ਰੇਲ ਯਾਤਰੀਆਂ ਲਈ ਅਹਿਮ ਖਬਰ ; ਅੰਮ੍ਰਿਤਸਰ-ਜੈਨਗਰ ਟਰੇਨ ਦਾ ਰੂਟ ਬਦਲਿਆ, ਮਊ ਸੈਕਸ਼ਨ ’ਤੇ ਦੋਹਰੀਕਰਨ ਕਾਰਨ ਟਰੇਨ 04652 ਪ੍ਰਭਾਵਿਤ

ਸਟਾਫ ਰਿਪੋਰਟਰ, ਪੰਜਾਬੀ ਜਾਗਰਣ, ਫਿਰੋਜ਼ਪੁਰ : ਰੇਲਵੇ ਨੇ 20 ਨਵੰਬਰ 2025 ਨੂੰ ਮਊ ਸਟੇਸ਼ਨ ’ਤੇ ਦੋਹਰੀਕਰਨ ਦੇ ਕੰਮ ਕਾਰਨ ਟਰੇਨ ਨੰਬਰ 04652 ਅੰਮ੍ਰਿਤਸਰ-ਜੈਨਗਰ ਦੇ ਰੂਟ ਨੂੰ ਬਦਲ ਦਿੱਤਾ ਹੈ।

ਮੁੱਖ ਲੋਕ ਸੰਪਰਕ ਅਧਿਕਾਰੀ ਹਿਮਾਂਸ਼ੂ ਸ਼ੇਖਰ ਉਪਾਧਿਆਏ ਵੱਲੋਂ ਜਾਰੀ ਕੀਤੀ ਗਈ ਜਾਣਕਾਰੀ ਅਨੁਸਾਰ ਇਹ ਟਰੇਨ ਹੁਣ ਸ਼ਾਹਗੰਜ ਜੰਕਸ਼ਨ-ਮਊ-ਬਲੀਆ ਦੀ ਬਜਾਏ ਬਦਲੇ ਹੋਏ ਰਸਤੇ ਤੋਂ ਲੰਘੇਗੀ, ਜਿਸ ਦਾ ਨਵਾਂ ਰੂਟ ਸ਼ਾਹਗੰਜ ਜੰਕਸ਼ਨ-ਜੌਨਪੁਰ ਜੰਕਸ਼ਨ-ਔਨਰੀਹਾਰ ਜੰਕਸ਼ਨ-ਗਾਜ਼ੀਪੁਰ ਸਿਟੀ - ਬਲੀਆ-ਛਪਰਾ ਹੈ।

ਯਾਤਰੀਆਂ ਨੂੰ ਅਪੀਲ ਕੀਤੀ ਜਾਂਦੀ ਹੈ ਕਿ ਉਹ ਕਿਸੇ ਵੀ ਤਾਜ਼ਾ ਜਾਣਕਾਰੀ ਲਈ ਐੱਨਟੀਈਐੱਸ ਵੈੱਬਸਾਈਟ ’ਤੇ ਵਿਜ਼ਿਟ ਕਰਨ ਜਾਂ 139 ਡਾਇਲ ਕਰਨ।