ਇਸ ਟ੍ਰੇਨ 'ਚ ਹੁਣ 'ਅੱਧੀ ਸੀਟ' ਦਾ ਚੱਕਰ ਖ਼ਤਮ, ਸਿਰਫ਼ ਕਨਫਰਮ ਟਿਕਟ 'ਤੇ ਹੀ ਹੋਵੇਗੀ ਸਫ਼ਰ; ਕਿਰਾਏ 'ਚ ਵੀ ਬਦਲਾਅ

ਡਿਜੀਟਲ ਡੈਸਕ : ਭਾਰਤੀ ਰੇਲਵੇ ਨੇ ਰੇਲ ਯਾਤਰਾ ਨੂੰ ਵੱਧ ਸੌਖਾ ਅਤੇ ਆਰਾਮਦਾਇਕ ਬਣਾਉਣ ਲਈ ਆਪਣੇ ਟਿਕਟਿੰਗ ਅਤੇ ਕੋਚ ਨਿਯਮਾਂ 'ਚ ਇਤਿਹਾਸਕ ਬਦਲਾਅ ਕੀਤੇ ਹਨ। ਰੇਲਵੇ ਬੋਰਡ ਵੱਲੋਂ 9 ਜਨਵਰੀ ਨੂੰ ਜਾਰੀ ਨਵੇਂ ਸਰਕੂਲਰ ਅਨੁਸਾਰ, ਆਗਾਮੀ ਵੰਡੇ ਭਾਰਤ (ਸਲੀਪਰ) ਟ੍ਰੇਨਾਂ ਵਿੱਚ ਹੁਣ ਆਰਏਸੀ ਜਾਂ ਵੇਟਿੰਗ ਟਿਕਟ ਦੀ ਵਿਵਸਥਾ ਪੂਰੀ ਤਰ੍ਹਾਂ ਖਤਮ ਕਰ ਦਿੱਤੀ ਗਈ ਹੈ।

ਇਸ ਦਾ ਅਰਥ ਹੈ ਕਿ ਇਸ ਟ੍ਰੇਲ 'ਚ ਯਾਤਰੀਆਂ ਨੂੰ ਹੁਣ ਅੱਧੀ ਸੀਟ 'ਤੇ ਸਫ਼ਰ ਕਰਨ ਦੀ ਮਜਬੂਰੀ ਤੋਂ ਪੂਰੀ ਤਰ੍ਹਾਂ ਨਿਜਾਤ ਮਿਲੇਗੀ ਅਤੇ ਸਿਰਫ਼ ਕਨਫਰਮ ਟਿਕਟਧਾਰਕ ਹੀ ਯਾਤਰਾ ਕਰ ਸਕਣਗੇ।

ਵੰਦੇ ਭਾਰਤ ਸਲੀਪਰ ਟ੍ਰੇਨ ਲਈ ਬਣੇ ਨਵੇਂ ਨਿਯਮ

• ਇਸ ਟ੍ਰੇਨ 'ਚ ਆਰਏਸੀ, ਵੇਟਲਿਸਟਿਡ ਜਾਂ ਅੰਸ਼ਿਕ ਤੌਰ 'ਤੇ ਕਨਫਰਮ ਟਿਕਟ ਦੀ ਕੋਈ ਤਜਵੀਜ਼ ਨਹੀਂ ਹੋਵੇਗੀ। ਸਾਰੇ ਉਪਲੱਬਧ ਬਰਥ ਐਡਵਾਂਸ ਰਿਜ਼ਰਵੇਸ਼ਨ ਪੀਰੀਅਡ ਦੇ ਪਹਿਲੇ ਦਿਨ ਤੋਂ ਹੀ ਬੁਕਿੰਗ ਲਈ ਉਪਲੱਬਧ ਰਹਿਣਗੇ।
• ਵੰਦੇ ਭਾਰਤ ਸਲੀਪਰ ਲਈ ਘੱਟੋ-ਘੱਟ ਚਾਰ ਹੋਣ ਵਾਲੀ ਦੂਰੀ 400 ਕਿਲੋਮੀਟਰ ਤੈਅ ਕੀਤੀ ਗਈ ਹੈ। ਸਲੀਪਰ ਕਲਾਸ ਲਈ ਘੱਟੋ-ਘੱਟ 200 ਕਿਲੋਮੀਟਰ ਦਾ ਕਿਰਾਇਆ (149 ਰੁਪਏ) ਦੇਣਾ ਪਵੇਗਾ। ਜੇਕਰ ਕੋਈ ਯਾਤਰੀ 100 ਕਿਲੋਮੀਟਰ ਦੀ ਯਾਤਰਾ ਵੀ ਕਰਦਾ ਹੈ, ਤਾਂ ਉਸ ਨੂੰ 200 ਕਿਲੋਮੀਟਰ ਦਾ ਘੱਟੋ-ਘੱਟ ਭੁਗਤਾਨ ਕਰਨਾ ਪਵੇਗਾ।
• ਸਲੀਪਰ ਕਲਾਸ 'ਚ ਹੁਣ ਸਿਰਫ਼ ਤਿੰਨ ਮੁੱਖ ਕੋਟਾ ਸ਼੍ਰੇਣੀਆਂ ਔਰਤਾਂ, ਦਿਵਿਆਂਗ ਵਿਅਕਤੀ ਅਤੇ ਸੀਨੀਅਰ ਸਿਟੀਜ਼ਨ ਨੂੰ ਹੀ ਪਹਿਲ ਮਿਲੇਗੀ। ਇਸ ਤੋਂ ਇਲਾਵਾ ਕੋਈ ਹੋਰ ਕੋਟਾ ਲਾਗੂ ਨਹੀਂ ਹੋਵੇਗਾ।

ਲੋਅਰ ਬਰਥ ਲਈ ਵਿਸ਼ੇਸ਼ ਪਹਿਲ

ਰੇਲਵੇ ਨੇ ਸੀਨੀਅਰ ਨਾਗਰਿਕਾਂ ਅਤੇ ਔਰਤਾਂ ਦੀ ਸਹੂਲਤ ਲਈ ਲੋਅਰ ਬਰਥ ਵੰਡ ਦੇ ਨਿਯਮਾਂ ਨੂੰ ਸਰਲ ਬਣਾਇਆ ਹੈ। ਸਿਸਟਮ ਹੁਣ ਆਟੋਮੈਟਿਕਲੀ 60 ਸਾਲ ਤੋਂ ਵੱਧ ਉਮਰ ਦੇ ਪੁਰਸ਼ਾਂ ਅਤੇ 45 ਸਾਲ ਤੋਂ ਵੱਧ ਉਮਰ ਦੀਆਂ ਔਰਤਾਂ ਨੂੰ ਉਪਲੱਬਧਤਾ ਦੇ ਆਧਾਰ 'ਤੇ ਲੋਅਰ ਬਰਥ ਦੇਣ ਦਾ ਯਤਨ ਕਰੇਗਾ।

ਮੰਡਲ ਰੇਲ ਪ੍ਰਬੰਧਕ ਸੁਨੀਲ ਕੁਮਾਰ ਵਰਮਾ ਅਨੁਸਾਰ, ਦਿੱਲੀ ਰੇਲਵੇ ਬੋਰਡ ਵੱਲੋਂ ਜਾਰੀ ਇਹ ਨਿਯਮ ਯਾਤਰੀਆਂ ਦੇ ਅਨੁਭਵ ਨੂੰ ਪ੍ਰੀਮੀਅਮ ਬਣਾਉਣ ਅਤੇ ਸਟੇਸ਼ਨਾਂ 'ਤੇ ਭੀੜ ਪ੍ਰਬੰਧਕ ਨੂੰ ਬਿਹਤਰ ਬਣਾਉਣ ਦੀ ਦਿਸ਼ਾ 'ਚ ਇਕ ਵੱਡਾ ਕਦਮ ਹੈ।