ਹਾਈ ਕੋਰਟ ਦੀ ਤਿੱਖੀ ਟਿੱਪਣੀ: ਹਰ ਵਾਰ ਸਹੁਰਾ ਪਰਿਵਾਰ ਗਲਤ ਨਹੀਂ ਹੁੰਦਾ, ਕਾਨੂੰਨ ਦੀ ਦੁਰਵਰਤੋਂ ਕਰਕੇ ਪੈਸਾ ਵਸੂਲਣ ਵਾਲੀਆਂ ਔਰਤਾਂ ਨੂੰ ਪਾਈ ਝਾੜ

ਅਦਾਲਤ ਨੇ ਔਰਤ ਦੇ ਰਵੱਈਏ ਨੂੰ ਲਾਲਚੀ ਦੱਸਦੇ ਹੋਏ ਕਿਹਾ ਕਿ ਵਿਚੋਲਗੀ ਰਿਕਾਰਡ ਤੋਂ ਇਹ ਵੀ ਸਾਫ਼ ਹੁੰਦਾ ਹੈ ਕਿ ਔਰਤ ਨੇ ਹਰ ਵਾਰ ਨਵੀਆਂ ਮੰਗਾਂ ਰੱਖੀਆਂ, ਕਦੇ 50 ਲੱਖ ਰੁਪਏ, ਕਦੇ ਦੱਖਣੀ ਦਿੱਲੀ ਵਿਚ ਫਲੈਟ। ਕੋਰਟ ਨੇ ਸਾਫ਼ ਕੀਤਾ ਕਿ ਇਸ ਤਰ੍ਹਾਂ ਦੇ ਮਾਮਲੇ ਨਾ ਸਿਰਫ਼ ਪੁਲਿਸ ਅਤੇ ਅਦਾਲਤਾਂ ਦਾ ਸਮਾਂ ਬਰਬਾਦ ਕਰਦੇ ਹਨ, ਸਗੋਂ ਪਰਿਵਾਰਾਂ ਦੀ ਸ਼ਾਂਤੀ ਅਤੇ ਨਿਆਂਕਾਰੀ ਪ੍ਰਕਿਰਿਆ 'ਤੇ ਵੀ ਅਸਰ ਪਾਉਂਦੇ ਹਨ। ਬੈਂਚ ਨੇ ਮਾਮਲੇ ਵਿਚ ਆਰੋਪਿਤ ਪਤੀ ਅਤੇ ਸਹੁਰੇ ਨੂੰ ਸਾਰੇ ਦੋਸ਼ਾਂ ਤੋਂ ਛੁਟਕਾਰਾ ਦੇ ਦਿੱਤਾ। ਬੈਂਚ ਨੇ ਕਿਹਾ ਕਿ ਮਾਮਲੇ ਦੀ ਸੁਣਵਾਈ ਦੌਰਾਨ ਇਹ ਸਾਫ਼ ਹੋ ਗਿਆ ਹੈ ਕਿ ਇੱਥੇ ਦਾਜ ਲਈ ਤੰਗ ਕਰਨ ਵਿਰੁੱਧ ਕਾਨੂੰਨ ਦੀ ਦੁਰਵਰਤੋਂ ਹੋ ਰਹੀ ਹੈ। ਇਕ ਪਰਿਵਾਰ ਦਾਜ ਲਈ ਤੰਗ ਕਰਨ ਮੁਕਦਮੇ ਕਾਰਨ ਸਾਲਾਂ ਤੋਂ ਪੁਲਿਸ ਅਤੇ ਅਦਾਲਤ ਦੇ ਚੱਕਰ ਲਾ ਰਿਹਾ ਹੈ।