ਹਾਦਸਾ ਨਹੀਂ, ਸਾਜ਼ਿਸ਼ੀ ਕਤਲ ! ਜਦੋਂ ਮਹਿਲਾ ਅਧਿਕਾਰੀ ਨੇ ਫੜੀ ਗੜਬੜੀ ਤਾਂ ਸਾਥੀ ਨੇ ਪੈਟਰੋਲ ਪਾ ਕੇ ਜ਼ਿੰਦਾ ਸਾੜ ਮਿਟਾਏ ਸਬੂਤ

ਕਲਿਆਣੀ ਨੰਬੀ ਦਾ ਹਾਲ ਹੀ ਵਿੱਚ ਤਿਰੂਨੇਲਵੇਲੀ ਤੋਂ ਮਦੁਰੈ ਤਬਾਦਲਾ ਹੋਇਆ ਸੀ। ਉੱਥੇ ਉਨ੍ਹਾਂ ਨੇ 'ਡੈਥ ਕਲੇਮ' (ਮੌਤ ਦੇ ਦਾਵਿਆਂ) ਦੇ ਨਿਪਟਾਰੇ ਵਿੱਚ ਭਾਰੀ ਗੜਬੜੀਆਂ ਫੜੀਆਂ। ਮੁਲਜ਼ਮ ਰਾਮ ਕੋਲ 40 ਤੋਂ ਵੱਧ ਡੈਥ ਕਲੇਮ ਪੈਂਡਿੰਗ ਸਨ। ਕਲਿਆਣੀ ਨੇ ਉਸ ਨੂੰ ਚਿਤਾਵਨੀ ਦਿੱਤੀ ਸੀ ਕਿ ਉਹ ਉਸ ਵਿਰੁੱਧ ਅਨੁਸ਼ਾਸਨੀ ਕਾਰਵਾਈ ਦੀ ਸਿਫ਼ਾਰਸ਼ ਕਰੇਗੀ। ਆਪਣੀ ਨੌਕਰੀ ਬਚਾਉਣ ਲਈ ਰਾਮ ਨੇ ਕਲਿਆਣੀ ਨੂੰ ਰਸਤੇ ਵਿੱਚੋਂ ਹਟਾਉਣ ਦਾ ਪਲਾਨ ਬਣਾਇਆ। ਉਸ ਨੇ ਪੈਟਰੋਲ ਦੀਆਂ ਬੋਤਲਾਂ ਤਿਆਰ ਰੱਖੀਆਂ, ਦਫ਼ਤਰ ਦੀ ਬਿਜਲੀ ਕੱਟ ਦਿੱਤੀ ਅਤੇ ਮੁੱਖ ਦਰਵਾਜ਼ੇ ਨੂੰ ਬਾਹਰੋਂ ਜੰਜ਼ੀਰ ਨਾਲ ਬੰਦ ਕਰ ਦਿੱਤਾ ਤਾਂ ਜੋ ਕਲਿਆਣੀ ਬਾਹਰ ਨਾ ਨਿਕਲ ਸਕੇ ਫਿਰ ਉਸ ਨੇ ਕੈਬਿਨ ਵਿੱਚ ਪੈਟਰੋਲ ਪਾ ਕੇ ਅੱਗ ਲਗਾ ਦਿੱਤੀ।