ਕੂੜੇ ਨੂੰ ਲਾਈ ਅੱਗ ਨੇ ਰਾਖ ਕੀਤਾ ਲੱਕੜ ਦੇ ਗੁਦਾਮ, ਛੇ ਘੰਟੇ ਬਾਅਦ ਪਾਇਆ ਕਾਬੂ

-ਗਦਈਪੁਰ ਦੇ ਸਵਰਨ ਪਾਰਕ ਇਲਾਕੇ ’ਚ ਭਾਰਤ ਮੈਨੂਫੈਕਚਰਿੰਗ ਨੂੰ ਭਾਰੀ ਨੁਕਸਾਨ

ਜਾਸ, ਜਲੰਧਰ : ਗਦਈਪੁਰ ਦੀ ਸਵਰਨ ਪਾਰਕ ਇਲਾਕੇ ’ਚ ਬੁੱਧਵਾਰ ਦੁਪਹਿਰ 12 ਵਜੇ ਲੱਕੜ ਦੇ ਗੁਦਾਮ ’ਚ ਅੱਗ ਲੱਗ ਗਈ। ਗੁਦਾਮ ’ਚ ਲੱਗੀ ਅੱਗ ਨੂੰ ਦੇਖ ਕੇ ਨੇੜਲੇ ਦੁਕਾਨਦਾਰ ਨੇ ਫਾਇਰ ਬ੍ਰਿਗੇਡ ਨੂੰ ਸੂਚਿਤ ਕੀਤਾ। ਗੁਦਾਮ ਪਿੱਛੇ ਸਵੇਰੇ ਕਿਸੇ ਨੇ ਕੂੜੇ ਦੇ ਢੇਰ ਨੂੰ ਅੱਗ ਲਾਈ ਸੀ, ਜਿਸ ਦੀਆਂ ਚੰਗਿਆੜੀਆਂ ਗੁਦਾਮ ਤੱਕ ਪੁੱਜ ਗਈਆਂ ਤੇ ਇਹ ਭਿਆਨਕ ਅੱਗ ’ਚ ਬਦਲ ਗਈਆਂ। ਅੱਗ ਭੜਕਣ ਨਾਲ ਨੇੜੇ ਰਹਿਣ ਵਾਲੇ ਮਜ਼ਦੂਰਾਂ ਨੂੰ ਸੁਰੱਖਿਅਤ ਜ਼ੋਨ ’ਚ ਸ਼ਿਫਟ ਕੀਤਾ ਗਿਆ। ਇਸ ਇਲਾਕੇ ’ਚ ਮਜ਼ਦੂਰਾਂ ਦੇ 100 ਤੋਂ ਵੱਧ ਘਰ ਹਨ ਤੇ ਆਬਾਦੀ ਲਗਪਗ ਦੋ ਹਜ਼ਾਰ ਹੈ, ਕਿਉਂਕਿ ਇਹ ਗੁਦਾਮ ਸੀ, ਇਸ ਲਈ ਇੱਥੇ ਕੋਈ ਮਜ਼ਦੂਰ ਹਾਦਸੇ ਵੇਲੇ ਮੌਜੂਦ ਨਹੀਂ ਸੀ। ਭਾਰਤ ਮੈਨੂਫੈਕਚਰਿੰਗ ਦੀ ਫੈਕਟਰੀ ਹਾਦਸੇ ਵਾਲੀ ਜਗ੍ਹਾ ਤੋਂ ਕੁਝ ਦੂਰੀ 'ਤੇ ਹੈ। ਅੱਗ 'ਤੇ ਕਾਬੂ ਪਾਉਣ ਲਈ ਫਾਇਰ ਬ੍ਰਿਗੇਡ ਦੀਆਂ 20 ਗੱਡੀਆਂ ਖਾਲੀ ਹੋ ਗਈਆਂ।

ਸ਼ਾਮ ਛੇ ਵਜੇ ਤੱਕ ਰਾਹਤ ਕਾਰਜ ਜਾਰੀ ਰਿਹਾ। ਭਾਰਤ ਮੈਨੂਫੈਕਚਰਿੰਗ ਲੱਕੜ ਦੇ ਸਾਮਾਨ ਪੈਕਿੰਗ ਦੇ ਫਰੇਮ ਬਣਾਉਂਦੀ ਹੈ ਤੇ ਜਿੱਥੇ ਹਾਦਸਾ ਹੋਇਆ, ਉਹ ਫੈਕਟਰੀ ਦਾ ਗੁਦਾਮ ਹੈ। ਫੈਕਟਰੀ ਦੇ ਮਾਲਕ ਗੁਰਪ੍ਰੀਤ ਸਿੰਘ ਉਰਫ਼ ਗੋਲਡੀ ਨੇ ਕਿਹਾ ਕਿ ਫੈਕਟਰੀ ਅਤੇ ਗੁਦਾਮ ’ਚ ਅੱਗ ਬੁਝਾਉਣ ਦੇ ਪੂਰੇ ਪ੍ਰਬੰਧ ਹਨ ਪਰ ਮੌਕੇ 'ਤੇ ਕੋਈ ਮੌਜੂਦ ਨਹੀਂ ਸੀ, ਇਸ ਲਈ ਅੱਗ ਭੜਕੀ। ਸਵਰਨ ਪਾਰਕ ਇਲਾਕੇ ’ਚ ਭਾਰਤ ਮੈਨੂਫੈਕਚਰਿੰਗ ਦੀਆਂ 10 ਦੇ ਕਰੀਬ ਇਕਾਈਆਂ ਹਨ। ਫੈਕਟਰੀ ਚਲਾਉਣ ਵਾਲੇ ਉਦਯੋਗਿਕ ਪਿਛੋਕੜ ਦੇ ਹਨ। ਅੱਗ ਲੱਗਣ ਦੀ ਸੂਚਨਾ ਮਿਲਣ 'ਤੇ ਸਾਰੇ ਮੌਕੇ 'ਤੇ ਪੁੱਜੇ ਤੇ ਲੋਕਾਂ ਦੀ ਮਦਦ ਨਾਲ ਅੱਗ ਬੁਝਾਉਣ ’ਚ ਲੱਗੇ ਰਹੇ। ਅੱਧੇ ਘੰਟੇ ਬਾਅਦ ਫੋਕਲ ਪੁਆਇੰਟ ਦੀ ਇਕ ਕੰਪਨੀ ਦੀਆਂ ਨਿੱਜੀ ਦੋ ਫਾਇਰ ਬ੍ਰਿਗੇਡ ਗੱਡੀਆਂ ਮੌਕੇ 'ਤੇ ਪੁੱਜੀਆਂ। ਉਸ ਤੋਂ ਬਾਅਦ ਨਗਰ ਨਿਗਮ ਦੀਆਂ ਗੱਡੀਆਂ ਪਹੁੰਚੀਆਂ।

---

ਕੂੜੇ ਨੂੰ ਲਾਈ ਅੱਗ ਨਾਲ ਭੜਕੀਆਂ ਚੰਗਿਆੜੀਆਂ

ਬੁੱਧਵਾਰ ਕਰੀਬਨ ਸਾਢੇ 11 ਅਤੇ 12 ਵਜੇ ਦੇ ਦਰਮਿਆਨ ਲੱਕੜ ਦੇ ਗੁਦਾਮ ਪਿੱਛੇ ਖਾਲੀ ਪਲਾਟ ’ਚ ਕਿਸੇ ਨੇ ਕੂੜੇ ਦੇ ਢੇਰ ਨੂੰ ਅੱਗ ਲਾਈ ਸੀ। ਖੁੱਲ੍ਹੀ ਜਗ੍ਹਾ ਹੋਣ ਕਾਰਨ ਹਵਾ ’ਚ ਚੰਗਿਆੜੀਆਂ ਗੁਦਾਮ ਤੱਕ ਪੁੱਜ ਗਈਆਂ ਤੇ ਅੱਗ ਭੜਕ ਗਈ। ਗੁਦਾਮ ਸੜ ਕੇ ਸੁਆਹ ਹੋ ਚੁੱਕਾ ਹੈ। ਅੰਦਰ ਸੁਰੱਖਿਆ ਦੇ ਪ੍ਰਬੰਧ ਢੁੱਕਵੇਂ ਸਨ ਜਾਂ ਨਹੀਂ, ਇਹ ਤਾਂ ਬਾਅਦ ’ਚ ਪਤਾ ਲੱਗੇਗਾ। ਫਿਲਹਾਲ ਦੇਰ ਸ਼ਾਮ ਤੱਕ ਅੱਗ ਬੁਝਾਉਣ ਅਤੇ ਸੜੀ ਹੋਈ ਰਾਖ ਦੇ ਤਾਪ ਤੋਂ ਬਚਾਅ ਦਾ ਕੰਮ ਜਾਰੀ ਹੈ। ਹਾਦਸੇ ਤੇ ਨਿਯਮਾਂ ਦੀ ਜਾਂਚ ਹੋਵੇਗੀ।

ਗੁਰਪ੍ਰੀਤ ਕੌਰ, ਹੈਡ ਕਾਂਸਟੇਬਲ, ਥਾਣਾ ਡਵੀਜ਼ਨ-1

---

ਜਿਸ ਗਲੀ ’ਚ ਹਾਦਸਾ ਹੋਇਆ, ਉੱਥੇ ਲੱਕੜ ਦੇ 10 ਤੋਂ ਵੱਧ ਗੁਦਾਮ ਤੇ ਫੈਕਟਰੀਆਂ ਹਨ। ਨੇੜੇ ਹੀ ਲੋਕਾਂ ਦੇ ਘਰ ਹਨ ਤੇ ਇਹ ਆਬਾਦੀ ਵਾਲਾ ਇਲਾਕਾ ਹੈ। ਅੱਗ ਇੰਨੀ ਭਿਆਨਕ ਸੀ ਕਿ ਫਾਇਰ ਬ੍ਰਿਗੇਡ ਦੇ ਪਾਣੀ ਦੇ ਪਾਈਪ ਚੁੱਕਣ ਲਈ ਜੇਸੀਬੀ ਦਾ ਸਹਾਰਾ ਲਿਆ ਗਿਆ। ਸੜਦੇ ਗੁਦਾਮ ਤੋਂ ਸ਼ੈੱਡ ਢਾਹਿਆ ਗਿਆ ਤੇ ਅੰਦਰ ਪਾਣੀ ਦੀਆਂ ਬੁਛਾੜਾਂ ਲਈ ਜੇਸੀਬੀ ਦੀ ਵਰਤੋਂ ਕੀਤੀ ਗਈ। ਗੁਦਾਮਾਂ ’ਚ ਸੁਰੱਖਿਆ ਮਾਪਦੰਡ ਪੂਰੇ ਸਨ ਜਾਂ ਨਹੀਂ, ਇਸ 'ਤੇ ਜਾਂਚ ਚੱਲ ਰਹੀ ਹੈ। ਗੁਦਾਮ ਸੜ ਕੇ ਸੁਆਹ ਹੋ ਗਿਆ ਹੈ। ਰਾਹਤ ਕਾਰਜ ਦੇਰ ਸ਼ਾਮ ਤੱਕ ਚੱਲਦੇ, ਹੁਣ ਵੀਰਵਾਰ ਨੂੰ ਹਾਦਸੇ ਕਾਰਨ, ਜ਼ਿੰਮੇਵਾਰ ਵਿਅਕਤੀ, ਪੁਲਿਸ ਤੇ ਨਗਰ ਨਿਗਮ ਇਸ ਦੀ ਜਾਂਚ ਕਰਨਗੇ।