ਕੈਮਿਸਟਾਂ ਦੀ ਹੜਤਾਲ ਕਾਰਨ ਅੰਮ੍ਰਿਤਸਰ 'ਚ ਮੈਡੀਕਲ ਸੇਵਾਵਾਂ ਪ੍ਰਭਾਵਿਤ; ਕਟੜਾ ਸ਼ੇਰ ਸਿੰਘ ਸਣੇ ਮੁੱਖ ਬਾਜ਼ਾਰ ਪੂਰੀ ਤਰ੍ਹਾਂ ਬੰਦ, ਸਰਕਾਰੀ ਕੇਂਦਰਾਂ ਨੇ ਦਿੱਤੀ ਰਾਹਤ

ਹੜਤਾਲ ਕਾਰਨ ਆਮ ਲੋਕਾਂ ਨੂੰ ਕੁਝ ਮੁਸ਼ਕਿਲਾਂ ਦਾ ਸਾਹਮਣਾ ਜ਼ਰੂਰ ਕਰਨਾ ਪਿਆ, ਖ਼ਾਸ ਕਰਕੇ ਉਨ੍ਹਾਂ ਮਰੀਜ਼ਾਂ ਨੂੰ ਜਿਨ੍ਹਾਂ ਨੂੰ ਨਿਯਮਤ ਦਵਾਈਆਂ ਦੀ ਲੋੜ ਰਹਿੰਦੀ ਹੈ। ਕਈ ਲੋਕ ਇੱਕ ਮੈਡੀਕਲ ਸਟੋਰ ਤੋਂ ਦੂਜੇ ਮੈਡੀਕਲ ਸਟੋਰ ਤੱਕ ਭਟਕਦੇ ਦਿਖਾਈ ਦਿੱਤੇ। ਹਾਲਾਂਕਿ ਰਾਹਤ ਦੀ ਗੱਲ ਇਹ ਰਹੀ ਕਿ ਸਿਵਲ ਹਸਪਤਾਲ ਦੇ ਬਾਹਰ ਸਥਿਤ ਦਵਾਈ ਕੇਂਦਰ ਖੁੱਲ੍ਹੇ ਰਹੇ। ਇਸ ਤੋਂ ਇਲਾਵਾ ਸਰਕਾਰੀ ਹਸਪਤਾਲਾਂ ਦੇ ਅੰਦਰ ਚੱਲ ਰਹੇ ਦਵਾਈ ਕੇਂਦਰਾਂ 'ਤੇ ਵੀ ਆਮ ਵਾਂਗ ਦਵਾਈਆਂ ਮਿਲਦੀਆਂ ਰਹੀਆਂ। ਇਸ ਨਾਲ ਮਰੀਜ਼ਾਂ ਦਾ ਵੱਡੀ ਪਰੇਸ਼ਾਨੀ ਤੋਂ ਬਚਾਅ ਹੋ ਗਿਆ।