ਪੰਜਾਬ 'ਚ ਅੰਤਰਰਾਜੀ ਸਾਈਬਰ ਠੱਗ ਗਿਰੋਹ ਦਾ ਪਰਦਾਫਾਸ਼, 10 ਮੁਲਜ਼ਮ ਕਾਬੂ; ਵਿਦੇਸ਼ ਬੈਠੇ ਲੋਕਾਂ ਨੂੰ ਬਣਾਉਂਦੇ ਸੀ ਸ਼ਿਕਾਰ

ਸੰਵਾਦ ਸਹਿਯੋਗੀ, ਜ਼ੀਰਕਪੁਰ (ਮੋਹਾਲੀ): ਪੰਜਾਬ ਪੁਲਿਸ ਨੇ ਇੱਕ ਅੰਤਰਰਾਜੀ ਸਾਈਬਰ ਠੱਗ ਗਿਰੋਹ ਦਾ ਭੰਡਾਫੋੜ ਕਰਦਿਆਂ 10 ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਮੁਲਜ਼ਮਾਂ ਕੋਲੋਂ 9 ਲੈਪਟਾਪ ਅਤੇ 12 ਮੋਬਾਈਲ ਫੋਨ ਬਰਾਮਦ ਹੋਏ ਹਨ, ਜਿਨ੍ਹਾਂ ਦੀ ਵਰਤੋਂ ਠੱਗੀ ਮਾਰਨ ਲਈ ਕੀਤੀ ਜਾ ਰਹੀ ਸੀ।

ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਮੁਲਜ਼ਮ ਆਪਣੇ ਸਰਗਨਾ ਦੇ ਨਿਰਦੇਸ਼ਾਂ 'ਤੇ ਵਿਦੇਸ਼ਾਂ ਵਿੱਚ ਬੈਠੇ ਲੋਕਾਂ ਨਾਲ ਆਨਲਾਈਨ ਸੰਪਰਕ ਕਰਦੇ ਸਨ ਅਤੇ ਉਨ੍ਹਾਂ ਨੂੰ ਘੱਟ ਵਿਆਜ 'ਤੇ ਲੋਨ ਦੇਣ ਦਾ ਝਾਂਸਾ ਦਿੰਦੇ ਸਨ। ਇਸ ਦੇ ਬਦਲੇ ਡਾਲਰਾਂ ਵਿੱਚ ਰਕਮ ਵਸੂਲ ਕੇ ਠੱਗੀ ਦੀ ਵਾਰਦਾਤ ਨੂੰ ਅੰਜਾਮ ਦਿੰਦੇ ਸਨ।

ਪੁਲਿਸ ਮੁਤਾਬਕ ਮੁਲਜ਼ਮਾਂ ਕੋਲ ਕਿਸੇ ਵੀ ਕਿਸਮ ਦੀ ਅਧਿਕਾਰਤ ਵਿੱਤੀ ਸੰਸਥਾ ਦੀ ਮਾਨਤਾ ਨਹੀਂ ਸੀ ਅਤੇ ਉਹ ਯੋਜਨਾਬੱਧ ਤਰੀਕੇ ਨਾਲ ਇਸ ਅਪਰਾਧ ਨੂੰ ਅੰਜਾਮ ਦੇ ਰਹੇ ਸਨ। ਹੁਣ ਪੁਲਿਸ ਵੱਲੋਂ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ, ਜਿਸ ਨਾਲ ਹੋਰ ਵੀ ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ।

ਇਹ ਮੁਲਜ਼ਮ ਹੋਏ ਕਾਬੂ:

1. ਮੇਲਵਿਨ ਠੋਕਰ (ਗੁਜਰਾਤ)
2. ਅਨਿਰੁੱਧ ਪਨੀਆ (ਕਾਂਗੜਾ, ਹਿਮਾਚਲ)
3. ਅਨੰਤ ਦੇਵ ਕੌਸ਼ਿਕ (ਅਹਿਮਦਾਬਾਦ)
4. ਪਵਨ ਪਾਂਡੇਵਰ (ਅਹਿਮਦਾਬਾਦ)
5. ਸੋਨੂੰ ਦਿਯਾਲੀ (ਪੱਛਮੀ ਬੰਗਾਲ)
6. ਮਿਲਨ ਸੁਨਵਾਰ (ਪੱਛਮੀ ਬੰਗਾਲ)
7. ਆਸਿਕ ਦਰਜੀ (ਪੱਛਮੀ ਬੰਗਾਲ)
8. ਅਰਜੁਨ ਛੇਤਰੀ (ਪੱਛਮੀ ਬੰਗਾਲ)
9. ਪ੍ਰਸ਼ਾਂਤ ਓਮ ਪ੍ਰਕਾਸ਼ ਜਾਇਸਵਾਲ (ਅਹਿਮਦਾਬਾਦ)
10. ਪਲਵਿੰਦਰ ਸਿੰਘ (ਲਾਲੜੂ, ਪੰਜਾਬ)