ਪੁਲਿਸ ਡੀਏਵੀ ਸਕੂਲ ’ਚ ਪ੍ਰਿੰਸੀਪਲ ਦਿਵਸ ਮਨਾਇਆ

ਮਨਜੀਤ ਸ਼ੇਮਾਰੂ, ਪੰਜਾਬੀ ਜਾਗਰਣ, ਜਲੰਧਰ ਸ਼ਨਿੱਚਰਵਾਰ ਨੂੰ ਪੁਲਿਸ ਡੀਏਵੀ ਪਬਲਿਕ ਸਕੂਲ, ਪੀਏਪੀ ਕੈਂਪਸ ਵਿਖੇ ਪ੍ਰਿੰਸੀਪਲ ਦਿਵਸ ਮਨਾਇਆ ਗਿਆ। ਇਸ ਮੌਕੇ ਸਕੂਲ ਦੇ ਰੱਖ-ਰਖਾਅ ਵਿਭਾਗ ਨੇ ਪ੍ਰਿੰਸੀਪਲ ਡਾ. ਰਸ਼ਮੀ ਵਿਜ ਨੂੰ ਸਕੂਲ ਦੇ ਗੇਟ ’ਤੇ ਪਹੁੰਚਣ ’ਤੇ ਹਿੰਦੀ ਗੀਤਾਂ ’ਤੇ ਡਾਂਸ ਪੇਸ਼ ਕੀਤਾ। ਸਕੂਲ ਦੇ ਸਾਰੇ ਸੁਪਰਵਾਈਜ਼ਰਾਂ ਤੇ ਅਧਿਆਪਕਾਂ ਨੇ ਉਨ੍ਹਾਂ ਦਾ ਗੁਲਦਸਤੇ ਤੇ ਫੁੱਲਾਂ ਦੀ ਵਰਖਾ ਨਾਲ ਸਵਾਗਤ ਕੀਤਾ। ਪ੍ਰਾਰਥਨਾ ਸਭਾ ’ਚ ਅਧਿਆਪਕਾਂ ਨੇ ਪ੍ਰਾਰਥਨਾਵਾਂ, ਅੱਜ ਦੀਆਂ ਸੁਰਖੀਆਂ ਤੇ ਦਿਨ ਲਈ ਇੱਕ ਵਿਚਾਰ ਪੇਸ਼ ਕੀਤਾ। ਸੰਗੀਤ ਵਿਭਾਗ ਦੇ ਅਧਿਆਪਕ ਨੰਦਲਾਲ ਵੱਲੋਂ ਲਿਖਿਆ ਗੀਤ ਪੱਲਾ ਤੇਰਾ ਨਹੀਂ ਛੱਡਣਾ ਅਧਿਆਪਕਾਂ ਵੱਲੋਂ ਪੇਸ਼ ਕੀਤਾ ਗਿਆ। ਅਧਿਆਪਕਾਂ ਤੇ ਵਿਦਿਆਰਥੀਆਂ ਨੇ ਅਮਿਤ ਸੋਹਲ ਵੱਲੋਂ ਰਚਿਤ ਗੀਤ ‘ਹੈਪੀ ਪ੍ਰਿੰਸੀਪਲ ਦਿਵਸ’ ’ਤੇ ਡਾਂਸ ਪੇਸ਼ ਕੀਤਾ ਤੇ ਪ੍ਰਿੰਸੀਪਲ ਡਾ. ਰਸ਼ਮੀ ਵਿਜ ਦੇ 30 ਸਾਲਾਂ ਦੇ ਸਫ਼ਰ ਨੂੰ ਇੱਕ ਕਾਫਲੇ ਰਾਹੀਂ ਪੇਸ਼ ਕੀਤਾ। ਇਸ ਮੌਕੇ ਪ੍ਰਿੰਸੀਪਲ ਡਾ. ਰਸ਼ਮੀ ਵਿਜ ਨੇ ਪੁਲਿਸ ਡੀਏਵੀ ਦੇ ਹਰੇਕ ਵਿਅਕਤੀ, ਅਧਿਆਪਕਾਂ, ਗੈਰ-ਅਧਿਆਪਨ ਵਿਭਾਗ ਤੇ ਸਾਰੇ ਵਿਦਿਆਰਥੀਆਂ ਦਾ ਧੰਨਵਾਦ ਕੀਤਾ ਤੇ ਕਿਹਾ ਕਿ ਤੁਹਾਡੇ ਸਾਰਿਆਂ ਦੇ ਕਾਰਨ ਹੀ ਮੇਰਾ ਇੱਕ ਨਾਮ ਹੈ।