ਬੰਗਲਾਦੇਸ਼ 'ਚ ਹਿੰਦੂਆਂ 'ਤੇ ਮੰਡਰਾਇਆ ਖ਼ਤਰਾ: ਚੋਣਾਂ ਜਿੱਤਣ ਲਈ ਕੱਟੜਪੰਥੀਆਂ ਨੇ ਰਚੀ ਹਿੰਸਾ ਦੀ ਸਾਜ਼ਿਸ਼; ਭਾਰਤੀ ਸਰਹੱਦਾਂ 'ਤੇ ਵਧੀ ਚੌਕਸੀ
ਫਰਵਰੀ ਵਿੱਚ ਹੋਣ ਵਾਲੀਆਂ ਚੋਣਾਂ ਤੋਂ ਪਹਿਲਾਂ ਬੰਗਲਾਦੇਸ਼ ਵਿੱਚ ਘੱਟ ਗਿਣਤੀ ਹਿੰਦੂਆਂ ਵਿਰੁੱਧ ਹਿੰਸਾ ਭੜਕਾਉਣ ਦੀ ਇੱਕ ਵੱਡੀ ਸਾਜ਼ਿਸ਼ ਦਾ ਪਰਦਾਫਾਸ਼ ਹੋਇਆ ਹੈ। ਖੁਫੀਆ ਬਿਊਰੋ ਦੀ ਰਿਪੋਰਟ ਅਨੁਸਾਰ, ਪਿਛਲੇ ਹਫ਼ਤੇ ਕਈ ਨੇਤਾਵਾਂ ਅਤੇ ਕੱਟੜਪੰਥੀ ਅਨਸਰਾਂ ਵਿਚਕਾਰ ਇੱਕ ਮੀਟਿੰਗ ਹੋਈ, ਜਿਸ ਵਿੱਚ ਚੋਣਾਂ ਦੌਰਾਨ ਹਿੰਦੂ ਵਿਰੋਧੀ ਭਾਵਨਾਵਾਂ ਨੂੰ ਭੜਕਾਉਣ ਦੀ ਰਣਨੀਤੀ ਤਿਆਰ ਕੀਤੀ ਗਈ।
Posted By Sunita
Publish Date: Wed, 28 Jan 2026 08:38 AM (IST)
Updated Date: Wed, 28 Jan 2026 08:39 AM (IST)
ਆਈ.ਏ.ਐਨ.ਐਸ., ਨਵੀਂ ਦਿੱਲੀ: ਫਰਵਰੀ ਵਿੱਚ ਹੋਣ ਵਾਲੀਆਂ ਚੋਣਾਂ ਤੋਂ ਪਹਿਲਾਂ ਬੰਗਲਾਦੇਸ਼ ਵਿੱਚ ਘੱਟ ਗਿਣਤੀ ਹਿੰਦੂਆਂ ਵਿਰੁੱਧ ਹਿੰਸਾ ਭੜਕਾਉਣ ਦੀ ਇੱਕ ਵੱਡੀ ਸਾਜ਼ਿਸ਼ ਦਾ ਪਰਦਾਫਾਸ਼ ਹੋਇਆ ਹੈ। ਖੁਫੀਆ ਬਿਊਰੋ ਦੀ ਰਿਪੋਰਟ ਅਨੁਸਾਰ, ਪਿਛਲੇ ਹਫ਼ਤੇ ਕਈ ਨੇਤਾਵਾਂ ਅਤੇ ਕੱਟੜਪੰਥੀ ਅਨਸਰਾਂ ਵਿਚਕਾਰ ਇੱਕ ਮੀਟਿੰਗ ਹੋਈ, ਜਿਸ ਵਿੱਚ ਚੋਣਾਂ ਦੌਰਾਨ ਹਿੰਦੂ ਵਿਰੋਧੀ ਭਾਵਨਾਵਾਂ ਨੂੰ ਭੜਕਾਉਣ ਦੀ ਰਣਨੀਤੀ ਤਿਆਰ ਕੀਤੀ ਗਈ।
ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਵਾਰ ਚੋਣਾਂ ਵਿਕਾਸ ਜਾਂ ਆਰਥਿਕਤਾ ਦੀ ਬਜਾਏ ਪੂਰੀ ਤਰ੍ਹਾਂ 'ਹਿੰਦੂ ਵਿਰੋਧੀ' ਅਤੇ 'ਭਾਰਤ ਵਿਰੋਧੀ' ਏਜੰਡੇ 'ਤੇ ਕੇਂਦਰਿਤ ਹੋਣਗੀਆਂ।
ਨਫ਼ਰਤ ਅਤੇ ਫਰਜ਼ੀ ਖ਼ਬਰਾਂ ਦਾ ਸਹਾਰਾ: ਸਾਜ਼ਿਸ਼ ਤਹਿਤ ਕੱਟੜਪੰਥੀ ਅਨਸਰ ਹਿੰਦੂਆਂ ਵਿਰੁੱਧ ਫਰਜ਼ੀ ਖ਼ਬਰਾਂ (ਫੇਕ ਨੈਰੇਟਿਵ) ਫੈਲਾਉਣ ਦੀ ਯੋਜਨਾ ਬਣਾ ਰਹੇ ਹਨ। ਇਸ ਵਿੱਚ ਘੱਟ ਗਿਣਤੀਆਂ 'ਤੇ ਚੋਰੀ ਅਤੇ ਹੋਰ ਅਪਰਾਧਾਂ ਦੇ ਝੂਠੇ ਦੋਸ਼ ਲਗਾਉਣਾ ਸ਼ਾਮਲ ਹੈ ਤਾਂ ਜੋ ਸਥਾਨਕ ਆਬਾਦੀ ਨੂੰ ਉਨ੍ਹਾਂ ਵਿਰੁੱਧ ਹਿੰਸਾ ਲਈ ਉਕਸਾਇਆ ਜਾ ਸਕੇ। ਕਈ ਸਿਆਸੀ ਪਾਰਟੀਆਂ ਇਹ ਪ੍ਰਚਾਰ ਕਰ ਰਹੀਆਂ ਹਨ ਕਿ ਕਿਉਂਕਿ ਭਾਰਤ ਨੇ ਸ਼ੇਖ ਹਸੀਨਾ ਨੂੰ ਸ਼ਰਨ ਦਿੱਤੀ ਹੈ, ਇਸ ਲਈ ਬੰਗਲਾਦੇਸ਼ ਦੇ ਹਿੰਦੂ (ਜਿਨ੍ਹਾਂ ਨੂੰ ਭਾਰਤ ਸਮਰਥਕ ਮੰਨਿਆ ਜਾ ਰਿਹਾ ਹੈ) ਉੱਥੇ ਰਹਿਣ ਦੇ ਹੱਕਦਾਰ ਨਹੀਂ ਹਨ।
ਪਲਾਇਨ ਦਾ ਡਰ ਤੇ ਕੱਟੜਪੰਥੀ ਸੰਗਠਨ: ਜਮਾਤ-ਏ-ਇਸਲਾਮੀ ਵਰਗੇ ਕੱਟੜਪੰਥੀ ਸੰਗਠਨ ਇਸ ਸਿਆਸੀ ਧਰੁਵੀਕਰਨ ਦਾ ਸਭ ਤੋਂ ਵੱਧ ਲਾਭ ਉਠਾ ਰਹੇ ਹਨ। ਉਹ ਸ਼ੇਖ ਹਸੀਨਾ ਨੂੰ 'ਦੇਸ਼ਧ੍ਰੋਹੀ' ਦੱਸ ਕੇ ਜਨਤਾ ਨੂੰ ਲਾਮਬੰਦ ਕਰ ਰਹੇ ਹਨ। ਇਸ ਤਣਾਅਪੂਰਨ ਮਾਹੌਲ ਕਾਰਨ ਹਿੰਦੂ ਭਾਈਚਾਰਾ ਡੂੰਘੇ ਡਰ ਵਿੱਚ ਹੈ ਅਤੇ ਹਿੰਸਾ ਵਧਣ ਦੀ ਸੂਰਤ ਵਿੱਚ ਵੱਡੇ ਪੱਧਰ 'ਤੇ ਪਲਾਇਨ ਦੀ ਆਸ਼ੰਕਾ ਹੈ, ਜਿਸ ਨਾਲ ਭਾਰਤੀ ਸਰਹੱਦਾਂ 'ਤੇ ਦਬਾਅ ਵਧ ਸਕਦਾ ਹੈ।
ਮਹਿਲਾ ਨੁਮਾਇੰਦਗੀ ਵਿੱਚ ਕਮੀ: 12 ਫਰਵਰੀ ਨੂੰ ਹੋਣ ਵਾਲੀਆਂ 13ਵੀਆਂ ਸੰਸਦੀ ਚੋਣਾਂ ਵਿੱਚ ਮਹਿਲਾਵਾਂ ਦੀ ਭਾਗੀਦਾਰੀ ਬਹੁਤ ਘੱਟ ਹੈ। ਕੁੱਲ 1,981 ਉਮੀਦਵਾਰਾਂ ਵਿੱਚੋਂ ਸਿਰਫ਼ 81 ਮਹਿਲਾਵਾਂ ਹੀ ਚੋਣ ਮੈਦਾਨ ਵਿੱਚ ਹਨ, ਜੋ ਕਿ ਮਹਿਜ਼ 4.08 ਪ੍ਰਤੀਸ਼ਤ ਹੈ। ਮਨੁੱਖੀ ਅਧਿਕਾਰ ਸੰਗਠਨਾਂ ਨੇ ਇਸ 'ਤੇ ਗੰਭੀਰ ਚਿੰਤਾ ਪ੍ਰਗਟਾਈ ਹੈ।
ਪੱਤਰਕਾਰਾਂ 'ਤੇ ਹਮਲਾ: ਨਰਸਿੰਗਦੀ ਜ਼ਿਲ੍ਹੇ ਵਿੱਚ 'ਬੰਗਲਾਦੇਸ਼ ਕ੍ਰਾਈਮ ਰਿਪੋਰਟਰਜ਼ ਐਸੋਸੀਏਸ਼ਨ' ਦੇ ਮੈਂਬਰਾਂ 'ਤੇ ਹੋਏ ਹਿੰਸਕ ਹਮਲੇ ਵਿੱਚ 10 ਪੱਤਰਕਾਰ ਜ਼ਖ਼ਮੀ ਹੋ ਗਏ ਹਨ। ਪਾਰਕਿੰਗ ਫੀਸ ਨੂੰ ਲੈ ਕੇ ਹੋਏ ਵਿਵਾਦ ਤੋਂ ਬਾਅਦ ਭੀੜ ਨੇ ਪੱਤਰਕਾਰਾਂ 'ਤੇ ਹਮਲਾ ਕਰ ਦਿੱਤਾ।