ਗੁਰੂਗ੍ਰਾਮ ’ਚ ਲਾਰੈਂਸ ਗੈਂਗ ’ਤੇ ਰਾਜਸਥਾਨ ਪੁਲਿਸ ਦੀ ਵੱਡੀ ਕਾਰਵਾਈ, ਮਹਿਲਾ ਮਿੱਤਰ ਦੇ ਘਰ ’ਚੋਂ ਫੜਿਆ ਸਰਗਨਾ

ਜਾ.ਸ, ਗੁਰੂਗ੍ਰਾਮ : ਗੁਰੂਗ੍ਰਾਮ ਦੇ ਸੈਕਟਰ-77 ’ਚ ਐੱਮਆਰ ਪਾਮ ਹਿੱਲਜ਼ ਸੁਸਾਇਟੀ ’ਚ ਆਪਣੀ ਮਹਿਲਾ ਮਿੱਤਰ ਦੇ ਫਲੈਟ ’ਚ ਲੁੱਕ ਕੇ ਰਹਿ ਰਹੇ ਲਾਰੈਂਸ ਬਿਸ਼ਨੋਈ ਦੇ ਗੁਰਗੇ ਨੂੰ ਰਾਜਸਥਾਨ ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਗ੍ਰਿਫ਼ਤਾਰ ਕੀਤਾ। ਇਸਦੀ ਪਛਾਣ ਕੋਟਪੂਤਲੀ ਦੇ ਰਹਿਣ ਵਾਲੇ ਪ੍ਰਦੀਪ ਗੁੱਜਰ ਵਜੋਂ ਹੋਈ ਹੈ।

ਮੁਲਜ਼ਮ ’ਤੇ 25 ਹਜ਼ਾਰ ਰੁਪਏ ਦਾ ਇਨਾਮ ਸੀ। ਰਾਜਸਥਾਨ ਦੀ ਐਂਟੀ ਗੈਂਗਸਟਰ ਟਾਸਕ ਫੋਰਸ ਮੁਲਜ਼ਮ ਨੂੰ ਆਪਣੇ ਨਾਲ ਰਾਜਸਥਾਨ ਲੈ ਗਈ। ਪੁਲਿਸ ਅਨੁਸਾਰ, ਟੀਮ ਨੂੰ ਪਤਾ ਲੱਗਾ ਸੀ ਕਿ ਲਾਰੈਂਸ ਦਾ ਗੁਰਗਾ ਗੁੱਜਰ ਗੁਰੂਗ੍ਰਾਮ ’ਚ ਕਿਤੇ ਲੁਕਿਆ ਹੈ। ਜਦੋਂ ਉਨ੍ਹਾਂ ਨੂੰ ਸੁਸਾਇਟੀ ਬਾਰੇ ਪਤਾ ਲੱਗਾ ਤਾਂ ਉਸਦੇ ਗੇਟ ’ਤੇ ਰਾਜਸਥਾਨ ਪੁਲਿਸ ਦੇ ਹੈੱਡ ਕਾਂਸਟੇਬਲ ਨੂੰ ਗਾਰਡ ਬਣਾ ਕੇ ਨਿਗਰਾਨੀ ਕੀਤੀ ਗਈ। ਉਹ ਲਾਰੈਂਸ ਦੇ ਨੇੜਲੇ ਸਚਿਨ ਲਈ ਕੰਮ ਕਰ ਰਿਹਾ ਸੀ।