ਵੱਡਾ ਫੈਸਲਾ! ਦਿੱਲੀ 'ਚ ਹੁਣ ਸਾਰਿਆਂ ਨੂੰ ਨਹੀਂ ਮਿਲੇਗੀ CNG, IGL ਦਾ ਐਲਾਨ; ਇਹ Documents ਹਨ ਲਾਜ਼ਮੀ, ਨਵਾਂ ਨਿਯਮ ਅੱਜ ਤੋਂ ਲਾਗੂ
IGL ਮੁਤਾਬਕ, "ਦਿੱਲੀ ਸਰਕਾਰ ਦੇ ਨੋਟੀਫਿਕੇਸ਼ਨ ਅਨੁਸਾਰ 18 ਦਸੰਬਰ 2025 ਤੋਂ ਸਿਰਫ ਵੈਧ PUC ਵਾਲੀਆਂ ਗੱਡੀਆਂ ਨੂੰ ਹੀ CNG ਦਿੱਤੀ ਜਾਵੇਗੀ।" IGL ਨੇ ਸਾਰੇ ਸੀਐਨਜੀ ਖਪਤਕਾਰਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਗੈਸ ਭਰਵਾਉਣ ਸਮੇਂ ਆਪਣਾ ਵੈਧ PUC ਸਰਟੀਫਿਕੇਟ ਨਾਲ ਰੱਖਣ ਨਹੀਂ ਤਾਂ ਸੀਐਨਜੀ ਨਹੀਂ ਮਿਲੇਗੀ।
Posted By alisha
Publish Date: Thu, 18 Dec 2025 01:02 PM (IST)
Updated Date: Thu, 18 Dec 2025 01:11 PM (IST)
ਨਵੀਂ ਦਿੱਲੀ: ਦਿੱਲੀ ਸਰਕਾਰ ਨੇ ਸੀਐਨਜੀ (CNG) ਵਾਹਨ ਚਾਲਕਾਂ ਲਈ ਵੱਡਾ ਫੈਸਲਾ ਲਿਆ ਹੈ। ਵੀਰਵਾਰ 18 ਦਸੰਬਰ 2025 ਤੋਂ ਦਿੱਲੀ ਵਿੱਚ ਸਿਰਫ ਉਨ੍ਹਾਂ ਗੱਡੀਆਂ ਨੂੰ ਹੀ ਸੀਐਨਜੀ ਮਿਲੇਗੀ, ਜਿਨ੍ਹਾਂ ਕੋਲ ਵੈਧ ਪ੍ਰਦੂਸ਼ਣ ਅੰਡਰ ਕੰਟਰੋਲ (PUC) ਸਰਟੀਫਿਕੇਟ ਹੋਵੇਗਾ। ਇਸ ਫੈਸਲੇ ਦੀ ਜਾਣਕਾਰੀ ਇੰਦਰਪ੍ਰਸਥ ਗੈਸ ਲਿਮਟਿਡ (IGL) ਨੇ ਆਪਣੇ ਅਧਿਕਾਰਤ ਬਿਆਨ ਵਿੱਚ ਦਿੱਤੀ ਹੈ।
IGL ਮੁਤਾਬਕ, "ਦਿੱਲੀ ਸਰਕਾਰ ਦੇ ਨੋਟੀਫਿਕੇਸ਼ਨ ਅਨੁਸਾਰ 18 ਦਸੰਬਰ 2025 ਤੋਂ ਸਿਰਫ ਵੈਧ PUC ਵਾਲੀਆਂ ਗੱਡੀਆਂ ਨੂੰ ਹੀ CNG ਦਿੱਤੀ ਜਾਵੇਗੀ।" IGL ਨੇ ਸਾਰੇ ਸੀਐਨਜੀ ਖਪਤਕਾਰਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਗੈਸ ਭਰਵਾਉਣ ਸਮੇਂ ਆਪਣਾ ਵੈਧ PUC ਸਰਟੀਫਿਕੇਟ ਨਾਲ ਰੱਖਣ ਨਹੀਂ ਤਾਂ ਸੀਐਨਜੀ ਨਹੀਂ ਮਿਲੇਗੀ। IGL ਨੇ ਇਹ ਫੈਸਲਾ ਦਿੱਲੀ ਵਿੱਚ ਹਵਾ ਪ੍ਰਦੂਸ਼ਣ ਨੂੰ ਕੰਟਰੋਲ ਕਰਨ ਦੇ ਉਦੇਸ਼ ਨਾਲ ਲਿਆ ਹੈ।
ਪਹਿਲੀ ਵਾਰ CNG ਵਾਹਨਾਂ 'ਤੇ ਵੀ ਪਾਬੰਦੀ
ਅਜਿਹਾ ਪਹਿਲੀ ਵਾਰ ਹੋ ਰਿਹਾ ਹੈ ਜਦੋਂ ਸੀਐਨਜੀ ਨਾਲ ਚੱਲਣ ਵਾਲੀਆਂ ਗੱਡੀਆਂ ਨੂੰ ਵੀ ਪਾਬੰਦੀ ਦੇ ਘੇਰੇ ਵਿੱਚ ਲਿਆਂਦਾ ਗਿਆ ਹੈ। ਬੁੱਧਵਾਰ ਨੂੰ ਦਿੱਲੀ ਦੇ ਵਾਤਾਵਰਣ ਮੰਤਰੀ ਮਨਜਿੰਦਰ ਸਿੰਘ ਸਿਰਸਾ ਨੇ ਨਵੀਆਂ ਪਾਬੰਦੀਆਂ ਦਾ ਐਲਾਨ ਕਰਦਿਆਂ ਸਪੱਸ਼ਟ ਕੀਤਾ ਕਿ ਦਿੱਲੀ ਤੋਂ ਬਾਹਰ ਰਜਿਸਟਰਡ BS-VI (BS-6) ਮਿਆਰ ਤੋਂ ਘੱਟ ਦੀ ਕਿਸੇ ਵੀ ਗੱਡੀ ਨੂੰ ਰਾਜਧਾਨੀ ਵਿੱਚ ਦਾਖਲ ਹੋਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਇਸ ਫੈਸਲੇ ਵਿੱਚ ਬਾਲਣ (Fuel) ਦੀ ਕਿਸਮ ਦੇ ਅਧਾਰ 'ਤੇ ਕੋਈ ਛੋਟ ਨਹੀਂ ਦਿੱਤੀ ਗਈ ਹੈ।
Public Notice.
As per the notification of Govt of NCT of Delhi, with effect from Thursday, 18.12.2025, CNG shall only be dispensed in Delhi to the vehicles having valid Pollution Under Control Certificate. All CNG users are required to carry their valid PUC certificates while…
— Indraprastha Gas Limited (@IGLConnect) December 17, 2025
ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਮੰਤਰੀ ਸਿਰਸਾ ਨੇ ਵਾਰ-ਵਾਰ ਦੁਹਰਾਇਆ ਕਿ ਇਹ ਪਾਬੰਦੀ ਪੈਟਰੋਲ, ਡੀਜ਼ਲ ਜਾਂ ਸੀਐਨਜੀ ਸਾਰੇ ਤਰ੍ਹਾਂ ਦੇ ਵਾਹਨਾਂ 'ਤੇ ਬਰਾਬਰ ਲਾਗੂ ਹੋਵੇਗੀ। ਉਨ੍ਹਾਂ ਕਿਹਾ, "ਦਿੱਲੀ ਦੇ ਅੰਦਰ ਜੋ ਬਾਹਰੋਂ ਗੱਡੀਆਂ ਆਉਂਦੀਆਂ ਹਨ, BS-VI ਤੋਂ ਘੱਟ ਦੇ ਵਾਹਨ, ਧਿਆਨ ਨਾਲ ਸੁਣ ਲੈਣ ਟਰੱਕ ਤਾਂ ਪਹਿਲਾਂ ਹੀ ਬੈਨ ਹਨ ਪਰ ਨਿੱਜੀ ਗੱਡੀਆਂ ਵੀ ਅਗਲੇ ਹੁਕਮਾਂ ਤੱਕ ਦਿੱਲੀ ਦੇ ਅੰਦਰ ਕੋਈ ਵੀ ਬਾਹਰੋਂ ਆਉਣ ਵਾਲਾ ਵਾਹਨ BS-VI ਤੋਂ ਘੱਟ ਨਹੀਂ ਹੋਣਾ ਚਾਹੀਦਾ।"
ਉਨ੍ਹਾਂ ਅੱਗੇ ਸਪੱਸ਼ਟ ਕੀਤਾ ਕਿ 17 ਦਸੰਬਰ ਤੱਕ ਇੱਕ ਦਿਨ ਦੀ ਛੋਟ ਦਿੱਤੀ ਗਈ ਸੀ ਪਰ ਉਸ ਤੋਂ ਬਾਅਦ BS-VI ਤੋਂ ਘੱਟ ਦਾ ਕੋਈ ਵੀ ਵਾਹਨ, ਜੋ ਦਿੱਲੀ ਵਿੱਚ ਰਜਿਸਟਰਡ ਨਹੀਂ ਹੈ, ਰਾਜਧਾਨੀ ਵਿੱਚ ਦਾਖਲ ਨਹੀਂ ਹੋਵੇਗਾ।
ਦੂਜੇ ਸ਼ਹਿਰਾਂ ਤੋਂ ਆਉਣ ਵਾਲੇ ਵਾਹਨਾਂ ਲਈ ਹੈਲਪਲਾਈਨ ਨੰਬਰ ਜਾਰੀ
ਹੁਣ ਤੱਕ ਸਿਰਫ BS-VI ਤੋਂ ਘੱਟ ਦੀਆਂ ਪੈਟਰੋਲ ਅਤੇ ਡੀਜ਼ਲ ਗੱਡੀਆਂ 'ਤੇ ਹੀ ਰੋਕ ਲਗਾਈ ਜਾਂਦੀ ਸੀ, ਜਦੋਂ ਕਿ ਸੀਐਨਜੀ ਵਾਹਨਾਂ ਨੂੰ ਰਾਹਤ ਮਿਲਦੀ ਸੀ। ਇਸੇ ਕਾਰਨ ਇਸ ਵਾਰ ਸੀਐਨਜੀ ਵਾਹਨ ਚਾਲਕਾਂ ਵਿੱਚ ਭੰਬਲਭੂਸਾ ਬਣਿਆ ਹੋਇਆ ਸੀ ਕਿ ਉਨ੍ਹਾਂ ਨੂੰ ਛੋਟ ਮਿਲੇਗੀ ਜਾਂ ਨਹੀਂ। NCR ਦੇ ਹੋਰ ਸ਼ਹਿਰਾਂ ਤੋਂ BS-III ਅਤੇ BS-IV ਸੀਐਨਜੀ ਗੱਡੀਆਂ ਦੇ ਦਿੱਲੀ ਪ੍ਰਵੇਸ਼ ਬਾਰੇ ਜਦੋਂ ਪੁਲਿਸ ਹੈਲਪਲਾਈਨ ਨੰਬਰ 011-25844444 ਅਤੇ 1095 'ਤੇ ਸੰਪਰਕ ਕੀਤਾ ਗਿਆ, ਤਾਂ ਸਾਫ਼ ਜਵਾਬ ਮਿਲਿਆ ਕਿ ਪਾਬੰਦੀ ਸਾਰੇ ਤਰ੍ਹਾਂ ਦੇ ਬਾਲਣ ਵਾਲੇ ਵਾਹਨਾਂ 'ਤੇ ਲਾਗੂ ਹੈ।