'ਜਿਊਂਦੇ ਰਹਿਣ ਦਾ ਅਧਿਕਾਰ ਖ਼ਤਰੇ 'ਚ', ਬੰਗਲਾਦੇਸ਼ 'ਚ ਹਿੰਸਾ ਬਾਰੇ ਅਖ਼ਬਾਰਾਂ ਦੇ ਸੰਪਾਦਕਾਂ ਨੇ ਕੀ ਕਿਹਾ?
ਪ੍ਰਮੁੱਖ ਬੰਗਲਾਦੇਸ਼ੀ ਅਖ਼ਬਾਰਾਂ ਦੇ ਸੰਪਾਦਕਾਂ ਨੇ ਸੋਮਵਾਰ ਨੂੰ ਕਿਹਾ ਕਿ ਦੇਸ਼ ਦਾ ਮੀਡੀਆ ਆਪਣੀ ਹੋਂਦ ਦੀ ਲੜਾਈ ਦਾ ਸਾਹਮਣਾ ਕਰ ਰਿਹਾ ਹੈ। ਪੱਤਰਕਾਰਾਂ ਦੇ "ਜਿਊਂਦੇ ਰਹਿਣ ਦੇ ਅਧਿਕਾਰ" ਬਾਰੇ ਚਿੰਤਾਵਾਂ ਨੇ ਪ੍ਰਗਟਾਵੇ ਦੀ ਆਜ਼ਾਦੀ (Freedom of Expression) ਦੇ ਮੁੱਦੇ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ।
Posted By Sunita
Publish Date: Tue, 23 Dec 2025 08:10 AM (IST)
Updated Date: Tue, 23 Dec 2025 08:11 AM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਪ੍ਰਮੁੱਖ ਬੰਗਲਾਦੇਸ਼ੀ ਅਖ਼ਬਾਰਾਂ ਦੇ ਸੰਪਾਦਕਾਂ ਨੇ ਸੋਮਵਾਰ ਨੂੰ ਕਿਹਾ ਕਿ ਦੇਸ਼ ਦਾ ਮੀਡੀਆ ਆਪਣੀ ਹੋਂਦ ਦੀ ਲੜਾਈ ਦਾ ਸਾਹਮਣਾ ਕਰ ਰਿਹਾ ਹੈ। ਪੱਤਰਕਾਰਾਂ ਦੇ "ਜਿਊਂਦੇ ਰਹਿਣ ਦੇ ਅਧਿਕਾਰ" ਬਾਰੇ ਚਿੰਤਾਵਾਂ ਨੇ ਪ੍ਰਗਟਾਵੇ ਦੀ ਆਜ਼ਾਦੀ (Freedom of Expression) ਦੇ ਮੁੱਦੇ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ।
ਇਹ ਟਿੱਪਣੀ ਵੀਰਵਾਰ ਰਾਤ ਨੂੰ ਢਾਕਾ ਵਿੱਚ ਭੀੜ ਵੱਲੋਂ ਪ੍ਰੋਥੋਮ ਆਲੋ (Prothom Alo) ਅਤੇ ਦ ਡੇਲੀ ਸਟਾਰ (The Daily Star) ਅਖ਼ਬਾਰਾਂ ਦੇ ਦਫ਼ਤਰਾਂ ਵਿੱਚ ਭੰਨਤੋੜ ਕਰਨ ਅਤੇ ਅੱਗ ਲਗਾਉਣ ਦੀ ਘਟਨਾ ਤੋਂ ਬਾਅਦ ਆਈ ਹੈ। ਇਸ ਘਟਨਾ ਦੌਰਾਨ ਕਈ ਪੱਤਰਕਾਰ ਅਤੇ ਕਰਮਚਾਰੀ ਘੰਟਿਆਂ ਬੱਧੀ ਅੰਦਰ ਫਸੇ ਰਹੇ ਕਿਉਂਕਿ ਪੁਲਿਸ ਅਤੇ ਫਾਇਰ ਬ੍ਰਿਗੇਡ ਦੀਆਂ ਟੀਮਾਂ ਨੂੰ ਸ਼ੁਰੂ ਵਿੱਚ ਮੌਕੇ 'ਤੇ ਪਹੁੰਚਣ ਤੋਂ ਰੋਕਿਆ ਗਿਆ ਸੀ।
'ਹੁਣ ਇਹ ਸਿਰਫ਼ ਜਿਊਂਦੇ ਰਹਿਣ ਬਾਰੇ ਹੈ'
ਡੇਲੀ ਸਟਾਰ ਦੇ ਸੰਪਾਦਕ ਅਤੇ ਪ੍ਰਕਾਸ਼ਕ ਮਹਿਫ਼ੂਜ਼ ਅਨਮ ਨੇ ਸੀਨੀਅਰ ਸਿਆਸਤਦਾਨਾਂ, ਵਪਾਰਕ ਆਗੂਆਂ ਅਤੇ ਮੀਡੀਆ ਮਾਲਕਾਂ ਦੀ ਮੌਜੂਦਗੀ ਵਿੱਚ ਇੱਕ ਪ੍ਰੈੱਸ ਕਾਨਫਰੰਸ ਦੌਰਾਨ ਕਿਹਾ, "ਪ੍ਰਗਟਾਵੇ ਦੀ ਆਜ਼ਾਦੀ ਹੁਣ ਮੁੱਖ ਮੁੱਦਾ ਨਹੀਂ ਰਹੀ। ਹੁਣ ਇਹ ਜਿਊਂਦੇ ਰਹਿਣ ਦੇ ਅਧਿਕਾਰ ਬਾਰੇ ਹੈ।"
'ਪੱਤਰਕਾਰਾਂ ਅਤੇ ਕਰਮਚਾਰੀਆਂ ਨੂੰ ਮਾਰਨਾ ਸੀ ਮਕਸਦ'
ਉਨ੍ਹਾਂ ਅੱਗੇ ਕਿਹਾ ਕਿ ਬੰਗਲਾਦੇਸ਼ ਵਿੱਚ ਮੀਡੀਆ ਆਪਣੀ ਹੋਂਦ ਬਚਾਉਣ ਲਈ ਲੜ ਰਿਹਾ ਹੈ। ਹਮਲਿਆਂ ਦਾ ਉਦੇਸ਼ ਸਿਰਫ਼ ਖ਼ਾਸ ਅਖ਼ਬਾਰਾਂ ਵਿਰੁੱਧ ਵਿਰੋਧ ਪ੍ਰਦਰਸ਼ਨ ਕਰਨਾ ਨਹੀਂ ਸੀ, ਸਗੋਂ ਪੱਤਰਕਾਰਾਂ ਅਤੇ ਕਰਮਚਾਰੀਆਂ ਨੂੰ ਜਾਨੋਂ ਮਾਰਨਾ ਸੀ। ਉਨ੍ਹਾਂ ਤਰਕ ਦਿੱਤਾ ਕਿ ਜੇਕਰ ਅਜਿਹਾ ਨਾ ਹੁੰਦਾ, ਤਾਂ ਭੀੜ ਨੇ ਇਮਾਰਤਾਂ ਨੂੰ ਅੱਗ ਲਗਾਉਣ ਤੋਂ ਪਹਿਲਾਂ ਅੰਦਰ ਮੌਜੂਦ ਲੋਕਾਂ ਨੂੰ ਬਾਹਰ ਜਾਣ ਦਾ ਮੌਕਾ ਦਿੱਤਾ ਹੁੰਦਾ।