ਹਰ ਵੇਲੇ ਮਿੱਠਾ ਖਾਣ ਦਾ ਮਨ ਕਰਦਾ ਹੈ? ਹਾਰਵਰਡ ਦੇ ਡਾਕਟਰ ਨੇ ਦੱਸਿਆ Sugar Cravings ਨੂੰ ਸ਼ਾਂਤ ਕਰਨ ਦਾ ਤਰੀਕਾ
ਜੇਕਰ ਤੁਹਾਨੂੰ ਵੀ ਹਰ ਥੋੜ੍ਹੀ ਦੇਰ ਵਿੱਚ ਮਿੱਠਾ ਖਾਣ ਦੀ ਬਹੁਤ ਜ਼ਿਆਦਾ ਤਲਬ ਮਹਿਸੂਸ ਹੁੰਦੀ ਹੈ ਅਤੇ ਤੁਸੀਂ ਇਸ 'Sugar Cravings' ਤੋਂ ਬਾਹਰ ਆਉਣਾ ਚਾਹੁੰਦੇ ਹੋ ਤਾਂ ਇਹ ਲੇਖ ਤੁਹਾਨੂੰ ਜ਼ਰੂਰ ਪੜ੍ਹਨਾ ਚਾਹੀਦਾ ਹੈ। ਚੰਗੀ ਖ਼ਬਰ ਇਹ ਹੈ ਕਿ ਇਸ ਮਿੱਠੇ ਦੀ ਲਤ ਨੂੰ ਛੱਡਣਾ ਮੁਸ਼ਕਲ ਨਹੀਂ, ਜਿੰਨਾ ਕਿ ਲੱਗਦਾ ਹੈ।
Posted By Anuradha Bains
Publish Date: Mon, 16 Jun 2025 02:07 PM (IST)
Updated Date: Mon, 16 Jun 2025 02:12 PM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ। ਜੇਕਰ ਤੁਹਾਨੂੰ ਵੀ ਹਰ ਥੋੜ੍ਹੀ ਦੇਰ ਵਿੱਚ ਮਿੱਠਾ ਖਾਣ ਦੀ ਬਹੁਤ ਜ਼ਿਆਦਾ ਤਲਬ ਮਹਿਸੂਸ ਹੁੰਦੀ ਹੈ ਅਤੇ ਤੁਸੀਂ ਇਸ 'Sugar Cravings' ਤੋਂ ਬਾਹਰ ਆਉਣਾ ਚਾਹੁੰਦੇ ਹੋ ਤਾਂ ਇਹ ਲੇਖ ਤੁਹਾਨੂੰ ਜ਼ਰੂਰ ਪੜ੍ਹਨਾ ਚਾਹੀਦਾ ਹੈ। ਚੰਗੀ ਖ਼ਬਰ ਇਹ ਹੈ ਕਿ ਇਸ ਮਿੱਠੇ ਦੀ ਲਤ ਨੂੰ ਛੱਡਣਾ ਮੁਸ਼ਕਲ ਨਹੀਂ, ਜਿੰਨਾ ਕਿ ਲੱਗਦਾ ਹੈ। ਜੀ ਹਾਂ, ਹਾਰਵਰਡ ਦੇ ਡਾਕਟਰ ਨੇ ਕੁਝ ਅਜਿਹੇ ਸ਼ਾਨਦਾਰ ਤਰੀਕੇ ਦੱਸੇ ਹਨ, ਜਿਨ੍ਹਾਂ ਨਾਲ ਤੁਸੀਂ ਆਪਣੀ ਮਿੱਠੇ ਦੀ ਚਾਹਤ ਨੂੰ ਹਮੇਸ਼ਾ ਲਈ ਸ਼ਾਂਤ ਕਰ ਸਕਦੇ ਹੋ ਅਤੇ ਇਕ ਸਿਹਤਮੰਦ ਜੀਵਨਸ਼ੈਲੀ ਨੂੰ ਅਪਣਾ ਸਕਦੇ ਹੋ।
ਫਾਈਬਰ ਨਾਲ ਭਰਪੂਰ ਖੁਰਾਕ ਨੂੰ ਬਣਾਓ ਆਪਣੀ ਡਾਈਟ ਦਾ ਹਿੱਸਾ
ਡਾਕਟਰ ਦਾ ਕਹਿਣਾ ਹੈ ਕਿ ਮਿੱਠੇ ਦੀ ਤਲਬ ਨੂੰ ਘਟਾਉਣ ਦਾ ਸਭ ਤੋਂ ਵਧੀਆ ਤਰੀਕਾ ਹੈ ਆਪਣੇ ਖਾਣੇ ਵਿਚ ਫਾਈਬਰ (Fiber) ਦੀ ਮਾਤਰਾ ਵਧਾਉਣਾ। ਦੱਸ ਦਈਏ ਕਿ ਫਾਈਬਰ ਵਾਲੇ Foods ਪੇਟ ਨੂੰ ਲੰਬੇ ਸਮੇਂ ਤੱਕ ਭਰਿਆ ਰੱਖਦੇ ਹਨ, ਜਿਸ ਨਾਲ ਤੁਹਾਨੂੰ ਜਲਦੀ ਭੁੱਖ ਨਹੀਂ ਲੱਗਦੀ ਅਤੇ ਮਿੱਠਾ ਖਾਣ ਦੀ ਇੱਛਾ ਘਟਦੀ ਹੈ।
ਕੀ ਖਾਓ?
- ਸਾਬਤ ਅਨਾਜ: ਦਲੀਆ, ਬ੍ਰਾਊਨ ਰਾਇਸ, ਬਾਜਰਾ, ਰਾਗੀ।
- ਫਲ: ਸੇਬ, ਨਾਸ਼ਪਾਤੀ, ਬੇਰੀਜ਼ (ਸਟ੍ਰਾਬੇਰੀ, ਬਲੂਬੇਰੀ), ਸੰਤਰੇ, ਅਮਰੂਦ।
- ਸਬਜ਼ੀਆਂ: ਹਰੀ ਪੱਤੇਦਾਰ ਸਬਜ਼ੀਆਂ, ਬ੍ਰੋਕੋਲੀ, ਗਾਜਰ, ਮਟਰ।
- ਦਾਲਾਂ ਅਤੇ ਫਲੀਆਂ: ਚਨਾ, ਰਾਜਮਾ, ਮਸੂਰ ਦਾਲ।
- ਨਟਸ ਅਤੇ ਬੀਜ: ਬਾਦਾਮ, ਅਖਰੌਟ, ਚੀਆ ਸੀਡਸ, ਅਲਸੀ।
ਖੰਡ ਦੀ ਥਾਂ ਫਲਾਂ ਨੂੰ ਚੁਣੋ
ਜਦੋਂ ਵੀ ਮਿੱਠਾ ਖਾਣ ਦਾ ਮਨ ਕਰੇ ਤਾਂ ਤੁਰੰਤ ਕਿਸੇ ਕੈਂਡੀ ਜਾਂ ਪੇਸਟਰੀ ਦੀ ਥਾਂ ਤਾਜ਼ਾ ਫਲ ਖਾਓ। ਫਲਾਂ ਵਿਚ ਕੁਦਰਤੀ ਮਿਠਾਸ ਹੁੰਦੀ ਹੈ ਅਤੇ ਨਾਲ ਹੀ ਇਨ੍ਹਾਂ ਵਿਚ ਵਿਟਾਮਿਨ, ਮਿਨਰਲ ਅਤੇ ਫਾਈਬਰ ਵੀ ਭਰਪੂਰ ਮਾਤਰਾ ਵਿਚ ਹੁੰਦੇ ਹਨ, ਜੋ ਤੁਹਾਡੇ ਸਿਹਤ ਲਈ ਬਹੁਤ ਫਾਇਦੇਮੰਦ ਹਨ।
ਕਿਵੇਂ ਕਰੋ ਬਦਲਾਅ?
- ਮਿੱਠੇ ਸਨੈਕਸ ਦੀ ਥਾਂ ਇਕ ਕੇਲਾ, ਇਕ ਸੇਬ ਜਾਂ ਕੁਝ ਅੰਗੂਰ ਖਾਓ।
- ਆਪਣੀ ਸਮੂਦੀ ਵਿਚ ਮਿੱਠੇ ਦੀ ਥਾਂ ਖਜੂਰ ਜਾਂ ਥੋੜਾ ਸ਼ਹਿਦ ਪਾਓ।
- ਜੇਕਰ ਤੁਹਾਨੂੰ ਡੇਜ਼ਰਟ ਪਸੰਦ ਹਨ ਤਾਂ ਫਰੂਟ ਕਸਟਰਡ ਜਾਂ ਫਰੂਟ ਚਾਟ ਵਰਗੇ ਬਦਲ ਅਜ਼ਮਾਓ।
ਪ੍ਰੋਟੀਨ ਅਤੇ ਹੈਲਦੀ ਫੈਟ ਵੀ ਜ਼ਰੂਰੀ ਹਨ
ਫਾਈਬਰ ਦੇ ਨਾਲ-ਨਾਲ, ਆਪਣੀ ਖੁਰਾਕ ਵਿਚ ਪ੍ਰੋਟੀਨ ਅਤੇ ਹੈਲਦੀ ਫੈਟ ਨੂੰ ਵੀ ਸ਼ਾਮਲ ਕਰੋ। ਇਹ ਦੋਵੇਂ ਚੀਜ਼ਾਂ ਵੀ ਪੇਟ ਨੂੰ ਭਰਿਆ ਰੱਖਦੀਆਂ ਹਨ ਅਤੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਸਥਿਰ ਰੱਖਣ ਵਿਚ ਮਦਦ ਕਰਦੀਆਂ ਹਨ, ਜਿਸ ਨਾਲ ਅਚਾਨਕ ਮਿੱਠੇ ਦੀ ਤਲਬ ਨਹੀਂ ਉੱਠਦੀ।
ਕੀ ਖਾਓ?
- ਪ੍ਰੋਟੀਨ: ਅੰਡੇ, ਦਾਲਾਂ, ਪਨੀਰ, ਦਹੀਂ, ਚਿਕਨ, ਮੱਛੀ।
- ਹੈਲਦੀ ਫੈਟ: ਐਵੋਕਾਡੋ, ਨਟਸ, ਬੀਜ, ਜੈਤੂਨ ਦਾ ਤੇਲ।
ਭਰਪੂਰ ਪਾਣੀ ਪੀਓ
ਕਈ ਵਾਰੀ ਸਾਨੂੰ ਲੱਗਦਾ ਹੈ ਕਿ ਸਾਨੂੰ ਭੁੱਖ ਲੱਗੀ ਹੈ ਜਾਂ ਮਿੱਠਾ ਖਾਣ ਦਾ ਮਨ ਕਰ ਰਿਹਾ ਹੈ, ਜਦਕਿ ਅਸਲ ਵਿਚ ਅਸੀਂ ਪਿਆਸੇ ਹੁੰਦੇ ਹਾਂ। ਪਾਣੀ ਪੀਣ ਨਾਲ ਸਿਰਫ਼ ਸਰੀਰ ਹਾਈਡਰੇਟ ਰਹਿੰਦਾ ਹੈ, ਸਗੋਂ ਇਹ ਬੇਕਾਰ ਦੀਆਂ ਕਰੇਵਿੰਗ ਨੂੰ ਵੀ ਘਟਾਉਣ ਵਿਚ ਮਦਦ ਕਰਦਾ ਹੈ।
ਤਣਾਅ ਘਟਾਓ ਅਤੇ ਚੰਗੀ ਨੀਂਦ ਲਓ
ਤਣਾਅ ਅਤੇ ਨੀਂਦ ਦੀ ਕਮੀ ਵੀ ਮਿੱਠੇ ਦੀ ਤਲਬ ਨੂੰ ਵਧਾ ਸਕਦੀ ਹੈ। ਜਦੋਂ ਤੁਸੀਂ ਤਣਾਅ ਵਿਚ ਹੁੰਦੇ ਹੋ ਤਾਂ ਤੁਹਾਡਾ ਸਰੀਰ ਕੋਰਟਿਸੋਲ ਹਾਰਮੋਨ ਰਿਲੀਜ਼ ਕਰਦਾ ਹੈ, ਜਿਸ ਨਾਲ ਮਿੱਠਾ ਖਾਣ ਦੀ ਇੱਛਾ ਵਧ ਜਾਂਦੀ ਹੈ। ਇਸੇ ਤਰ੍ਹਾਂ, ਲੋੜੀਂਦੀ ਨੀਂਦ ਨਾ ਲੈਣ ਨਾਲ ਵੀ ਸਰੀਰ ਦੀ ਭੁੱਖ ਅਤੇ ਸੰਤੁਸ਼ਟੀ ਨੂੰ ਕੰਟਰੋਲ ਕਰਨ ਵਾਲੇ ਹਾਰਮੋਨ ਅਸੰਤੁਲਿਤ ਹੋ ਜਾਂਦੇ ਹਨ।
ਇਸ ਲਈ, ਤਣਾਅ ਘਟਾਉਣ ਲਈ ਯੋਗ, ਧਿਆਨ ਜਾਂ ਆਪਣੀ ਪਸੰਦ ਦੀ ਕੋਈ ਵੀ ਗਤੀਵਿਧੀ ਕਰੋ। ਇਸ ਤੋਂ ਇਲਾਵਾ, ਰੋਜ਼ਾਨਾ 7-8 ਘੰਟੇ ਦੀ ਨੀਂਦ ਲੈਣ ਦੀ ਕੋਸ਼ਿਸ਼ ਕਰੋ।
Disclaimer : ਲੇਖ ਵਿਚ ਦੱਸੀਆਂ ਗਈਆਂ ਸਲਾਹਾਂ ਅਤੇ ਸੁਝਾਅ ਸਿਰਫ਼ ਆਮ ਜਾਣਕਾਰੀ ਦੇ ਟੀਚੇ ਲਈ ਹਨ ਅਤੇ ਇਨ੍ਹਾਂ ਨੂੰ ਪੇਸ਼ੇਵਰ ਡਾਕਟਰੀ ਸਲਾਹ ਵਜੋਂ ਨਹੀਂ ਲਿਆ ਜਾਣਾ ਚਾਹੀਦਾ। ਜੇਕਰ ਤੁਹਾਡੇ ਕੋਲ ਕੋਈ ਵੀ ਸਵਾਲ ਜਾਂ ਸਮੱਸਿਆ ਹੋਵੇ ਤਾਂ ਹਮੇਸ਼ਾ ਆਪਣੇ ਡਾਕਟਰ ਨਾਲ ਸਲਾਹ ਕਰੋ।