ਉਮਾ ਭਾਰਤੀ ਦਾ ਵੱਡਾ ਬਿਆਨ, ਸਿਆਸਤਦਾਨ ਅਕਸਰ ਦੋ ਨੰਬਰ ਦਾ ਪੈਸਾ ਕਮਾਉਣ ਲਈ ਵਿਆਹਾਂ ’ਚ ਕਰਦੇ ਹਨ ਫਜ਼ੂਲਖਰਚੀ

ਨਈ ਦੁਨੀਆ, ਟੀਕਮਗੜ੍ਹ। ਸਿਆਸਤਦਾਨ ਅਕਸਰ ਦੋ ਨੰਬਰ ਦਾ ਪੈਸਾ ਖਪਾਉਣ ਲਈ ਵਿਆਹਾਂ ਵਿੱਚ ਫਜ਼ੂਲਖਰਚੀ ਕਰਦੇ ਹਨ। ਅੱਜਕਲ੍ਹ ਜ਼ਿਆਦਾਤਰ ਵਿਆਹ ਮੈਰਿਜ ਗਾਰਡਨ ਵਿੱਚ ਹੋ ਰਹੇ ਹਨ ਅਤੇ ਇਨ੍ਹਾਂ ਵਿੱਚ ਬਹੁਤ ਜ਼ਿਆਦਾ ਖਰਚ ਕੀਤਾ ਜਾ ਰਿਹਾ ਹੈ। ਵੱਡੇ-ਵੱਡੇ ਉਦਯੋਗਪਤੀ ਵਿਆਹਾਂ ਵਿੱਚ ਕਰੋੜਾਂ ਰੁਪਏ ਦੇ ਕੇ ਮੰਚ ਸਜਾਉਂਦੇ ਹਨ ਅਤੇ ਡਾਂਸਰ ਬੁਲਾਉਂਦੇ ਹਨ। ਇੰਨੇ ਰੁਪਿਆਂ ਵਿੱਚ ਹਜ਼ਾਰਾਂ ਗਰੀਬ ਬੇਟੀਆਂ ਦੇ ਵਿਆਹ ਕਰਵਾਏ ਜਾ ਸਕਦੇ ਹਨ।

ਉਨ੍ਹਾਂ ਕਿਹਾ, "ਜੇਕਰ ਅਸੀਂ ਸੀਮਤ ਸਾਧਨਾਂ ਵਿੱਚ ਕੰਮ ਚਲਾਉਣਾ ਸ਼ੁਰੂ ਕਰ ਦੇਈਏ ਤਾਂ ਇਹ ਭ੍ਰਿਸ਼ਟਾਚਾਰ ਦੇ ਖ਼ਿਲਾਫ਼ ਇੱਕ ਕ੍ਰਾਂਤੀ ਹੋਵੇਗੀ। ਪਹਿਲਾਂ 'ਅੰਗਰੇਜ਼ੋ ਭਾਰਤ ਛੱਡੋ' ਕਿਹਾ ਸੀ, ਹੁਣ 'ਭ੍ਰਿਸ਼ਟਾਚਾਰੀ ਭਾਰਤ ਵਿੱਚ ਰਹੋ, ਪਰ ਸੁਧਰ ਜਾਓ' ਕਹਿਣਾ ਹੋਵੇਗਾ।"

ਇਹ ਗੱਲ ਸਾਬਕਾ ਮੁੱਖ ਮੰਤਰੀ ਉਮਾ ਭਾਰਤੀ ਨੇ ਟੀਕਮਗੜ੍ਹ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਹੀ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਭ੍ਰਿਸ਼ਟਾਚਾਰ ਮਿਟਾਉਣ ਲਈ ਅਗਲੇ ਦਸ ਸਾਲਾਂ ਤੱਕ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਅਹੁਦੇ 'ਤੇ ਰਹਿਣਾ ਜ਼ਰੂਰੀ ਹੈ।

ਜ਼ਿਕਰਯੋਗ ਹੈ ਕਿ ਮੱਧ ਪ੍ਰਦੇਸ਼ ਦੀ ਸਾਬਕਾ ਮੁੱਖ ਮੰਤਰੀ ਉਮਾ ਭਾਰਤੀ ਨੇ ਆਪਣੀ ਮਾਂ ਦੇ ਨਾਂ 'ਤੇ ਯਾਤਰਾ ਕੱਢਣ ਤੋਂ ਬਾਅਦ ਮੀਡੀਆ ਨਾਲ ਗੱਲਬਾਤ ਕੀਤੀ। ਜਿੱਥੇ ਉਨ੍ਹਾਂ ਨੇ ਜਨ-ਪ੍ਰਤੀਨਿਧੀਆਂ ਅਤੇ ਉਦਯੋਗਪਤੀਆਂ ਦੇ ਵਿਆਹਾਂ ਵਿੱਚ ਹੋਣ ਵਾਲੀ ਫਜ਼ੂਲਖਰਚੀ ਨੂੰ ਲੈ ਕੇ ਬਿਆਨ ਦਿੱਤਾ। ਉਨ੍ਹਾਂ ਨੇ ਆਗੂਆਂ ਨੂੰ ਬਾਰ-ਬਾਰ ਅਪੀਲ ਕੀਤੀ ਕਿ ਉਹ ਦਿਖਾਵਾ ਨਾ ਕਰਨ, ਕਿਉਂਕਿ ਉਨ੍ਹਾਂ ਦੀ ਇੱਜ਼ਤ ਪਹਿਲਾਂ ਹੀ ਹੈ।