ਰਫ਼ਤਾਰ ਦੇ ਨਵੇਂ ਯੁੱਗ ਦਾ ਆਗਾਜ਼: ਭਾਰਤ ਦੀ ਪਹਿਲੀ ਬੁਲੇਟ ਟ੍ਰੇਨ ਦੀ ਪਹਿਲੀ ਝਲਕ ਆਈ ਸਾਹਮਣੇ

ਨਵੀਂ ਦਿੱਲੀ (ਏਐੱਨਆਈ) : ਭਾਰਤ ਨੇ ਆਪਣੀ ਪਹਿਲੀ ਬੁਲੇਟ ਟ੍ਰੇਨ ਦੀ ਪਹਿਲੀ ਝਲਕ ਦਿਖਾਈ ਹੈ। ਮੁੰਬਈ-ਅਹਿਮਦਾਬਾਦ ਹਾਈ ਸਪੀਡ ਰੇਲ (ਐੱਮਏਐਚਐੱਸਆਰ) ਦੀ ਤਸਵੀਰ ਰੇਲ ਮੰਤਰੀ ਦੇ ਗੇਟ ਨੰਬਰ-4 ਦੇ ਨੇੜੇ ਲਗਾਈ ਗਈ ਹੈ। ਤਸਵੀਰ ਵਿਚ ਦੇਸ਼ ਦੀ ਪਹਿਲੀ ਬੁਲੇਟ ਟ੍ਰੇਨ ਦਾ ਡਿਜ਼ਾਈਨ ਦਿਖਾਇਆ ਗਿਆ ਹੈ। ਰੇਲ ਮੰਤਰੀ ਨੇ ਇਸ ਸਾਲ ਸੂਰਤ ਤੇ ਬਿਲੀਮੋਰਾ ਦਰਮਿਆਨ ਦੇਸ਼ ਦੀ ਪਹਿਲੀ ਬੁਲੇਟ ਟ੍ਰੇਨ ਚਲਾਉਣ ਦਾ ਭਰੋਸਾ ਦਿੱਤਾ ਸੀ।

ਤਸਵੀਰ ਵਿਚ ਭਗਵਾ ਅਤੇ ਸਫੈਦ ਰੰਗ ਦੇ ਸ਼ਾਨਦਾਰ ਡਿਜ਼ਾਈਨ ਨਾਲ ਬੁਲੇਟ ਟ੍ਰੇਨ ਬੇਹਦ ਆਕਰਸ਼ਕ ਨਜ਼ਰ ਆਉਂਦੀ ਹੈ। ਇਸ ਨੂੰ ਤੇਜ਼ ਰਫ਼ਤਾਰ ਦੇ ਨਾਲ ਮੁਸਾਫ਼ਰਾਂ ਦੀ ਸਹੂਲਤ ਅਤੇ ਛੁੱਟੀ ਨੂੰ ਧਿਆਨ ਵਿਚ ਰੱਖ ਕੇ ਡਿਜ਼ਾਈਨ ਕੀਤਾ ਗਿਆ ਹੈ। ਟ੍ਰੇਨ ਦੇ ਅਗਲੇ ਹਿੱਸੇ ਨੂੰ ਇਵੇਂ ਬਣਾਇਆ ਗਿਆ ਹੈ ਕਿ ਤੇਜ਼ ਰਫ਼ਤਾਰ ਦੌਰਾਨ ਹਵਾ ਦਾ ਦਬਾਅ ਘੱਟ ਹੋ ਸਕੇ।

ਮੁੰਬਈ-ਅਹਿਮਦਾਬਾਦ ਹਾਈ-ਸਪੀਡ ਰੇਲ ਕਾਰੀਡੋਰ ਵਿਚ 12 ਸਟੇਸ਼ਨ ਹੋਣਗੇ, ਜਿਨ੍ਹਾਂ ਵਿਚ ਸਾਬਰਮਤੀ, ਅਹਮਦਾਬਾਦ, ਆਨੰਦ, ਵਡੋਦਰਾ,ਸੂਰਤ, ਬਿਲੀਮੋਰਾ, ਵਾਪੀ, ਬੋਈਸਰ, ਵਿਰਾਰ, ਠਾਣੇ ਅਤੇ ਮੁੰਬਈ (ਬੀਕੇਸੀ) ਸ਼ਾਮਲ ਹਨ। ਇਹ ਕਾਰੀਡੋਰ ਗੁਜਰਾਤ, ਮਹਾਰਾਸ਼ਟਰ ਅਤੇ ਦਾਦਰਾ ਅਤੇ ਨਗਰ ਹਵੈਲੀ ਤੋਂ ਹੋ ਕੇ ਗੁਜ਼ਰੇਗਾ। ਰੇਲਵੇ ਮੁਤਾਬਕ 12 ਸਟੇਸ਼ਨਾਂ ਵਿੱਚੋਂ 8 ਸਟੇਸ਼ਨਾਂ (ਸਾਬਰਮਤੀ, ਅਹਿਮਦਾਬਾਦ, ਆਨੰਦ, ਵਡੋਦਰਾ, ਭરૂਚ, ਸੂਰਤ, ਬਿਲੀਮੋਰਾ, ਵਾਪੀ) 'ਤੇ ਨੀਂਹਾਂ ਦਾ ਕੰਮ ਪੂਰਾ ਹੋ ਚੁੱਕਾ ਹੈ। 17 ਨਦੀ ਪੁਲਾਂ ਦਾ ਨਿਰਮਾਣ ਪੂਰਾ ਹੋ ਚੁੱਕਾ ਹੈ ਜਦਕਿ ਗੁਜਰਾਤ ਵਿਚ 4 ਵੱਡੇ ਪੁਲਾਂ 'ਤੇ ਕੰਮ ਤੇਜ਼ੀ ਨਾਲ ਚੱਲ ਰਿਹਾ ਹੈ।

‘ਮੇਕ ਇਨ ਇੰਡੀਆ' ਨੂੰ ਮਿਲੇਗਾ ਹੁਲਾਰਾ :

ਇਹ ਬੁਲੇਟ ਟ੍ਰੇਨ ਪ੍ਰੋਜੈਕਟ ‘ਮੇਕ ਇਨ ਇੰਡੀਆ' ਪਹਿਲ ਦੇ ਤਹਿਤ ਦੇਸ਼ ਦੀ ਹਾਈ-ਸਪੀਡ ਰੇਲ ਸਮਰੱਥਾ ਨੂੰ ਵਧਾਵੇਗਾ। ਰੇਲਵੇ ਨੇ ਦਰਾਮਦ 'ਤੇ ਨਿਰਭਰਤਾ ਘਟਾਉਣ ਲਈ ਹਾਈ-ਸਪੀਡ ਰੇਲ ਸਿਸਟਮ ਤੇ ਭਾਈਵਲਾਂ ਦੇ ਸਵਦੇਸ਼ੀ ਨਿਰਮਾਣ ਨੂੰ ਵਧਾਵਾ ਦਿੱਤਾ ਹੈ।