CWG 2022 Weightlifting : ਟੋਕੀਓ ਓਲੰਪਿਕ ਤੋਂ ਬਾਅਦ ਕਾਮਨਵੈਲਥ 'ਚ ਵੀ ਵੇਟਲਿਫਟਿੰਗ ਨੇ ਖੋਲ੍ਹਿਆ ਭਾਰਤ ਦੇ ਮੈਡਲ ਦਾ ਖਾਤਾ
ਰਾਸ਼ਟਰਮੰਡਲ ਖੇਡਾਂ ਦੇ ਦੂਜੇ ਦਿਨ ਭਾਰਤ ਦਾ ਮੈਡਲ ਖਾਤਾ ਖੁੱਲ੍ਹ ਗਿਆ ਹੈ। ਭਾਰਤ ਦੇ ਸੰਕੇਤ ਸਰਗਰ ਨੇ ਵੇਟਲਿਫਟਿੰਗ ਵਿੱਚ 55 ਕਿਲੋ ਭਾਰ ਵਰਗ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤ ਕੇ ਭਾਰਤ ਦਾ ਤਗ਼ਮਾ ਖ਼ਾਤਾ ਖੋਲ੍ਹ ਦਿੱਤਾ ਹੈ। ਸੰਕੇਤ ਨੇ 248 ਕਿਲੋਗ੍ਰਾਮ (1
Posted By Ramanjit Kaur
Publish Date: Sat, 30 Jul 2022 04:09 PM (IST)
Updated Date: Sat, 30 Jul 2022 11:53 PM (IST)
ਨਵੀਂ ਦਿੱਲੀ, ਔਨਲਾਈਨ ਡੈਸਕ। ਰਾਸ਼ਟਰਮੰਡਲ ਖੇਡਾਂ ਦੇ ਦੂਜੇ ਦਿਨ ਭਾਰਤ ਦਾ ਮੈਡਲ ਖਾਤਾ ਖੁੱਲ੍ਹ ਗਿਆ ਹੈ। ਭਾਰਤ ਦੇ ਸੰਕੇਤ ਸਰਗਰ ਨੇ ਵੇਟਲਿਫਟਿੰਗ ਵਿੱਚ 55 ਕਿਲੋ ਭਾਰ ਵਰਗ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤ ਕੇ ਭਾਰਤ ਦਾ ਤਗ਼ਮਾ ਖ਼ਾਤਾ ਖੋਲ੍ਹ ਦਿੱਤਾ ਹੈ। ਸੰਕੇਤ ਨੇ 248 ਕਿਲੋਗ੍ਰਾਮ (113 ਸਨੈਚ ਅਤੇ 135 ਕਲੀਨ ਐਂਡ ਜਰਕ) ਚੁੱਕ ਕੇ ਚਾਂਦੀ ਦਾ ਤਗਮਾ ਜਿੱਤਿਆ। ਹਾਲਾਂਕਿ, ਉਹ 1 ਕਿਲੋ ਦੇ ਫਰਕ ਨਾਲ ਸੋਨਾ ਜਿੱਤਣ ਤੋਂ ਖੁੰਝ ਗਿਆ। ਉਹ ਕਲੀਨ ਐਂਡ ਜਰਕ ਦੀ ਦੂਜੀ ਕੋਸ਼ਿਸ਼ ਵਿੱਚ ਜ਼ਖਮੀ ਹੋ ਗਿਆ।
ਵੇਟਲਿਫਟਿੰਗ ਨੇ ਮੈਡਲ ਖਾਤਾ ਖੋਲ੍ਹਿਆ
ਦੱਸਣਾ ਬਣਦਾ ਹੈ ਕਿ ਟੋਕੀਓ ਓਲੰਪਿਕ ਦੀ ਤਰ੍ਹਾਂ ਰਾਸ਼ਟਰਮੰਡਲ 2022 'ਚ ਵੀ ਭਾਰਤ ਦੇ ਮੈਡਲਾਂ ਦਾ ਖਾਤਾ ਵੇਟਲਿਫਟਿੰਗ ਤੋਂ ਖੁੱਲ੍ਹਿਆ। ਭਾਰਤ ਦੀ ਮੀਰਾਬਾਈ ਚਾਨੂ ਨੇ ਟੋਕੀਓ ਓਲੰਪਿਕ 'ਚ ਚਾਂਦੀ ਦਾ ਤਗਮਾ ਜਿੱਤ ਕੇ ਭਾਰਤ ਦਾ ਖਾਤਾ ਖੋਲਿਆ ਅਤੇ ਇੱਥੇ ਕਾਮਨਵੈਲਥ 2022 'ਚ ਵੀ ਵੇਟਲਿਫਟਿੰਗ 'ਚ ਭਾਰਤ ਦਾ ਖਾਤਾ ਖੋਲਿਆ।
ਵੇਟਲਿਫਟਿੰਗ ਵਿੱਚ ਭਾਰਤ ਦਾ ਮਾਸਟਰ
ਰਾਸ਼ਟਰਮੰਡਲ ਖੇਡਾਂ ਵਿੱਚ ਵੇਟਲਿਫਟਿੰਗ ਦੀ ਗੱਲ ਕਰੀਏ ਤਾਂ ਭਾਰਤ ਆਸਟਰੇਲੀਆ ਤੋਂ ਬਾਅਦ ਦੂਜਾ ਸਭ ਤੋਂ ਸਫਲ ਦੇਸ਼ ਰਿਹਾ ਹੈ। ਭਾਰਤ ਨੇ ਵੇਟਲਿਫਟਿੰਗ ਵਿੱਚ ਹੁਣ ਤੱਕ 125 ਤਗਮੇ ਜਿੱਤੇ ਹਨ। ਇਸ ਵਿੱਚੋਂ 43 ਸੋਨ ਤਗਮੇ ਸ਼ਾਮਲ ਹਨ। ਵੇਟਲਿਫਟਿੰਗ ਵਿੱਚ ਆਸਟਰੇਲੀਆ 159 ਤਗਮਿਆਂ ਨਾਲ ਸਭ ਤੋਂ ਅੱਗੇ ਹੈ। ਕੁੱਲ 159 ਮੈਡਲਾਂ ਵਿੱਚੋਂ 59 ਸੋਨ ਤਗਮੇ ਹਨ।
ਕਾਮਨਵੈਲਥ 2018, ਵੇਟਲਿਫਟਿੰਗ ਵਿੱਚ ਭਾਰਤ
ਪਿਛਲੀਆਂ ਰਾਸ਼ਟਰਮੰਡਲ ਖੇਡਾਂ ਵਿੱਚ ਵੇਟਲਿਫਟਿੰਗ ਵਿੱਚ ਭਾਰਤ ਦਾ ਦਬਦਬਾ ਰਿਹਾ ਸੀ। ਭਾਰਤ 2018 ਰਾਸ਼ਟਰਮੰਡਲ ਖੇਡਾਂ ਵਿੱਚ 9 ਤਗਮੇ ਜਿੱਤ ਕੇ ਪਹਿਲੇ ਸਥਾਨ 'ਤੇ ਰਿਹਾ, ਜਿਨ੍ਹਾਂ ਵਿੱਚੋਂ 5 ਸੋਨ ਤਗਮੇ ਸਨ। ਇਸ ਵਾਰ ਵੀ ਭਾਰਤ ਨੂੰ ਵੇਟਲਿਫਟਿੰਗ 'ਚ ਤਮਗੇ ਦੀਆਂ ਵੱਡੀਆਂ ਉਮੀਦਾਂ ਹਨ।
