ਸਕਾਰਪੀਓ ਦੀ ਟੱਕਰ ਨਾਲ ਜ਼ਖਮੀ ਹੋਈ ਲੜਕੀ ਦੀ ਮੌਤ

24 ਨਵੰਬਰ ਨੂੰ ਸੈਕਟਰ-10 ’ਚ ਹੋਇਆ ਸੀ ਦਰਦਨਾਕ ਹਾਦਸਾ, 32 ਸਾਲਾ ਲੜਕੀ ਨੂੰ ਕਾਰ ਨੇ ਮਾਰੀ ਸੀ ਟੱਕਰ

ਜਾਗਰਣ ਸੰਵਾਦਦਾਤਾ, ਚੰਡੀਗੜ੍ਹ

ਸੈਕਟਰ-10 ’ਚ ਹੋਈ ਇਕ ਦਰਦਨਾਕ ਸੜਕ ਦੁਰਘਟਨਾ ’ਚ ਜ਼ਖਮੀ 32 ਸਾਲਾ ਲੜਕੀ ਅਰਚਨਾ ਨੇ 4 ਦਿਨਾਂ ਤੱਕ ਮੌਤ ਨਾਲ ਲੜਾਈ ਲੜਨ ਦੇ ਬਾਅਦ ਸ਼ੁੱਕਰਵਾਰ ਰਾਤ ਪੀਜੀਆਈ ’ਚ ਆਪਣੀ ਜ਼ਿੰਦਗੀ ਦੀ ਜੰਗ ਹਾਰ ਗਈ। ਇਹ ਘਟਨਾ 24 ਨਵੰਬਰ ਦੀ ਸ਼ਾਮ ਨੂੰ ਵਾਪਰੀ, ਜਦੋਂ ਇਕ ਤੇਜ਼ ਰਫ਼ਤਾਰ ਮਹਿੰਦਰਾ ਸਕਾਰਪੀਓ ਨੇ ਉਸ ਦੀ ਐਕਟਿਵਾਨੂੰ ਜ਼ੋਰਦਾਰ ਟੱਕਰ ਮਾਰੀ। ਸਕਾਰਪੀਓ ਨੂੰ 12ਵੀਂ ਕਲਾਸ ਦਾ ਇਕ ਵਿਦਿਆਰਥੀ ਚਲਾ ਰਿਹਾ ਸੀ।

ਇਸ ਹਾਦਸੇ ’ਚ ਅਰਚਨਾ ਨਾਲ ਉਸ ਦੀ ਸਹੇਲੀ ਦੀਪਿਕਾ ਵੀ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਈ ਸੀ, ਜਿਸ ਨੂੰ ਗੰਭੀਰ ਹਾਲਤ ’ਚ ਪੀਜੀਆਈ ਰੈਫਰ ਕੀਤਾ ਗਿਆ ਸੀ। ਜ਼ਖਮੀ ਦੀਪਿਕਾ ਦੇ ਬਿਆਨ ’ਤੇ ਸੈਕਟਰ-3 ਪੁਲਿਸ ਨੇ ਦੋਸ਼ੀ ਕਾਰ ਚਾਲਕ ਖ਼ਿਲਾਫ਼ ਮਾਮਲਾ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਅਰਚਨਾ ਮੁੰਡੀਆਂ ਖਰੜ ਦੀ ਰਹਿਣ ਵਾਲੀ ਸੀ। ਉਹ ਕੁਆਰੀ ਸੀ ਤੇ ਪਰਿਵਾਰ ਉਸ ਦੇ ਵਿਆਹ ਦੀ ਤਿਆਰੀ ਕਰ ਰਿਹਾ ਸੀ। ਜ਼ਖਮੀ ਦੀਪਿਕਾ ਵੀ ਖਰੜ ਦੀ ਰਹਿਣ ਵਾਲੀ ਹੈ। ਦੀਪਿਕਾ ਦੇ ਬਿਆਨ ’ਤੇ ਪੁਲਿਸ ਨੇ ਦੋਸ਼ੀ ਚਾਲਕ ਸੈਕਟਰ-6 ਪੰਚਕੂਲਾ ਦੇ ਵੀਰ ਪ੍ਰਤਾਪ ਸਿੰਘ ਰੰਧਾਵਾ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਉਹ ਦਾਅਵਾ ਕੀਤਾ ਗਿਆ ਹੈ ਕਿ ਉਹ ਆਪਣੇ ਦੋਸਤਾਂ ਨਾਲ ਟਿਊਸ਼ਨ ਤੋਂ ਵਾਪਸ ਆ ਰਿਹਾ ਸੀ।

ਬਾਕਸ--

ਕਿਵੇਂ ਹੋਈ ਦੁਰਘਟਨਾ?

ਦੀਪਿਕਾ ਨੇ ਆਪਣੀ ਸ਼ਿਕਾਇਤ ’ਚ ਦੱਸਿਆ ਕਿ ਉਹ ਆਪਣੇ ਭਰਾ ਨਾਲ ਕਿਰਾਏ ’ਤੇ ਰਹਿੰਦੀ ਹੈ ਤੇ ਸੈਕਟਰ-8 ਸਥਿਤ ਸਟੇਪ ਅਹੈਡ ਮਾਈਗ੍ਰੇਸ਼ਨ ਦਫਤਰ ’ਚ ਕੰਮ ਕਰਦੀ ਹੈ। 24 ਨਵੰਬਰ ਦੀ ਸ਼ਾਮ ਦਫਤਰ ਬੰਦ ਕਰਨ ਦੇ ਬਾਅਦ ਉਹ ਅਰਚਨਾ ਨਾਲ ਘਰ ਵਾਪਸ ਆ ਰਹੀ ਸੀ। ਸੈਕਟਰ-9/10 ਡਿਵਾਈਡਿੰਗ ਰੋਡ ਤੋਂ ਸੈਕਟਰ-10 ਦੀਆਂ ਵੱਲ ਮੁੜਦੇ ਸਮੇਂ, ਜਦੋਂ ਉਹ ਦੋਵੇਂ ਪੈਟਰੋਲ ਪੰਪ ਦੀ ਵੱਲ ਜਾ ਰਹੀਆਂ ਸਨ ਤਾਂ ਸਾਹਮਣੇ ਤੋਂ ਆ ਰਹੀ ਇਕ ਤੇਜ਼ ਰਫ਼ਤਾਰ ਕਾਰ ਨੇ ਸਕੂਟਰ ਨੂੰ ਜ਼ੋਰਦਾਰ ਟੱਕਰ ਮਾਰ ਦਿੱਤੀ।

ਟੱਕਰ ਦੇ ਬਾਅਦ ਦੋਵੇਂ ਸੜਕ ’ਤੇ ਡਿੱਗ ਪਈਆਂ ਤੇ ਗੰਭੀਰ ਜ਼ਖਮੀ ਹੋ ਗਈਆਂ। ਰਾਹਗੀਰਾਂ ਨੇ 112 ’ਤੇ ਕਾਲ ਕੀਤੀ। ਪੀਸੀਆਰ ਤੇ ਐਂਬੂਲੈਂਸ ਮੌਕੇ ’ਤੇ ਪਹੁੰਚੀਆਂ ਤੇ ਦੋਵਾਂ ਨੂੰ ਪਹਿਲਾਂ ਜੀਐੱਮਐੱਸਐੱਚ-16 ਪਹੁੰਚਾਇਆ ਪਰ ਉਨ੍ਹਾਂ ਦੀ ਗੰਭੀਰ ਹਾਲਤ ਦੇਖ ਕੇ ਪੀਜੀਆਈ ਰੈਫਰ ਕੀਤਾ ਗਿਆ। ਇਲਾਜ ਦੌਰਾਨ ਅਰਚਨਾ ਦੀ ਮੌਤ ਹੋ ਗਈ, ਜਦਕਿ ਦੀਪਿਕਾ ਨੂੰ ਉਸ ਦੇ ਪਰਿਵਾਰਕ ਮੈਂਬਰ ਅੰਮ੍ਰਿਤਸਰ ਲੈ ਗਿਆ, ਜਿੱਥੇ ਡਾਕਟਰਾਂ ਮੁਤਾਬਕ ਉਸ ਦੀ ਹਾਲਤ ਸਥਿਰ ਹੈ।