ਸੋਸ਼ਲ ਮੀਡੀਆ ਦੀ ਲਤ: ਲਾਈਕ ਤੇ ਕੁਮੈਂਟ ਨਾਲ ਦਿਮਾਗ 'ਚ ਵਧਦਾ ਹੈ 'ਡੋਪਾਮਿਨ', ਅੱਲ੍ਹੜ ਉਮਰ ਦੇ ਬੱਚਿਆਂ ਲਈ ਬਣ ਰਿਹਾ ਵੱਡਾ ਖ਼ਤਰਾ

ਟੋਰਾਂਟੋ, ਦਿ ਕਨਵਰਸੇਸ਼ਨ : ਲਾਸ ਏਂਜਲਸ ਦੀ ਇਕ ਅਦਾਲਤ ਨੇ ਹਾਲ ਹੀ ਵਿਚ ਫ਼ੈਸਲਾ ਦਿੱਤਾ ਹੈ ਕਿ ਇੰਟਰਨੈੱਟ ਮੀਡੀਆ ਕੰਪਨੀ ਮੈਟਾ ਤੇ ਵੀਡੀਓ ਪਲੇਟਫਾਰਮ ਯੂਟਿਊਬ ਦੇ ਅਜਿਹੇ ਡਿਜ਼ਾਈਨ ਫੀਚਰਜ਼ ਨੇ ਇਕ ਅੱਲ੍ਹੜ ਯੂਜ਼ਰ ਨੂੰ ਨੁਕਸਾਨ ਪਹੁੰਚਾਇਆ, ਜੋ ਲਤ ਲੱਗਣ ਵਾਲੇ ਸਾਬਿਤ ਹੋਏ। ਅਦਾਲਤ ਅਨੁਸਾਰ, ਇਸ ਨਾਲ ਸਰੀਰ ਨੂੰ ਲੈ ਕੇ ਬੇਸਬਰੀ, ਤਣਾਅ ਤੇ ਆਤਮਹੱਤਿਆ ਵਰਗੇ ਵਿਚਾਰ ਪੈਦਾ ਹੋਏ। ਮਾਹਿਰ ਇਸ ਨੂੰ ਇੰਟਰਨੈੱਟ ਮੀਡੀਆ ਦਾ ਬਿਗ ਟੋਬੈਕੋ ਮੋਮੈਂਟ ਮੰਨ ਰਹੇ ਹਨ ਕਿਉਂਕਿ ਬੱਚਿਆਂ ਤੇ ਅੱਲ੍ਹੜਾਂ ਦਾ ਮਾਸੂਮ ਮਨ ਤੇਜ਼ੀ ਨਾਲ ਇਸਦੇ ਪ੍ਰਭਾਵ ’ਚ ਆ ਰਿਹਾ ਹੈ।

ਇਸ ਫ਼ੈਸਲੇ ਤੋਂ ਬਾਅਦ ਇੰਟਰਨੈੱਟ ਮੀਡੀਆ ਪਲੇਟਫਾਰਮ ’ਤੇ ਸਖ਼ਤ ਨਿਯਮ ਬਣਾਉਣ ਦੀ ਮੰਗ ਤੇਜ਼ ਹੋ ਗਈ ਹੈ। ਆਸਟ੍ਰੇਲੀਆ, ਫਰਾਂਸ ਤੇ ਸਪੇਨ ਵਰਗੇ ਦੇਸ਼ਾਂ ਨੇ ਬੱਚਿਆਂ ਲਈ ਉਮਰ ਹੱਦ ਤੈਅ ਕਰ ਦਿੱਤੀ ਹੈ, ਜਦਕਿ ਕੈਨੇਡਾ ’ਚ ਹਾਲੇ ਅਜਿਹੇ ਕਾਨੂੰਨ ਨਹੀਂ ਹਨ। ਨਿਊਰੋਸਾਇੰਸ ਦੇ ਵਿਗਿਆਨੀਆਂ ਨੇ ਇਸ ਬੁਝਾਰਤ ਨੂੰ ਸੁਲਝਾਉਣ ਦੀ ਕੋਸ਼ਿਸ਼ ਕੀਤੀ ਕਿ ਬੱਚਿਆਂ ਦੇ ਇੰਟਰਨੈੱਟ ਮੀਡੀਆ ਦਾ ਆਦੀ ਬਣਨ ਦਾ ਖ਼ਤਰਾ ਜ਼ਿਆਦਾ ਕਿਉਂ ਹੈ।