ਬੇਖੌਫ ਲੁਟੇਰਿਆਂ ਦਾ ਕਹਿਰ: ਮੋਟਰਸਾਈਕਲ ਸਵਾਰਾਂ ਨੇ ਵਪਾਰੀ ਨੂੰ ਬਣਾਇਆ ਨਿਸ਼ਾਨਾ, ਸ਼ਰੇਆਮ ਕੀਤੀ ਲੁੱਟ

ਇਸ ਸਬੰਧੀ ਪੀੜਤ ਕੱਪੜਾ ਵਪਾਰੀ ਮਦਨ ਲਾਲ ਪੁੱਤਰ ਰਾਮਜੀ ਦਾਸ ਨੇ ਦੱਸਿਆ ਕਿ ਉਹ ਆਪਣੇ ਸਕੂਟਰੀ ‘ਤੇ ਸਵਾਰ ਹੋ ਕੇ ਖੇਤਾਂ ਵੱਲ ਜਾ ਰਿਹਾ ਸੀ। ਜਦੋਂ ਉਹ ਗੋਰੀ ਸ਼ੰਕਰ ਮੰਦਰ ਰੋਡ ‘ਤੇ ਪਹੁੰਚਿਆ ਤਾਂ ਪਿੱਛੋਂ ਤੇਜ਼ ਰਫ਼ਤਾਰ ਨਾਲ ਆ ਰਹੇ ਦੋ ਮੋਟਰਸਾਈਕਲ ਸਵਾਰਾਂ ਨੇ ਅਚਾਨਕ ਉਸ ਨੂੰ ਧੱਕਾ ਮਾਰਿਆ। ਸੰਤੁਲਨ ਬਿਗੜਨ ਕਾਰਨ ਉਹ ਘਬਰਾਹਟ ‘ਚ ਆ ਗਿਆ ਅਤੇ ਇਸੀ ਦੌਰਾਨ ਲੁਟੇਰੇ ਉਸਦੇ ਗਿੱਜੇ ‘ਚੋਂ ਬਟੂਆ ਝੱਪਟ ਕੇ ਮੌਕੇ ਤੋਂ ਫਰਾਰ ਹੋ ਗਏ। ਬਟੂਏ ਵਿੱਚ ਲਗਭਗ ਛੇ ਹਜ਼ਾਰ ਰੁਪਏ ਨਕਦ, ਆਧਾਰ ਕਾਰਡ, ਪਛਾਣ ਪੱਤਰ ਅਤੇ ਹੋਰ ਜ਼ਰੂਰੀ ਦਸਤਾਵੇਜ਼ ਸਨ। ਘਟਨਾ ਤੋਂ ਬਾਅਦ ਉਸ ਨੇ ਇਲਾਕੇ ‘ਚ ਕਾਫੀ ਖੋਜ ਕੀਤੀ ਪਰ ਲੁਟੇਰਿਆਂ ਦਾ ਕੋਈ ਸੁਰਾਗ ਨਹੀਂ ਮਿਲਿਆ। ਬਾਅਦ ਵਿੱਚ ਘਟਨਾ ਸਥਾਨ ਤੋਂ ਕਰੀਬ ਛੇ ਤੋਂ ਸੱਤ ਕਿਲੋਮੀਟਰ ਦੀ ਦੂਰੀ ‘ਤੇ ਇੱਕ ਵਿਅਕਤੀ ਨੂੰ ਉਸ ਦਾ ਬਟੂਆ ਮਿਲਿਆ, ਜਿਸ ਵਿੱਚੋਂ ਨਕਦੀ ਗਾਇਬ ਸੀ ਪਰ ਸਾਰੇ ਦਸਤਾਵੇਜ਼ ਮੌਜੂਦ ਸਨ।