Delhi Oxygen Crisis : ਆਕਸੀਜਨ ਦੀ ਸਪਲਾਈ 'ਚ ਰੁਕਾਵਟ ਪਾਉਣ ਵਾਲਿਆਂ ਨੂੰ ਫਾਂਸੀ 'ਤੇ ਲਟਕਾ ਦੇਵਾਂਗੇ : ਦਿੱਲੀ ਹਾਈ ਕੋਰਟ

ਕੋਰਟ ਨੇ ਆਕਸੀਜਨ ਦੀ ਘਾਟ 'ਤੇ ਜਤਾਈ ਨਾਰਾਜ਼ਗੀ

ਦਿੱਲੀ ਦੇ ਹਸਪਤਾਲਾਂ 'ਚ ਆਕਸੀਜਨ ਦੀ ਘਾਟ 'ਤੇ ਦਿੱਲੀ ਹਾਈ ਕੋਰਟ ਨੇ ਸ਼ਨੀਵਾਰ ਨੂੰ ਸੁਣਵਾਈ ਦੌਰਾਨ ਡੂੰਘੀ ਨਾਰਾਜ਼ਗੀ ਜਤਾਈ ਹੈ। ਸੁਣਵਾਈ ਦੌਰਾਨ ਮੌਜੂਦਾ ਜਸਟਿਸ ਵਿਪਨ ਸਾਂਘੀ ਨੇ ਕਿਹਾ - ਅਸੀਂ ਕਈ ਦਿਨਾਂ ਤੋਂ ਸੁਣਵਾਈ ਕਰ ਰਹੇ ਹਾਂ। ਰੋਜ਼ਾਨਾ ਇਕੋ ਤਰ੍ਹਾਂ ਦੀ ਗੱਲ ਸਾਹਮਣੇ ਆ ਰਹੀ ਹੈ। ਅਖ਼ਬਾਰਾਂ ਤੇ ਚੈਨਲਾਂ ਰਾਹੀਂ ਦੱਸਿਆ ਜਾ ਰਿਹਾ ਹੈ ਕਿ ਹਾਲਾਤ ਗੰਭੀਰ ਹਨ। ਹਾਈ ਕੋਰਟ ਨੇ ਕੇਂਦਰ ਸਰਕਾਰ ਨੂੰ ਇਹ ਵੀ ਕਿਹਾ ਗਿਆ ਹੈ ਉਹ ਦੱਸਣ ਕਿ ਦਿੱਲੀ ਨੂੰ ਕਿੰਨੀ ਆਕਸੀਜਨ ਮਿਲੇਗੀ ਤੇ ਕਿਵੇਂ ਆਵੇਗੀ। ਦੂਜੇ ਪਾਸੇ ਦਿੱਲੀ ਸਰਕਾਰ ਵੱਲੋਂ ਸੁਣਵਾਈ ਦੌਰਾਨ ਦੱਸਿਆ ਗਿਆ ਕਿ ਦਿੱਲੀ ਨੂੰ ਸ਼ੁੱਕਰਵਾਰ ਨੂੰ ਸਿਰਫ਼ 296 ਟਨ ਆਕਸੀਜਨ ਮਿਲੀ, ਜੋ 480 ਟਨ ਦੀ ਮੰਗ ਤੋਂ ਬੇਹੱਦ ਘੱਟ ਸੀ। ਦਿੱਲੀ ਸਰਕਾਰ ਨੇ ਕਿਹਾ ਕਿ ਸਾਡੇ ਕੋਟੇ ਦੀ 480 ਟਨ ਆਕਸੀਜਨ ਦਿਵਾਈ ਜਾਵੇ। ਇਸ ਪਤਾ ਅਗਲੇ 24 ਘੰਟਿਆਂ 'ਚ ਸਿਸਟਮ ਕੋਲੇਸਪ ਹੋ ਜਾਵੇਗਾ। ਸਾਡੇ ਕੋਲ ਕੋਈ ਚਾਰਾ ਨਹੀਂ ਬਚਿਆ ਹੈ। ਹਰ ਮਿੰਟ ਜਾਨ ਜਾ ਰਹੀ ਹੈ।