ਜਾਖੜ ਨੂੰ ਪਤਾ ਸੀ ਕਿ 350 ਕਰੋੜ ’ਚ ਵਿਕੀ ਸੀ ਸੀਐੱਮ ਦੀ ਕੁਰਸੀ ਤਾਂ ਚੁੱਪ ਕਿਉਂ ਰਹੇ : ਪੰਨੂ

ਇਸੇ ਲਈ ਉਹ ਇਹ ਗੱਲ ਇੰਨੇ ਭਰੋਸੇ ਨਾਲ ਕਹਿ ਰਹੇ ਹਨ। ਪੰਨੂ ਨੇ ਜਾਖੜ ਨੂੰ ਸਪੱਸ਼ਟ ਕਰਨ ਲਈ ਕਿਹਾ ਕਿ ਕੀ ਉਹ ਇਹ ਸਭ ਕੁਝ ਮੁੱਖ ਮੰਤਰੀ ਹੁੰਦਿਆਂ ਜਾਣਦੇ ਸਨ। ਕੀ ਇਸੇ ਲਈ ਉਨ੍ਹਾਂ ਦੀ ਵਾਰੀ ਨਹੀਂ ਆਈ ਕਿਉਂਕਿ ਉਸ ਸਮੇਂ ਸੀਟ 350 ਕਰੋੜ ਰੁਪਏ ਵਿੱਚ ਵਿਕ ਗਈ ਸੀ? ਅਤੇ ਅੱਜ ਮਹਿੰਗਾਈ ਕਾਰਨ ਇਸ ਦੀ ਕੀਮਤ 500 ਕਰੋੜ ਰੁਪਏ ਹੋ ਗਈ ਹੈ, ਜਿਵੇਂ ਕਿ ਨਵਜੋਤ ਕੌਰ ਸਿੱਧੂ ਕਹਿ ਰਹੀ ਹੈ। ਉਨ੍ਹਾਂ ਚਿਤਾਵਨੀ ਦਿੱਤੀ ਕਿ ਜਦੋਂ ਕੋਈ ਪਾਰਟੀ ਮੁੱਖ ਮੰਤਰੀ ਦੀ ਸੀਟ 350 ਕਰੋੜ ਰੁਪਏ ਜਾਂ 500 ਕਰੋੜ ਰੁਪਏ ਵਿੱਚ ਵੇਚਦੀ ਹੈ, ਤਾਂ ਇਹ ਭ੍ਰਿਸ਼ਟਾਚਾਰ ਦੀ ਡੂੰਘੀ ਨੀਂਹ ਰੱਖੇਗੀ। ਉਨ੍ਹਾਂ ਕਿਹਾ ਕਿ ਜੇਕਰ ਪੰਜਾਬ ਦੇ ਲੋਕ ਦੁਬਾਰਾ ਕਾਂਗਰਸ ’ਤੇ ਭਰੋਸਾ ਕਰਦੇ ਹਨ, ਤਾਂ ਇਸ ਦਾ ਮਤਲਬ ਇਹ ਹੋਵੇਗਾ ਕਿ 500 ਕਰੋੜ ਦੇ ਕੇ ਮੁੱਖ ਮੰਤਰੀ ਬਣਿਆ ਵਿਅਕਤੀ ਅੱਗੇ ਪਤਾ ਨਹੀਂ ਕਿੰਨੇ ਸਿਫ਼ਰ ਹੋਰ ਲਗਾਏਗਾ।