ਵਾਤਾਵਰਣ ਸੁਰੱਖਿਆ ਦਾ ਸੁਨੇਹਾ ਤੇ ਦੇਸ਼ ਭਗਤੀ ਦਾ ਜਜ਼ਬਾ ਲੈ ਕੇ ਸੜਕਾਂ ’ਤੇ ਨਿਕਲੇ ਸ਼ਹਿਰ ਵਾਸੀ

ਰਾਸ਼ਟਰੀ ਸਵੈਸੇਵਕ ਸੰਘ ਦੀ ਮਾਡਲ ਟਾਊਨ ਇਕਾਈ ਨੇ ਕੀਤਾ ਆਯੋਜਨ ਵੱਖ-ਵੱਖ ਧਾਰਮਿਕ, ਸਮਾਜਿਕ ਤੇ ਵਪਾਰਕ ਸੰਸਥਾਵਾਂ ਦੇ ਨੁਮਾਇੰਦੇ ਨੇ ਵੀ ਹੋਏ ਸ਼ਾਮਲ ਜਾਗਰਣ ਸੰਵਾਦਦਾਤਾ, ਜਲੰਧਰ : ਮਾਡਲ ਟਾਊਨ ਇਲਾਕੇ ’ਚ ਐਤਵਾਰ ਦੀ ਸਵੇਰ ਖਾਸ ਸੀ। ਕਾਰਨ, ਇਲਾਕੇ ਦੇ ਸ਼ਿਵਾਨੀ ਪਾਰਕ ਦੇ ਬਾਹਰ ਜ਼ਿਲੇ ਭਰ ਤੋਂ ਆਏ ਲੋਕਾਂ ਦੀ ਭੀੜ ਵਾਤਾਵਰਣ ਸੁਰੱਖਿਆ ਤੇ ਦੇਸ਼ ਪ੍ਰਤੀ ਸਮਰਪਣ ਭਾਵ ਦਾ ਸੁਨੇਹਾ ਦੇਣ ਲਈ ਇਕੱਠੀ ਹੋਈ ਸੀ, ਜਦੋਂ ਇਹ ਲੋਕ ਸੜਕਾਂ ’ਤੇ ਨਿਕਲੇ ਤਾਂ ਪੂਰਾ ਸ਼ਹਿਰ ‘ਭਾਰਤ ਮਾਤਾ ਕੀ ਜੈ’ ਦੇ ਜ਼ੋਰਦਾਰ ਨਾਅਰਿਆਂ ਨਾਲ ਗੂੰਜ ਉੱਠਿਆ। ਇਹ ਮੌਕਾ ਸੀ ਰਾਸ਼ਟਰੀ ਸਵੈਸੇਵਕ ਸੰਘ ਦੀ ਮਾਡਲ ਟਾਊਨ ਇਕਾਈ ਵੱਲੋਂ ਸ਼ਿਵਾਨੀ ਪਾਰਕ ’ਚ ਕਰਵਾਇਆ ਗਈ ਇਕ ਯੁਵਾ ਮੈਰਾਥਨ ਦਾ। ਖਾਸ ਗੱਲ ਇਹ ਹੈ ਕਿ ਮੈਰਾਥਨ ਦੀ ਆਫਲਾਈਨ ਰਜਿਸਟ੍ਰੇਸ਼ਨ ਦਾ ਸਮਾਂ ਸਵੇਰ 6 ਵਜੇ ਸੀ ਪਰ ਲੋਕਾਂ ਦੇ ਉਤਸ਼ਾਹ ਦਾ ਸਬੂਤ ਇਸ ਗੱਲ ਤੋਂ ਮਿਲਦਾ ਹੈ ਕਿ ਉਹ ਸਵੇਰ 5 ਵਜੇ ਤੋਂ ਹੀ ਸ਼ਿਵਾਨੀ ਪਾਰਕ ’ਚ ਇਕੱਠੇ ਹੋਣ ਲੱਗੇ ਸਨ। ਇਸ ਤੋਂ ਪਹਿਲਾਂ ਵਾਰਮ-ਅੱਪ ਸੈਸ਼ਨ ਦਾ ਆਯੋਜਨ ਕੀਤਾ ਗਿਆ, ਜਿਸ ’ਚ ਸ਼ਹਿਰ ਵਾਸੀਆਂ ਨੇ ਦੇਸ਼ ਭਗਤੀ ਦੇ ਗੀਤਾਂ ’ਤੇ ਝੂਮ ਉਠੇ। ਪ੍ਰੋ ਅਲਟੀਮਟ ਜਿਮ ਦੇ ਟ੍ਰੇਨਰਾਂ ਤੇ ਸਕਾਈ ਡਾਈਵ ਗਰੁੱਪ ਦੇ ਮੈਂਬਰਾਂ ਨੇ ਦੇਸ਼ ਭਗਤੀ ਦੇ ਗੀਤਾਂ ’ਤੇ ਵਾਰਮ-ਅੱਪ (ਜ਼ੁੰਬਾ) ਕਰਵਾਇਆ। ਮੈਰਾਥਨ ਦੇ ਸਹਿਯੋਗੀਆਂ ’ਚ ਪੰਕਜ ਕਪੂਰ, ਪ੍ਰੋ ਅਲਟੀਮਟ ਜਿਮ, ਸ਼ਿਵਾਨੀ ਪਾਰਕ, ਰਵਿੰਦਰ ਢਾਬਾ, ਵਿਕਟਰ ਟੂਲਜ਼, ਐੱਨਪੀਐੱਸ ਸੁਰੱਖਿਆ ਸੇਵਾਵਾਂ, ਪਵਨ ਜਿਊਲਰਜ਼, ਸੀਟੀ ਇੰਸਟੀਟਿਊਟ ਤੇ ਫਾਸਟ ਫਾਰੇਕਸ ਸੇਵਾਵਾਂ ਨੇ ਅਹਮ ਭੂਮਿਕਾ ਨਿਭਾਈ। ਨਵਦੀਪ ਸ਼ਰਮਾ ਨੇ ਸਾਰੇ ਲੋਕਾਂ ਨੂੰ ਆਪਣੇ ਰਾਸ਼ਟਰ ਪ੍ਰਤੀ ਸਮਰਪਣ ਹੋਣ ਲਈ ਪ੍ਰੇਰਿਤ ਕੀਤਾ। ਉਨ੍ਹਾਂ ਕਿਹਾ ਕਿ ਅੱਜ ਮਾਂ ਦੇ ਦਿਨ ਹੈ, ਜਦਕਿ ਸੰਘ ਦੀ ਸ਼ਾਖਾ ’ਚ ਹਰ ਰੋਜ਼ ਮਾਂ ਭਾਰਤੀ ਨੂੰ ਨਮਨ ਕਰ ਕੇ ਇਸ ਨੂੰ ਮਨਾਇਆ ਜਾਂਦਾ ਹੈ। ਰਿਟਾ. ਕਰਨਲ ਵੀਕੇ ਸ਼ਰਮਾ ਨੇ ਵੀ ਆਪਣੇ ਵਿਚਾਰ ਰੱਖੇ। ਇਸ ਦੌਰਾਨ ਪਵਨ ਮਲਹੋਤਰਾ ਨੇ ਸਹਿਯੋਗ ਦੇਣ ਵਾਲਿਆਂ ਦਾ ਧੰਨਵਾਦ ਕੀਤਾ। ਸ਼ਿਵਾਨੀ ਪਾਰਕ ’ਚ ਇਸਕਾਨ, ਆਰਟ ਆਫ ਲਿਵਿੰਗ, ਗੀਤਾ ਪ੍ਰੈੱਸ ਗੋਖਰਪੁਰ, ਇਸਾ ਫਾਊਂਡੇਸ਼ਨ, ਪੰਚਗਵਯ, ਸੇਵਿਕਾ ਸਮਿਤੀ, ਆਪਣਾ ਸਾਹਿਤ, ਜੁਆਇਨ ਆਰਐੱਸਐੱਸ ਤੇ ਵਾਤਾਵਰਣ ਸੁਰੱਖਿਆ ਗਤੀਵਿਧੀ ਦੇ ਸਟਾਲ ਲਾ ਕੇ ਲੋਕਾਂ ਨੂੰ ਆਯੁਰਵੇਦ ਤੇ ਭਾਰਤੀ ਸੰਸਕ੍ਰਿਤੀ ਪ੍ਰਤੀ ਜਾਗਰੂਕ ਕੀਤਾ ਗਿਆ। ਮੰਚ ਦਾ ਸੰਚਾਲਨ ਗੌਰੀਸ਼ ਤੇ ਰਕਸ਼ਿਤ ਨੇ ਕੀਤਾ, ਜਿਵੇਂ ਹੀ ਮੰਚ ’ਤੇ ਨਾਗਰਿਕ ਕਰਤੱਵ ਦੀ ਗੱਲ ਹੋਈ, ਸਾਰੇ ਲੋਕ ਆਪਣੇ ਆਪ ਸੜਕ ’ਤੇ ਪਏ ਛਿਲਕੇ ਤੇ ਪਾਣੀ ਦੀ ਖਾਲੀ ਬੋਤਲਾਂ ਚੁੱਕਣ ਲੱਗੇ। ਇਸ ਮੌਕੇ ਡਾ. ਸਤੀਸ਼ ਸ਼ਰਮਾ, ਕੰਕੇਸ਼ ਗੁਪਤਾ, ਰਾਕੇਸ਼ ਕਪੂਰ, ਗੌਰਵ ਢੱਲ, ਪ੍ਰਮੋਦ ਕਾਲੀਆ, ਰਾਕੇਸ਼ ਸ਼ਰਮਾ, ਡਾ. ਰਜਤ ਸਰੀਨ, ਅੰਕੁਰ ਜੈਨ, ਮਿਗਲਾਨੀ, ਸੁਮੇਸ਼ ਲੂਥਰਾ, ਇਸਾਨ ਕਾਲੀਆ, ਸੁਮਿਤ ਲੂਥਰਾ, ਲਲਿਤ ਧਵਨ, ਮਧੁਰ ਸਿਆਲ, ਸੰਦੀਪ ਸ਼ਰਮਾ ਤੇ ਵਿਕਾਸ ਕੈਂਥ ਸਮੇਤ ਕਈ ਮੈਂਬਰ ਮੌਜੂਦ ਸਨ।