ਹੱਤਿਆਕਾਂਡ ਦਾ ਸਨਸਨੀਖੇਜ਼ ਖ਼ੁਲਾਸਾ: ਪਹਿਲੀ ਪਤਨੀ ਨੇ ਧੀ-ਪੁੱਤ ਨਾਲ ਮਿਲ ਕੇ ਪਤੀ, ਸੌਂਕਣ ਤੇ ਸੱਸ ਸਣੇ 4 ਨੂੰ ਮੌਤ ਦੇ ਘਾਟ ਉਤਾਰਿਆ; ਲਾਸ਼ਾਂ ਗੱਡੀ 'ਚ ਫੂਕੀਆਂ

ਜਾਸ, ਜੈਪੁਰ : ਅਜਮੇਰ ਜ਼ਿਲ੍ਹੇ ਵਿਚ ਸਾਬਕਾ ਸਰਪੰਚ ਸਣੇ ਚਾਰ ਲੋਕਾਂ ਦੀਆਂ ਵੀਰਵਾਰ ਸਵੇਰੇ ਛੇ ਵਜੇ ਸਕਾਰਪੀਓ ਗੱਡੀ ਵਿਚ ਸੜੀਆਂ ਹੋਈਆਂ ਲਾਸ਼ਾਂ ਮਿਲੀਆਂ। ਮ੍ਰਿਤਕਾਂ ’ਚ ਸਾਬਕਾ ਸਰਪੰਚ, ਉਸ ਦੀ ਦੂਜੀ ਪਤਨੀ, ਮਾਂ ਤੇ ਭਾਣਜੀ ਸ਼ਾਮਲ ਸਨ। ਇਸ ਮਾਮਲੇ ਵਿਚ ਪੁਲਿਸ ਨੇ 12 ਘੰਟਿਆਂ ਅੰਦਰ ਵੱਡਾ ਰਾਜ਼ਫਾਸ਼ ਕੀਤਾ ਹੈ। ਪੁਲਿਸ ਅਨੁਸਾਰ, ਇਸ ਹੱਤਿਆ ਕਾਂਡ ਨੂੰ ਸਾਬਕਾ ਸਰਪੰਚ ਦੀ ਪਹਿਲੀ ਪਤਨੀ, ਉਸ ਦੀ ਧੀ ਤੇ ਨਾਬਾਲਿਗ ਪੁੱਤਰ ਨੇ ਅੰਜਾਮ ਦਿੱਤਾ ਹੈ। ਤਿੰਨਾਂ ਨੇ ਮਿਲ ਕੇ ਲੋਹੇ ਦੇ ਔਜ਼ਾਰ ਨਾਲ ਚਾਰਾਂ ਦੀ ਗਲ਼ਾ ਵੱਢ ਕੇ ਹੱਤਿਆ ਕੀਤੀ ਸੀ। ਮਾਮਲੇ ਨੂੰ ਹਾਦਸੇ ਦਾ ਰੂਪ ਦੇਣ ਲਈ ਸਕਾਰਪੀਓ ਵਿਚ ਅੱਗ ਲਗਾ ਦਿੱਤੀ ਸੀ। ਅਜਮੇਰ ਦੇ ਐੱਸਪੀ ਹਰਸ਼ਵਰਧਨ ਅਗਰਵਾਲ ਨੇ ਦੱਸਿਆ ਕਿ ਸਾਬਕਾ ਸਰਪੰਚ ਦੀ ਪਹਿਲੀ ਪਤਨੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ, ਜਦਕਿ ਬਾਕੀਆਂ ਨੂੰ ਹਿਰਾਸਤ ਵਿਚ ਲਿਆ ਗਿਆ ਹੈ।