਰੀ-1 ਫਰਵਰੀ-3 ਮਾਰਚ-6 ਅਪ੍ਰੈਲ-7 ਮਈ-21 ਜੂਨ-61 ਜੁਲਾਈ-108 ਅਗਸਤ-81 --- ਕਾਰਜਕਾਰੀ ਸਿਵਲ ਸਰਜਨ ਡਾ. ਰਮਨ ਗੁਪਤਾ ਨੇ ਕਿਹਾ ਕਿ ਸੱਪ ਦੇ ਵੱਢਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਮਾਨਸੂਨ ਦੇ ਮੌਸਮ ਦੌਰਾਨ, ਸੱਪ ਦੇ ਡੰਗਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵੱਧ ਜਾਂਦੀ ਹੈ। ਜੇ ਕਿਸੇ ਮਰੀਜ਼ ਨੂੰ ਸੱਪ ਨੇ ਡੰਗ ਲਿਆ ਹੈ ਤਾਂ ਪਹਿਲਾਂ ਡਾਕਟਰੀ ਸਹਾਇਤਾ ਜ਼ਰੂਰੀ ਹੈ। ਸੱਪ ਦੇ ਡੰਗਣ ਦੀ ਸਥਿਤੀ ’ਚ ਇਲਾਜ ਲਈ ਹਸਪਤਾਲ ’ਚ ਟੀਕਿਆਂ ਦਾ ਸਟਾਕ ਉਪਲੱਬਧ ਹੈ। ਸੱਪ ਦੇ ਡੰਗਣ ਵਾਲੇ ਮਰੀਜ਼ ਨੂੰ ਸ਼ਾਂਤ ਰਹਿਣਾ ਚਾਹੀਦਾ ਹੈ। ਜੇ ਉਹ ਸ਼ਾਂਤ ਨਹੀਂ ਰਹਿੰਦਾ ਤਾਂ ਮਰੀਜ਼ ਦੇ ਦਿਲ ਦੀ ਧੜਕਣ ਵੱਧ ਜਾਂਦੀ ਹੈ। ਇਸ ਕਾਰਨ ਜ਼ਹਿਰ ਪੂਰੇ ਸਰੀਰ ’ਚ ਫੈਲ ਜਾਂਦਾ ਹੈ। ਜ਼ਖ਼ਮ ਨੂੰ ਕੱਸ ਕੇ ਨਹੀਂ ਬੰਨ੍ਹਣਾ ਚਾਹੀਦਾ।