ਹੈਵਾਨੀਅਤ ਦੀ ਹੱਦ ਪਾਰ : ਨਾਬਾਲਗ ਭੈਣ-ਭਰਾ ਨੂੰ ਬੰਧਕ ਬਣਾ ਕੇ 2 ਦਿਨ ਦਿੱਤੇ ਰੂਹ ਕੰਬਾਊ ਤਸ਼ੱਦਦ, ਗਰਮ ਲੋਹੇ ਨਾਲ ਦਾਗੀਆਂ ਉਂਗਲਾਂ

ਮੁਲਜ਼ਮ ਨਸ਼ੇ ਦਾ ਆਦੀ

ਉੱਥੇ ਹੀ, ਮੁਲਜ਼ਮ ਨੌਜਵਾਨ ਦੀ ਪਤਨੀ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਦਾ ਪਤੀ ਨਸ਼ੇ ਦਾ ਆਦੀ ਹੈ। ਨਸ਼ੇ ਦੀ ਹਾਲਤ ਵਿੱਚ ਹੀ ਉਹ ਬੱਚਿਆਂ ਨੂੰ ਘਰੋਂ ਚੁੱਕ ਕੇ ਆਪਣੇ ਘਰ ਲੈ ਆਇਆ ਸੀ ਅਤੇ ਕਮਰੇ ਵਿੱਚ ਬੰਦ ਕਰ ਦਿੱਤਾ ਸੀ। ਮਹਿਲਾ ਨੇ ਇਹ ਵੀ ਸਵੀਕਾਰ ਕੀਤਾ ਕਿ ਘਰ ਵਿੱਚੋਂ 70 ਹਜ਼ਾਰ ਰੁਪਏ ਦੀ ਚੋਰੀ ਹੋ ਗਈ ਸੀ। ਸ਼ਾਇਦ ਇਸੇ ਕਾਰਨ ਦੋਵਾਂ ਬੱਚਿਆਂ 'ਤੇ ਸ਼ੱਕ ਹੋਣ ਕਰਕੇ ਪਤੀ ਬੱਚਿਆਂ ਨੂੰ ਘਰ ਲੈ ਆਇਆ ਸੀ।

ਬਿਹਾਰ ਥਾਣਾ ਮੁਖੀ ਸਮਰਾਟ ਦੀਪਕ ਨੇ ਦੱਸਿਆ ਕਿ ਦੋਵੇਂ ਬੱਚੇ ਨਾਬਾਲਗ ਹਨ ਅਤੇ ਉਨ੍ਹਾਂ ਦੇ ਪਿਤਾ ਦੀ ਮੌਤ ਹੋ ਚੁੱਕੀ ਹੈ। ਬੱਚਿਆਂ ਦੀ ਮਾਂ ਦੂਜਿਆਂ ਦੇ ਘਰਾਂ ਵਿੱਚ ਕੰਮਕਾਜ ਕਰਕੇ ਗੁਜ਼ਾਰਾ ਕਰਦੀ ਹੈ। ਘਟਨਾ ਦੀ ਸੂਚਨਾ ਮਾਂ ਨੂੰ ਦੇ ਦਿੱਤੀ ਗਈ ਹੈ। ਇਲਾਜ ਤੋਂ ਬਾਅਦ ਦੋਵਾਂ ਬੱਚਿਆਂ ਨੂੰ ਥਾਣੇ ਲਿਆਂਦਾ ਗਿਆ ਹੈ। ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।