ਕਿਉਂ ਸਵੇਰੇ 6 ਤੋਂ 10 ਵਜੇ ਦੇ ਵਿਚਕਾਰ ਆਉਂਦੇ ਹਨ ਸਭ ਤੋਂ ਵੱਧ ਹਾਰਟ ਅਟੈਕ ? ਕਾਰਨ ਜਾਣ ਕੇ ਹੈਰਾਨ ਰਹਿ ਜਾਓਗੇ ਤੁਸੀਂ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ: ਕੀ ਤੁਸੀਂ ਜਾਣਦੇ ਹੋ ਕਿ ਹਾਰਟ ਅਟੈਕ ਦੇ ਮਾਮਲੇ ਸਭ ਤੋਂ ਜ਼ਿਆਦਾ ਸਵੇਰ ਦੇ ਸਮੇਂ ਦੇਖਣ ਨੂੰ ਮਿਲਦੇ ਹਨ? ਜੀ ਹਾਂ, ਇਹ ਸੁਣਨ 'ਚ ਅਜੀਬ ਜ਼ਰੂਰ ਲੱਗ ਸਕਦਾ ਹੈ ਪਰ ਇਸ ਦੇ ਪਿੱਛੇ ਠੋਸ ਕਾਰਨ ਛੁਪੇ ਹੋਏ ਹਨ।

ਕਈ ਖੋਜਾਂ ਵੀ ਦੱਸਦੀਆਂ ਹਨ ਕਿ ਹਾਰਟ ਅਟੈਕ ਆਉਣ ਦਾ ਖ਼ਤਰਾ ਰਾਤ ਦੀ ਤੁਲਨਾ ਵਿੱਚ ਸਵੇਰ ਦੇ ਸਮੇਂ ਤਿੰਨ ਗੁਣਾ ਜ਼ਿਆਦਾ ਹੁੰਦਾ ਹੈ, ਪਰ ਅਜਿਹਾ ਕਿਉਂ? ਆਓ ਇਸ ਦੇ ਕਾਰਨਾਂ ਨੂੰ ਸਮਝੀਏ।

ਬਲੱਡ ਪ੍ਰੈਸ਼ਰ ਤੇ ਤਣਾਅ ਵਾਲੇ ਹਾਰਮੋਨਜ਼ ਦਾ ਵਧਣਾ

ਜਦੋਂ ਅਸੀਂ ਸੌ ਰਹੇ ਹੁੰਦੇ ਹਾਂ, ਤਾਂ ਸਾਡਾ ਬਲੱਡ ਪ੍ਰੈਸ਼ਰ ਘੱਟ ਰਹਿੰਦਾ ਹੈ, ਪਰ ਜਿਵੇਂ ਹੀ ਅਸੀਂ ਜਾਗਣ ਦੀ ਪ੍ਰਕਿਰਿਆ 'ਚ ਹੁੰਦੇ ਹਾਂ, ਸਰੀਰ ਖ਼ੁਦ ਨੂੰ ਐਕਟਿਵ ਕਰਨ ਲਈ ਕੋਰਟੀਸੋਲ ਤੇ ਐਡਰੇਨਾਲਿਨ ਵਰਗੇ ਸਟ੍ਰੈਸ ਹਾਰਮੋਨਾਂ ਦਾ ਰਿਸਾਅ ਵਧਾ ਦਿੰਦਾ ਹੈ। ਇਸ ਨੂੰ 'ਮਾਰਨਿੰਗ ਸਰਜ' ਕਿਹਾ ਜਾਂਦਾ ਹੈ। ਇਹ ਅਚਾਨਕ ਬਲੱਡ ਪ੍ਰੈਸ਼ਰ ਅਤੇ ਹਾਰਟ ਰੇਟ ਨੂੰ ਵਧਾ ਦਿੰਦਾ ਹੈ।

ਕਲੌਟਿੰਗ ਦਾ ਖ਼ਤਰਾ : ਸਵੇਰ ਦੇ ਸਮੇਂ ਸਾਡਾ ਖੂਨ ਥੋੜ੍ਹਾ ਜ਼ਿਆਦਾ ਗਾੜ੍ਹਾ ਹੋ ਜਾਂਦਾ ਹੈ। ਜੇਕਰ ਨਾੜੀਆਂ 'ਚ ਪਹਿਲਾਂ ਹੀ ਬਲੌਕੇਜ ਹੈ ਤਾਂ ਸਵੇਰ ਦੇ ਸਮੇਂ ਬਲੱਡ ਕਲੌਟ (ਖੂਨ ਦੇ ਜੰਮਣ) ਦਾ ਖ਼ਤਰਾ ਹੋਰ ਵੱਧ ਜਾਂਦਾ ਹੈ।

ਪਾਣੀ ਦੀ ਕਮੀ: ਰਾਤ ਭਰ ਦੀ ਨੀਂਦ ਦੌਰਾਨ ਸਰੀਰ ਹਲਕਾ ਡੀਹਾਈਡ੍ਰੇਟ ਹੋ ਜਾਂਦਾ ਹੈ, ਜਿਸ ਨਾਲ ਖੂਨ ਨੂੰ ਪੰਪ ਕਰਨ ਲਈ ਦਿਲ ਨੂੰ ਜ਼ਿਆਦਾ ਮਿਹਨਤ ਕਰਨੀ ਪੈਂਦੀ ਹੈ।

ਸਲੀਪ ਡਿਸਆਰਡਰ: ਨੀਂਦ ਦੀ ਗੁਣਵੱਤਾ ਦਾ ਸਿੱਧਾ ਸਬੰਧ ਦਿਲ ਦੀ ਸਿਹਤ ਨਾਲ ਹੈ। ਸਲੀਪ ਐਪਨੀਆ ਵਰਗੀਆਂ ਬਿਮਾਰੀਆਂ ਸਵੇਰੇ ਉੱਠਦੇ ਹੀ ਦਿਲ 'ਤੇ ਭਾਰੀ ਦਬਾਅ ਪਾਉਂਦੀਆਂ ਹਨ।

ਬਚਾਅ ਲਈ ਕੀ ਕਰੀਏ?

ਝਟਕੇ ਨਾਲ ਨਾ ਉੱਠੋ: ਸਵੇਰੇ ਅੱਖ ਖੁੱਲ੍ਹਦੇ ਹੀ ਬਿਸਤਰੇ ਤੋਂ ਤੁਰੰਤ ਨਾ ਉੱਠੋ। 5 ਮਿੰਟ ਸ਼ਾਂਤ ਬੈਠੋ।

ਹਾਈਡ੍ਰੇਸ਼ਨ: ਸਵੇਰੇ ਉੱਠਦੇ ਹੀ ਇੱਕ ਗਲਾਸ ਪਾਣੀ ਪੀਓ।

ਦਵਾਈਆਂ ਦਾ ਸਮਾਂ: ਬੀਪੀ ਦੀਆਂ ਦਵਾਈਆਂ ਡਾਕਟਰ ਦੀ ਸਲਾਹ ਅਨੁਸਾਰ ਸਹੀ ਸਮੇਂ 'ਤੇ ਲਓ।

ਭਾਰੀ ਕਸਰਤ: ਦਿਲ ਦੇ ਮਰੀਜ਼ ਸਵੇਰੇ ਬਹੁਤ ਜ਼ਿਆਦਾ ਠੰਢ ਵਿਚ ਭਾਰੀ ਵਰਕਆਊਟ ਕਰਨ ਤੋਂ ਬਚਣ।