ਕੱਪੜਾ ਉਦਯੋਗ ’ਚ ਤਿੰਨ ਦਹਾਕਿਆਂ ਦੀ ਸਫ਼ਲਤਾ ਦੀ ਗਾਥਾ

ਸਟਾਫ਼ ਰਿਪੋਰਟਰ, ਪੰਜਾਬੀ ਜਾਗਰਣ, ਐੱਸਏਐੱਸ ਨਗਰ। ਪੰਜਾਬ ਦੇ ਕੱਪੜਾ ਉਦਯੋਗ ਵਿਚ ’ਅਸ਼ੋਕਾ ਟੈਕਸਟਾਈਲਜ਼’ ਇਕ ਭਰੋਸੇਯੋਗ ਨਾਮ ਹੈ, ਜਿਸਦੇ ਪ੍ਰਬੰਧ ਨਿਰਦੇਸ਼ਕ (ਐੱਮਡੀ) ਅਸ਼ੋਕ ਬਾਂਸਲ ਤਿੰਨ ਦਹਾਕਿਆਂ ਤੋਂ ਵੱਧ ਸਮੇਂ ਤੋਂ ਗਾਹਕਾਂ ਨੂੰ ਵਧੀਆ ਕੁਆਲਿਟੀ ਦੇ ਕੱਪੜੇ ਪ੍ਰਦਾਨ ਕਰਨ ਲਈ ਜਾਣੇ ਜਾਂਦੇ ਹਨ। ਇਹ ਸਫ਼ਲਤਾ ਦੀ ਯਾਤਰਾ ਇਕ ਨਿਮਰ ਸ਼ੁਰੂਆਤ ਨਾਲ ਹੋਈ ਸੀ, ਜਦੋਂ ਬਾਂਸਲ ਨੇ 1989 ਵਿਚ ਮੁਹਾਲੀ ਸਥਿਤ ਆਪਣੇ ਘਰ ਤੋਂ ਹੀ ਇਸ ਕਾਰੋਬਾਰ ਦੀ ਨੀਂਹ ਰੱਖੀ ਸੀ। ਅੱਜ, ਅਸ਼ੋਕਾ ਟੈਕਸਟਾਈਲਜ਼ ਪੰਜਾਬ ਭਰ ਵਿਚ ਮਸ਼ਹੂਰ ਹੈ ਅਤੇ ਸੂਬੇ ਦੇ ਕੋਨੇ-ਕੋਨੇ ਤੋਂ ਲੋਕ ਖ਼ਰੀਦਦਾਰੀ ਲਈ ਵਿਸ਼ੇਸ਼ ਤੌਰ ’ਤੇ ਮੁਹਾਲੀ ਵਿਚਲੇ ਫੇਜ਼ 3ਬੀ2 ਸਥਿਤ ਸ਼ੋਅਰੂਮ ’ਤੇ ਆਉਂਦੇ ਹਨ। ਉਨ੍ਹਾਂ ਦੇ ਇਸ ਸ਼ਾਨਦਾਰ ਸਫ਼ਰ ਅਤੇ ਵਪਾਰ ਪ੍ਰਤੀ ਸਮਰਪਣ ਲਈ, ਪੰਜਾਬੀ ਜਾਗਰਣ ਵੱਲੋਂ ਉਨ੍ਹਾਂ ਨੂੰ ਵਿਸ਼ੇਸ਼ ਤੌਰ 'ਤੇ 'ਰਤਨ ਪੰਜਾਬ ਦੇ' ਅਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਸੀ।

ਅਸ਼ੋਕ ਬਾਂਸਲ ਮੌਜੂਦਾ ਮਾਰਕੀਟ ਰੁਝਾਨਾਂ ਬਾਰੇ ਗੱਲ ਕਰਦਿਆਂ ਦੱਸਦੇ ਹਨ ਕਿ ਕੋਵਿਡ ਮਹਾਂਮਾਰੀ ਤੋਂ ਬਾਅਦ ਲੋਕਾਂ ਦੇ ਖ਼ਰੀਦਦਾਰੀ ਕਰਨ ਦੇ ਢੰਗ ਵਿਚ ਇਕ ਵੱਡਾ ਬਦਲਾਅ ਆਇਆ ਹੈ। ਉਹ ਕਹਿੰਦੇ ਹਨ, ‘ਕੋਵਿਡ ਤੋਂ ਬਾਅਦ ਲੋਕਾਂ ਵਿਚ ਆਪਣੇ ਆਪ 'ਤੇ ਧਿਆਨ ਦੇਣ ਦਾ ਰੁਝਾਨ ਜ਼ਿਆਦਾ ਵਧਿਆ ਹੈ।"

ਮਾਰਕੀਟ ਦੀ ਹਾਲਤ ਬਾਰੇ ਉਹ ਦੱਸਦੇ ਹਨ ਕਿ ਲੋਕ ਹੁਣ ਕੋਵਿਡ ਦੇ ਡਰ ਨੂੰ ਪੂਰੀ ਤਰ੍ਹਾਂ ਭੁੱਲ ਚੁੱਕੇ ਹਨ ਅਤੇ ਇਸ ਸਮੇਂ ਬਾਜ਼ਾਰ ਵਿਚ 100 ਤੋਂ 200 ਫ਼ੀਸਦੀ ਤੱਕ ਦਾ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਹਾਲਾਂਕਿ, ਉਨ੍ਹਾਂ ਨੇ ਮੰਨਿਆ ਕਿ ਕੋਵਿਡ ਤੋਂ ਬਾਅਦ ਦਾ ਇਹ ਸਾਲ ਬਾਜ਼ਾਰ ਲਈ ਥੋੜ੍ਹਾ ਘਾਟੇ ਵਿਚ ਰਿਹਾ ਕਿਉਂਕਿ ਜੀਐੱਸਟੀ ਦੀ ਮਾਰ ਪਈ ਹੈ। ਦੁਕਾਨਦਾਰਾਂ ਲਈ ਪਹਿਲਾਂ ਜੀਐੱਸਟੀ ਦੀ ਦਰ 12 ਫ਼ੀਸਦੀ ਸੀ, ਪਰ ਹੁਣ ਇਸਦੇ 18 ਫ਼ੀਸਦੀ ਹੋ ਜਾਣ ਕਾਰਨ ਵਪਾਰੀਆਂ ਨੂੰ ਨੁਕਸਾਨ ਝੱਲਣਾ ਪਿਆ ਹੈ।

ਅਸ਼ੋਕ ਬੰਸਲ ਗਾਹਕਾਂ ਦੀ ਬਦਲਦੀ ਮਾਨਸਿਕਤਾ 'ਤੇ ਜ਼ੋਰ ਦਿੰਦੇ ਹੋਏ ਕਹਿੰਦੇ ਹਨ ਕਿ ਅੱਜ ਦੇ ਸਮੇਂ ਵਿਚ ਗਾਹਕ ਲਈ ਸਭ ਤੋਂ ਵੱਡੀ ਤਰਜੀਹ 'ਰੇਟ ਨਹੀਂ, ਕੁਆਲਿਟੀ' ਹੈ। ਉਹ ਕਹਿੰਦੇ ਹਨ ਕਿ ਉਨ੍ਹਾਂ ਦੀ ਕੰਪਨੀ ਵਿਚ ਗਾਹਕਾਂ ਲਈ ਕੱਪੜੇ ਦੀ ਕੁਆਲਿਟੀ, ਸਹੀ ਰੇਟ ਅਤੇ ਉਨ੍ਹਾਂ ਦੇ ਨਾਲ ਵਧੀਆ ‘ਡੀਲਿੰਗ’ ਨੂੰ ਸਭ ਤੋਂ ਵੱਧ ਤਰਜੀਹ ਦਿੱਤੀ ਜਾਂਦੀ ਹੈ। ਇਸਦਾ ਮੁੱਖ ਉਦੇਸ਼ ਇਹ ਹੈ ਕਿ ਗਾਹਕ ਖੁਸ਼ ਹੋ ਕੇ ਜਾਵੇ ਅਤੇ ਮੁੜ ਖ਼ਰੀਦਦਾਰੀ ਲਈ ਵਾਪਸ ਆਵੇ। ਇਸ ਸਫ਼ਲਤਾ ਨੂੰ ਹੋਰ ਅੱਗੇ ਵਧਾਉਂਦੇ ਹੋਏ, ਅਸ਼ੋਕਾ ਟੈਕਸਟਾਈਲਜ਼ ਵੱਲੋਂ ਮੁਹਾਲੀ ਵਿਚਲੇ ਫੇਜ਼ 8 ਯਾਨੀ ਕਿ ਸੈਕਟਰ 62 ਸਥਿਤ ਐੱਚਐੱਲਪੀ ਗੈਲੇਰੀਆ ਮੁਹਾਲੀ ਵਿਚ ‘ਅਸ਼ੋਕਾ ਐਥਨੀਕ’ ਨਾਮ ਦਾ ਇਕ ਨਵਾਂ ਸ਼ੋਅਰੂਮ ਦਸੰਬਰ ਦੇ ਦੂਜੇ ਹਫ਼ਤੇ ਖੋਲ੍ਹਿਆ ਜਾ ਰਿਹਾ ਹੈ।

ਖ਼ਰੀਦਦਾਰੀ ਦੇ ਪੈਟਰਨ ਬਾਰੇ ਗੱਲ ਕਰਦਿਆਂ ਸ੍ਰੀ ਬੰਸਲ ਨੇ ਇਕ ਦਿਲਚਸਪ ਅੰਕੜਾ ਸਾਂਝਾ ਕੀਤਾ। ਉਹ ਦੱਸਦੇ ਹਨ ਕਿ ਗਾਹਕਾਂ ਵਿਚ ਔਰਤਾਂ ਦਾ ਰੁਝਾਨ ਮਰਦਾਂ ਦੇ ਮੁਕਾਬਲੇ ਕਿਤੇ ਜ਼ਿਆਦਾ ਹੈ। ਔਰਤਾਂ ਜ਼ਿਆਦਾਤਰ ਹੈਂਡ ਵਰਕ ਵਾਲੇ ਕੱਪੜਿਆਂ ਨੂੰ ਪਸੰਦ ਕਰਦੀਆਂ ਹਨ, ਜਦੋਂ ਕਿ ਪੁਰਸ਼ ਆਮ ਤੌਰ ’ਤੇ ਰੈਡੀਮੇਡ ਕੱਪੜਿਆਂ ਵੱਲ ਜ਼ਿਆਦਾ ਰੁਝਾਨ ਰੱਖਦੇ ਹਨ। ਅੰਕੜੇ ਦੱਸਦੇ ਹਨ ਕਿ ਕੁੱਲ ਸ਼ਾਪਿੰਗ ਦਾ ਲਗਭਗ 70 ਫ਼ੀਸਦੀ ਹਿੱਸਾ ਔਰਤਾਂ ਕਰਦੀਆਂ ਹਨ, ਜਦੋਂ ਕਿ ਇਸਦੇ ਮੁਕਾਬਲੇ ਪੁਰਸ਼ਾਂ ਦੀ ਸ਼ਾਪਿੰਗ ਸਿਰਫ਼ 30 ਫ਼ੀਸਦੀ ਤੱਕ ਸੀਮਿਤ ਹੈ।

ਮੁਹਾਲੀ ਵਿਚ ਆਪਣੇ ਘਰ ਤੋਂ 1989 ਵਿਚ ਕੰਮ ਸ਼ੁਰੂ ਕਰਨ ਤੋਂ ਬਾਅਦ, ਸ੍ਰੀ ਬਾਂਸਲ ਨੇ 2007 ’ਚ ਮਾਰਕੀਟ ਵਿਚ ਆਪਣੇ ਵਪਾਰ ਨੂੰ ਵਧਾਇਆ, ਅਤੇ ਅੱਜ ਉਨ੍ਹਾਂ ਦੀ ਦੂਰਅੰਦੇਸ਼ੀ ਅਤੇ ਗੁਣਵੱਤਾ ਪ੍ਰਤੀ ਸਮਰਪਣ ਨੇ ਅਸ਼ੋਕਾ ਟੈਕਸਟਾਈਲਜ਼ ਨੂੰ ਪੰਜਾਬ ਦੇ ਕੱਪੜਾ ਉਦਯੋਗ ਵਿਚ ਸਿਖ਼ਰ 'ਤੇ ਪਹੁੰਚਾ ਦਿੱਤਾ ਹੈ।