ਬਰਾਤ ਤੋਂ ਪਹਿਲਾਂ ਲਾੜੇ ਦੀ ਸ਼ੱਕੀ ਹਾਲਾਤ ’ਚ ਮੌਤ, ਖ਼ੁਦਕੁਸ਼ੀ ਜਾਂ ਸਾਜਿਸ਼; ਕਾਰਨ ਜਾਣ ਕੇ ਹੋ ਜਾਵੋਗੇ ਹੈਰਾਨ

ਜਾਗਰਣ ਸੰਵਾਦਦਾਚ, ਵਿਭੂਤੀਪੁਰ (ਸਮਸਤੀਪੁਰ)। Samastipur News: ਥਾਣਾ ਖੇਤਰ ਅਧੀਨ ਪੈਂਦੇ ਸਿਰਸੀ ਪਿੰਡ ਵਿੱਚ ਵੀਰਵਾਰ ਸ਼ਾਮ ਨੂੰ ਵਿਆਹ ਦੀ ਬਰਾਤ ਨਿਕਲਣ ਤੋਂ ਕੁਝ ਸਮਾਂ ਪਹਿਲਾਂ ਇੱਕ ਲਾੜੇ ਦੀ ਸ਼ੱਕੀ ਹਾਲਾਤਾਂ ਵਿੱਚ ਮੌਤ ਹੋ ਗਈ। ਇਸ ਘਟਨਾ ਨਾਲ ਵਿਆਹ ਦਾ ਮਾਹੌਲ ਮਾਤਮ ਵਿੱਚ ਬਦਲ ਗਿਆ।

ਖ਼ਬਰ ਦਾ ਪਤਾ ਲੱਗਦੇ ਹੀ ਪ੍ਰਸ਼ਾਸਨਿਕ ਮਹਿਕਮੇ ਵਿੱਚ ਵੀ ਹਲਚਲ ਮਚ ਗਈ। ਮ੍ਰਿਤਕ ਲਾੜਾ ਸਿਰਸੀ ਪਿੰਡ ਨਿਵਾਸੀ ਸ਼ਿਵ ਸ਼ੰਕਰ ਮਹਤੋ ਅਤੇ ਤਾਰਾ ਦੇਵੀ ਦਾ ਪੁੱਤਰ ਸੁਜੀਤ ਕੁਮਾਰ ਦੱਸਿਆ ਗਿਆ ਹੈ। ਫਿਲਹਾਲ, ਘਟਨਾ 'ਤੇ ਪਰਿਵਾਰਕ ਮੈਂਬਰਾਂ ਤੋਂ ਲੈ ਕੇ ਪ੍ਰਸ਼ਾਸਨ ਤੱਕ ਮਾਮਲੇ 'ਤੇ ਚੁੱਪੀ ਸਾਧੇ ਹੋਏ ਹਨ। ਦੱਸਿਆ ਗਿਆ ਹੈ ਕਿ ਸੁਜੀਤ ਦਾ ਵਿਆਹ ਵੀਰਵਾਰ ਨੂੰ ਤਾਜਪੁਰ ਥਾਣਾ ਦੇ ਬੇਲਾ ਪਿੰਡ ਦੀ ਲੜਕੀ ਨਾਲ ਤੈਅ ਹੋਇਆ ਸੀ।

ਪਰਿਵਾਰਕ ਮੈਂਬਰਾਂ ਦੀ ਸਹਿਮਤੀ ਨਾਲ ਇਹ ਰਿਸ਼ਤਾ ਤੈਅ ਕੀਤਾ ਗਿਆ ਸੀ। ਵਿਆਹ ਵਾਸਤੇ ਸਾਰੀਆਂ ਤਿਆਰੀਆਂ ਪੂਰੀਆਂ ਕਰ ਲਈਆਂ ਗਈਆਂ ਸਨ। ਬੀਤੀ 30 ਨਵੰਬਰ ਨੂੰ ਸਤਿਆਨਾਰਾਇਣ ਭਗਵਾਨ ਦਾ ਪਾਠ (ਪੂਜਾ), ਮੁੰਡਨ ਅਤੇ ਗ੍ਰਹਿ ਦੇਵਤਾ ਦੇ ਜਾਗਰਣ ਦਾ ਪ੍ਰੋਗਰਾਮ ਰੱਖਿਆ ਗਿਆ ਸੀ।

ਉਸ ਤੋਂ ਬਾਅਦ ਤਿੰਨ ਦਸੰਬਰ ਨੂੰ ਹਲਦੀ ਅਤੇ ਮਹਿੰਦੀ ਦੀਆਂ ਰਸਮਾਂ ਪੂਰੀਆਂ ਕੀਤੀਆਂ ਗਈਆਂ। ਵੀਰਵਾਰ ਨੂੰ ਪਰਿਵਾਰਕ ਮੈਂਬਰਾਂ ਅਤੇ ਮਹਿਮਾਨਾਂ ਲਈ ਦਾਵਤ ਅਤੇ ਰਾਤ ਨੂੰ ਸ਼ੁਭ ਵਿਆਹ ਲਈ ਬਰਾਤ ਦੀ ਯੋਜਨਾ ਸੀ।

ਪਰ, ਇਸ ਤੋਂ ਕੁਝ ਸਮਾਂ ਪਹਿਲਾਂ ਸੁਜੀਤ ਆਪਣੇ ਦੋਸਤਾਂ ਨਾਲ ਖਾਣ-ਪੀਣ ਬੈਠਾ। ਇਸ ਦੌਰਾਨ ਸ਼ਰਾਬ ਚੱਲਣ ਦੀ ਗੱਲ ਵੀ ਕਹੀ ਗਈ। ਇਸੇ ਦੌਰਾਨ ਕਿਸੇ ਨੇ ਉਸ ਨੂੰ ਉਸਦੀ ਪ੍ਰੇਮਿਕਾ ਦੀ ਯਾਦ ਦਿਵਾ ਦਿੱਤੀ।

ਇਸ ਨਾਲ ਉਹ ਬੇਚੈਨ ਹੋ ਗਿਆ ਅਤੇ ਸ਼ਰਾਬ ਵਿੱਚ ਕੋਈ ਜ਼ਹਿਰੀਲਾ ਪਦਾਰਥ ਮਿਲਾ ਕੇ ਪੀ ਲਿਆ। ਇਸ ਨਾਲ ਉਸਦੀ ਤਬੀਅਤ ਵਿਗੜ ਗਈ ਅਤੇ ਕੁਝ ਹੀ ਸਮੇਂ ਵਿੱਚ ਮੌਤ ਹੋ ਗਈ।

ਦੱਸਿਆ ਜਾਂਦਾ ਹੈ ਕਿ ਦੋ ਸਾਲ ਪਹਿਲਾਂ ਆਲਮਪੁਰ ਕੋਦਰੀਆ ਪਿੰਡ ਵਿੱਚ ਹੋਏ ਰਮੇਸ਼ ਕਤਲ ਕਾਂਡ ਦਾ ਦੋਸ਼ੀ ਸੁਜੀਤ ਨੇ ਅਦਾਲਤ ਵਿੱਚ ਆਤਮ-ਸਮਰਪਣ ਕੀਤਾ ਸੀ ਅਤੇ ਜ਼ਮਾਨਤ ਮਿਲਣ ਤੱਕ ਜੇਲ੍ਹ ਕੱਟਣ ਤੋਂ ਬਾਅਦ ਇੱਕ ਮਹੀਨਾ ਪਹਿਲਾਂ ਹੀ ਬਾਹਰ ਨਿਕਲਿਆ ਸੀ। ਸੂਤਰਾਂ ਅਨੁਸਾਰ ਸੁਜੀਤ ਦਾ ਇਸ ਵਿਆਹ ਤੋਂ ਇਨਕਾਰ ਸੀ ਪਰ, ਪਰਿਵਾਰਕ ਮੈਂਬਰਾਂ ਦੇ ਦਬਾਅ ਕਾਰਨ ਉਸ ਨੇ ਹਾਂ ਕਰ ਦਿੱਤੀ ਸੀ। ਪਰਿਵਾਰਕ ਮੈਂਬਰਾਂ ਦੇ ਦਬਾਅ ਦੇ ਚੱਲਦਿਆਂ ਉਹ ਆਪਣੇ ਮਨਪਸੰਦ ਇਨਸਾਨ ਤੋਂ ਦੂਰ ਹੋ ਰਿਹਾ ਸੀ। ਉੱਥੇ ਹੀ ਪਿੰਡ ਵਾਸੀ ਵੀ ਘਟਨਾ ਤੋਂ ਹੈਰਾਨ ਰਹਿ ਗਏ।

ਕੁਝ ਲੋਕ ਇਸ ਨੂੰ ਕਿਸੇ ਦੁਆਰਾ ਬਣਾਏ ਗਏ ਦਬਾਅ ਤੋਂ ਬਾਅਦ ਚੁੱਕਿਆ ਗਿਆ ਕਦਮ ਦੱਸ ਰਹੇ ਹਨ, ਤਾਂ ਕੋਈ ਇਸ ਨੂੰ ਆਪਣੇ ਕਰਮਾਂ ਦਾ ਕੀਤਾ ਫਲ ਭੁਗਤਣਾ ਦੱਸ ਕੇ ਚਰਚਾ ਵਿੱਚ ਜੁਟੇ ਰਹੇ। ਨਾਂ ਨਾ ਛਾਪਣ ਦੀ ਸ਼ਰਤ 'ਤੇ ਜਾਣੂ ਲੋਕਾਂ ਦਾ ਕਹਿਣਾ ਹੈ ਕਿ ਸੁਜੀਤ ਪਹਿਲਾਂ ਸ਼ਰਾਬ ਦਾ ਧੰਦਾ ਕਰਦਾ ਸੀ, ਫਿਰ ਆਵਾਰਾਗਰਦੀ ਕੀਤੀ, ਉਸ ਤੋਂ ਬਾਅਦ ਗਲਤ ਕੰਮ ਦਾ ਵਿਰੋਧ ਕਰਨ ਵਾਲੇ ਰਮੇਸ਼ ਦੇ ਕਤਲ ਵਿੱਚ ਮੁਲਜ਼ਮ ਬਣਨ ਤੋਂ ਬਾਅਦ, ਘਰੇਲੂ ਕਾਰਨਾਂ ਦੇ ਚੱਲਦਿਆਂ ਆਪਣੇ ਕਰਮਾਂ ਦਾ ਫਲ ਭੁਗਤ ਕੇ ਦੁਨੀਆਂ ਨੂੰ ਅਲਵਿਦਾ ਕਹਿਣ ਲਈ ਮਜਬੂਰ ਹੋਇਆ ਹੈ।

ਲੋਕਾਂ ਵਿੱਚ ਇਸ ਕਾਂਡ ਨੂੰ ਲੈ ਕੇ ਤਰ੍ਹਾਂ-ਤਰ੍ਹਾਂ ਦੀ ਚਰਚਾ ਦਾ ਦੌਰ ਜਾਰੀ ਹੈ। ਇੱਧਰ, ਥਾਣਾ ਮੁਖੀ ਸੁਨੀਲ ਕੁਮਾਰ ਝਾਅ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਘਟਨਾ ਦੀ ਜਾਣਕਾਰੀ ਨਹੀਂ ਹੈ। ਪੁਲਿਸ ਮਾਮਲੇ ਦੀ ਖੋਜ ਕਰੇਗੀ।

ਦੂਜੇ ਪਾਸੇ, ਕੁੜੀ ਵਾਲਿਆਂ ਦੇ ਘਰ ਵੀ ਸਾਰੀਆਂ ਜ਼ਰੂਰੀ ਤਿਆਰੀਆਂ ਪੂਰੀਆਂ ਕਰ ਲਈਆਂ ਗਈਆਂ ਸਨ। ਘਰ ਵਿੱਚ ਟੈਂਟ-ਪੰਡਾਲ ਆਦਿ ਲੱਗੇ ਹੋਏ ਸਨ। ਗਾਣੇ-ਵਜਾਉਣ ਦਾ ਪ੍ਰੋਗਰਾਮ ਚੱਲ ਰਿਹਾ ਸੀ। ਇਸੇ ਦੌਰਾਨ, ਅਚਾਨਕ ਲਾੜੇ ਦੀ ਮੌਤ ਦੀ ਸੂਚਨਾ ਮਿਲਣ 'ਤੇ ਸਾਰੇ ਸੁੰਨ ਰਹਿ ਗਏ।