ਹੈਵਾਨੀਅਤ ! ਹਦਵਾਣਾ ਤੋੜਨ 'ਤੇ ਨਾਬਾਲਗ ਨੂੰ ਦਿੱਤੀ ਮੌਤ ਦੀ ਸਜ਼ਾ, ਕਾਤਲਾਂ ਨੇ ਅੱਖ ਵੀ ਕੱਢੀ; ਪਿੰਡ ਵਾਸੀਆਂ ਨੂੰ ਸ਼ੱਕ- ਮੁਸਲਮਾਨਾਂ ਨੇ ਕੀਤਾ ਕਾਰਾ

ਜਾਗਰਣ ਸੰਵਾਦਦਾਤਾ, ਆਗਰਾ: ਖੇਤ 'ਚ ਵੜ ਕੇ ਹਦਵਾਣਾ ਤੋੜ ਲੈਣ 'ਤੇ ਨਾਬਾਲਗ ਦੀ ਹੱਤਿਆ ਦੇ 24 ਘੰਟੇ ਬਾਅਦ ਵੀ ਪਿੰਡ ਵਿਚ ਤਣਾਅ ਦੀ ਸਥਿਤੀ ਬਣੀ ਹੋਈ ਹੈ। ਹੱਤਿਆ ਦੇ ਨਾਲ ਹੀ ਉਸ ਦੀ ਅੱਖ ਵੀ ਕੱਢ ਦਿੱਤੀ ਗਈ ਹੈ। ਪੁਲਿਸ ਦੀ ਮੌਜੂਦਗੀ 'ਚ ਸ਼ਨਿਚਰਵਾਰ ਸਵੇਰੇ ਸਸਕਾਰ ਕੀਤਾ ਗਿਆ। 12 ਲੋਕਾਂ ਨੂੰ ਹਿਰਾਸਤ 'ਚ ਲੈ ਕੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਪਿੰਡ ਵਾਸੀਆਂ ਨੂੰ ਸ਼ੱਕ ਹੈ ਕਿ ਖੇਤ ਕਿਰਾਏ 'ਤੇ ਲੈਣ ਵਾਲੇ ਮੁਸਲਮਾਨਾਂ ਨੇ ਇਹ ਹੱਤਿਆ ਕੀਤੀ ਹੈ।

ਬਰੇਲੀ-ਬਦਾਯੂੰ ਦੇ ਲੋਕਾਂ ਨੂੰ ਪਿੰਡ ਵਿਚ ਬਿਨਾਂ ਕਿਸੇ ਵੈਰੀਫਿਕੇਸ਼ਨ (ਤਸਦੀਕ) ਦੇ ਖੇਤ ਕਿਰਾਏ 'ਤੇ ਦੇ ਦਿੱਤੇ ਗਏ ਹਨ। ਉਹ ਖੇਤਾਂ 'ਤੇ ਰਹਿ ਕੇ ਤਰਬੂਜ਼ ਤੇ ਖਰਬੂਜ਼ੇ ਦੀ ਖੇਤੀ ਕਰ ਰਹੇ ਹਨ। ਖੇਤੀ ਕਰਨ ਵਾਲੇ ਲੋਕ ਅਪਰਾਧੀ ਤਾਂ ਨਹੀਂ, ਇਸ ਬਾਰੇ ਵੀ ਕਿਸੇ ਨੂੰ ਕੋਈ ਜਾਣਕਾਰੀ ਨਹੀਂ ਹੈ।

ਖਾਸ ਗੱਲ ਇਹ ਹੈ ਕਿ ਇੱਥੇ ਪੁਲਿਸ ਦਾ ਸੂਚਨਾ ਤੰਤਰ ਵੀ ਫੇਲ੍ਹ ਹੋ ਗਿਆ। ਤਿੰਨ ਮਹੀਨਿਆਂ ਤੋਂ ਪਿੰਡ ਵਿੱਚ ਰਹਿ ਰਹੇ ਬਾਹਰੀ ਲੋਕਾਂ ਦੀ ਭਿਣਕ ਤਕ ਨਹੀਂ ਲੱਗੀ। ਬਸਈ ਜਗਨੇਰ ਦੇ ਪਿੰਡ ਰੰਧੀਰਪੁਰਾ ਅਤੇ ਆਸ-ਪਾਸ ਦੇ ਪਿੰਡਾਂ ਦੇ ਕਿਸਾਨਾਂ ਨੇ ਆਪਣੇ ਖੇਤ ਬਦਾਯੂੰ, ਰਾਏਬਰੇਲੀ ਅਤੇ ਸ਼ਾਹਜਹਾਂਪੁਰ ਦੇ ਲੋਕਾਂ ਨੂੰ ਕਿਰਾਏ 'ਤੇ ਦਿੱਤੇ ਹੋਏ ਹਨ।

ਖੇਤ ਦਾ ਕਿਰਾਇਆ 25 ਹਜ਼ਾਰ ਰੁਪਏ ਪ੍ਰਤੀ ਵਿੱਘਾ ਦਿੱਤਾ ਗਿਆ ਹੈ। ਖੇਤ ਕਿਰਾਏ 'ਤੇ ਲੈਣ ਵਾਲਾ ਵਿਅਕਤੀ ਕੌਣ ਹੈ, ਇਸ ਬਾਰੇ ਖੇਤ ਮਾਲਕਾਂ ਨੂੰ ਵੀ ਜਾਣਕਾਰੀ ਨਹੀਂ ਹੈ। ਰੰਧੀਰਪੁਰਾ ਵਿੱਚ ਕਿਸ਼ੋਰ ਦੀ ਹੱਤਿਆ ਤੋਂ ਬਾਅਦ ਉਸ ਦੇ ਪਿਤਾ ਨੂੰ ਵੀ ਇਹ ਨਹੀਂ ਸੀ ਪਤਾ ਕਿ ਜਿਨ੍ਹਾਂ ਨੂੰ ਉਨ੍ਹਾਂ ਨੇ ਖੇਤ ਕਿਰਾਏ 'ਤੇ ਦਿੱਤੇ ਹਨ, ਉਹ ਕਿੱਥੋਂ ਦੇ ਰਹਿਣ ਵਾਲੇ ਹਨ।

ਉਨ੍ਹਾਂ ਨੂੰ ਸਿਰਫ਼ ਇਕ ਸ਼ਖ਼ਸ 'ਨਾਸਿਰ' ਦਾ ਨਾਮ ਪਤਾ ਸੀ ਅਤੇ ਇਹ ਕਿ ਉਹ ਬਦਾਯੂੰ ਦਾ ਰਹਿਣ ਵਾਲਾ ਹੈ। ਖੇਤ ਲੈਣ ਵਾਲੇ ਅਪਰਾਧੀ ਤਾਂ ਨਹੀਂ ਹਨ, ਇਸ ਦੀ ਵੀ ਕਿਸੇ ਨੂੰ ਜਾਣਕਾਰੀ ਨਹੀਂ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਤਿੰਨ ਮਹੀਨਿਆਂ ਤੋਂ ਬਾਹਰੀ ਲੋਕ ਪਿੰਡ 'ਚ ਰਹਿ ਕੇ ਖੇਤੀ ਕਰ ਰਹੇ ਸਨ, ਪਰ ਪੁਲਿਸ ਨੂੰ ਇਸ ਬਾਰੇ ਕੁਝ ਪਤਾ ਨਹੀਂ ਸੀ। ਇਸੇ ਕਾਰਨ ਉਨ੍ਹਾਂ ਦੀ ਵੈਰੀਫਿਕੇਸ਼ਨ ਨਹੀਂ ਹੋ ਸਕੀ। ਨਾਬਾਲਗ ਦੀ ਹੱਤਿਆ ਤੋਂ ਬਾਅਦ ਪਿੰਡ ਵਾਸੀਆਂ ਨੂੰ ਆਪਣੀ ਸੁਰੱਖਿਆ ਦਾ ਡਰ ਸਤਾ ਰਿਹਾ ਹੈ।