‘ਉਸ ਰਾਤ ਮੈਂ ਆਪਣੇ ਲਈ ਮੌਤ ਮੰਗੀ...’, 8 ਸਾਲ ਪਹਿਲਾਂ ਬਦਤਰ ਹੋਈ ਸੀ ਹਨੀ ਸਿੰਘ ਦੀ ਹਾਲਤ, ਮਾਂ 24 ਘੰਟੇ ਸੁਣਾਉਂਦੀ ਸੀ ਆਰਤੀ
ਰੈਪਰ ਹਨੀ ਸਿੰਘ ਨੇ ਆਪਣੇ ਕਰੀਅਰ ਵਿੱਚ ਕਈ ਸੁਪਰਹਿੱਟ ਗੀਤ ਦਿੱਤੇ ਹਨ। 2014 ਵਿੱਚ ਇੱਕ ਅਜਿਹਾ ਦੌਰ ਆਇਆ ਸੀ, ਜਦੋਂ ਫ਼ਿਲਮਾਂ ਅਤੇ ਸਿੰਗਲ ਗੀਤ ਵੀ 'ਯੋ-ਯੋ' ਦੇ ਰੈਪ ਤੋਂ ਬਿਨਾਂ ਅਧੂਰੇ ਜਿਹੇ ਲੱਗਦੇ ਸਨ। ਉਨ੍ਹਾਂ ਦੀ ਚਾਰਟਬਸਟਰ ਲਿਸਟ ਵਿੱਚ 'ਸਨੀ-ਸਨੀ', 'ਆਤਾ ਮਾਝੀ ਸਟਕਲੀ', 'ਮਨਾਲੀ ਟ੍ਰਾਂਸ', 'ਚਾਰ ਬੋਤਲ' ਸਮੇਤ ਕਈ ਗੀਤ ਸ਼ਾਮਲ ਹਨ। ਹਾਲਾਂਕਿ, ਕੁਝ ਸਾਲਾਂ ਬਾਅਦ ਹੀ ਹਨੀ ਸਿੰਘ ਇੰਡਸਟਰੀ ਤੋਂ ਗਾਇਬ ਹੋ ਗਏ ਸਨ।
Posted By Anuradha Bains
Publish Date: Thu, 28 May 2026 01:13 PM (IST)
Updated Date: Thu, 28 May 2026 01:18 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਰੈਪਰ ਹਨੀ ਸਿੰਘ ਨੇ ਆਪਣੇ ਕਰੀਅਰ ਵਿੱਚ ਕਈ ਸੁਪਰਹਿੱਟ ਗੀਤ ਦਿੱਤੇ ਹਨ। 2014 ਵਿੱਚ ਇੱਕ ਅਜਿਹਾ ਦੌਰ ਆਇਆ ਸੀ, ਜਦੋਂ ਫ਼ਿਲਮਾਂ ਅਤੇ ਸਿੰਗਲ ਗੀਤ ਵੀ 'ਯੋ-ਯੋ' ਦੇ ਰੈਪ ਤੋਂ ਬਿਨਾਂ ਅਧੂਰੇ ਜਿਹੇ ਲੱਗਦੇ ਸਨ। ਉਨ੍ਹਾਂ ਦੀ ਚਾਰਟਬਸਟਰ ਲਿਸਟ ਵਿੱਚ 'ਸਨੀ-ਸਨੀ', 'ਆਤਾ ਮਾਝੀ ਸਟਕਲੀ', 'ਮਨਾਲੀ ਟ੍ਰਾਂਸ', 'ਚਾਰ ਬੋਤਲ' ਸਮੇਤ ਕਈ ਗੀਤ ਸ਼ਾਮਲ ਹਨ। ਹਾਲਾਂਕਿ, ਕੁਝ ਸਾਲਾਂ ਬਾਅਦ ਹੀ ਹਨੀ ਸਿੰਘ ਇੰਡਸਟਰੀ ਤੋਂ ਗਾਇਬ ਹੋ ਗਏ ਸਨ।
ਹਨੀ ਸਿੰਘ ਜਦੋਂ ਕਈ ਸਾਲਾਂ ਬਾਅਦ ਲਾਈਮਲਾਈਟ ਵਿੱਚ ਆਏ ਤਾਂ ਸਭ ਉਨ੍ਹਾਂ ਨੂੰ ਦੇਖ ਕੇ ਹੈਰਾਨ ਰਹਿ ਗਏ। ਉਨ੍ਹਾਂ ਨੇ ਦੱਸਿਆ ਸੀ ਕਿ ਉਹ 'ਬਾਈਪੋਲਰ ਡਿਸਆਰਡਰ' (ਮਾਨਸਿਕ ਬੀਮਾਰੀ) ਨਾਲ ਜੂਝ ਰਹੇ ਸਨ। ਹੁਣ ਹਾਲ ਹੀ ਵਿੱਚ ਹਨੀ ਸਿੰਘ ਨੇ ਉਸ ਸਮੇਂ ਦੇ ਆਪਣੇ ਅਜਿਹੇ ਹਾਲਾਤ ਬਾਰੇ ਦੱਸਿਆ ਹੈ, ਜਿਸ ਬਾਰੇ ਸ਼ਾਇਦ ਉਨ੍ਹਾਂ ਦੇ ਚਾਹੁਣ ਵਾਲਿਆਂ ਨੇ ਕਦੇ ਸੁਣਿਆ ਵੀ ਨਹੀਂ ਹੋਵੇਗਾ।
'ਮੈਂ ਆਪਣੇ ਕਮਰੇ ਵਿੱਚ ਖ਼ੁਦ ਨੂੰ ਬੰਦ ਰੱਖਦਾ ਸੀ'
ਏਬੀਟਾਕਸ ਪੋਡਕਾਸਟ ਵਿੱਚ ਗੱਲਬਾਤ ਕਰਦਿਆਂ ਹਨੀ ਸਿੰਘ ਨੇ ਕਿਹਾ, "ਮੈਂ ਯੋ-ਯੋ ਹਨੀ ਸਿੰਘ ਸੀ, ਉਸ ਸਮੇਂ ਦਾ ਸਭ ਤੋਂ ਵੱਡਾ ਸੁਪਰਸਟਾਰ, ਪਰ ਇੱਕ ਅਜਿਹਾ ਸਮਾਂ ਆ ਗਿਆ, ਜਦੋਂ ਮੇਰੇ ਵਿੱਚ ਬਾਈਪੋਲਰ ਡਿਸਆਰਡਰ ਦੇ ਲੱਛਣ ਦਿਖਣ ਲੱਗੇ।
ਜੇਕਰ ਮੈਂ 10 ਸਾਲ ਪਹਿਲਾਂ ਦੀ ਗੱਲ ਕਰਾਂ ਤਾਂ, ਮੈਂ ਖ਼ੁਦ ਨੂੰ ਕਮਰੇ ਵਿੱਚ ਬੰਦ ਰੱਖਦਾ ਸੀ, ਕਿਸੇ ਨਾਲ ਗੱਲ ਨਹੀਂ ਕਰਦਾ ਸੀ, ਮਿਲਦਾ ਨਹੀਂ ਸੀ। ਇੰਟਰਨੈੱਟ ਤੋਂ ਦੂਰ ਰਹਿੰਦਾ ਸੀ, ਨਾ ਰੇਡੀਓ ਸੁਣਦਾ ਸੀ, ਨਾ ਟੈਲੀਵਿਜ਼ਨ ਦੇਖਦਾ ਸੀ ਅਤੇ ਮੀਡੀਆ ਤੋਂ ਖ਼ੁਦ ਨੂੰ ਕੋਹਾਂ ਦੂਰ ਰੱਖਦਾ ਸੀ। ਮੈਂ ਗੱਲ ਤੱਕ ਨਹੀਂ ਕਰਦਾ ਸੀ।" ![naidunia_image]()
.jpg)
"ਇਹ ਮੇਰੇ 'ਤੇ ਹਾਵੀ ਹੋ ਰਿਹਾ ਸੀ, ਮੈਨੂੰ ਕੰਟਰੋਲ ਕਰ ਰਿਹਾ ਸੀ। ਬਾਈਪੋਲਰ ਡਿਸਆਰਡਰ ਅਜਿਹੀ ਬੀਮਾਰੀ ਹੈ, ਜਿਸ ਨੂੰ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕੀਤਾ ਜਾ ਸਕਦਾ। ਇਸ ਬੀਮਾਰੀ ਦੀ ਸ਼ੁਰੂਆਤ ਤੁਹਾਨੂੰ ਹਰ ਚੀਜ਼ 'ਤੇ ਸ਼ੱਕ ਹੋਣ ਨਾਲ ਹੁੰਦੀ ਹੈ, ਮੌਤ ਤੋਂ ਡਰ ਲੱਗਦਾ ਹੈ ਅਤੇ ਲੋਕਾਂ ਤੋਂ ਤੁਸੀਂ ਡਰਨ ਲੱਗਦੇ ਹੋ।"
'ਮੈਂ ਰੱਬ ਕੋਲੋਂ ਆਪਣੇ ਲਈ ਮੌਤ ਮੰਗੀ ਸੀ'
ਹਨੀ ਸਿੰਘ ਨੇ ਆਪਣੇ ਮੁਸ਼ਕਲ ਦੌਰ ਬਾਰੇ ਗੱਲ ਕਰਦਿਆਂ ਕਿਹਾ, "ਮੈਂ ਸਮਝਦਾ ਸੀ ਕਿ ਮੈਂ ਉਹ ਇਨਸਾਨ ਹਾਂ, ਜਿਸ ਨੇ ਯੋ-ਯੋ ਹਨੀ ਸਿੰਘ ਨੂੰ ਬਣਾਇਆ ਹੈ। ਮੈਂ ਹਾਂ ਜਿਸ ਨੇ ਸਭ ਕੁਝ ਕੀਤਾ ਹੈ। ਮੈਨੂੰ ਅਜੇ ਵੀ ਯਾਦ ਹੈ, ਜਦੋਂ ਮੈਂ ਬਦਲਿਆ ਸੀ, ਉਹ ਰਾਤ ਜਿਸ ਨੇ ਮੈਨੂੰ ਬਦਲ ਕੇ ਰੱਖ ਦਿੱਤਾ ਸੀ। ਜ਼ਿੰਦਗੀ ਵਿੱਚ ਇੱਕ ਅਜਿਹਾ ਸਮਾਂ ਆਇਆ ਜਦੋਂ ਮੈਂ ਪਰਮਾਤਮਾ ਕੋਲੋਂ ਉਨ੍ਹਾਂ ਦਾ ਨਿਰਾਦਰ ਕਰਨ ਲਈ ਮਾਫ਼ੀ ਮੰਗੀ।
ਉਨ੍ਹਾਂ 'ਤੇ ਵਿਸ਼ਵਾਸ ਨਾ ਰੱਖਣ ਲਈ ਮਾਫ਼ੀ ਮੰਗੀ। ਮੈਂ ਕਿਹਾ ਕਿ ਤੁਸੀਂ ਜੋ ਵੀ ਹੋ, ਜਿਹੋ ਜਿਹੇ ਵੀ ਦਿਖਦੇ ਹੋ, ਮੈਂ ਤੁਹਾਡਾ ਹਮੇਸ਼ਾ ਸਤਿਕਾਰ ਕਰਾਂਗਾ, ਪਰ ਮੈਨੂੰ ਤੁਹਾਡੇ ਕੋਲੋਂ ਬੱਸ ਇੱਕ ਚੀਜ਼ ਚਾਹੀਦੀ ਹੈ... ਉਹ ਹੈ ਮੌਤ... ਮੇਰੇ ਅੰਦਰ ਜੋ ਕੁਝ ਵੀ ਚੱਲ ਰਿਹਾ ਸੀ ਮੈਂ ਉਸ ਨੂੰ ਕੰਟਰੋਲ ਨਹੀਂ ਕਰ ਪਾ ਰਿਹਾ ਸੀ। ਖ਼ੁਦ ਤੋਂ ਥੱਕ ਚੁੱਕਾ ਸੀ। ਉਸ ਰਾਤ ਮੈਂ ਰੱਬ ਕੋਲੋਂ ਸਿਰਫ਼ ਮੌਤ ਮੰਗੀ।"
ਹਨੀ ਸਿੰਘ ਨੇ ਇਸ ਗੱਲਬਾਤ ਵਿੱਚ ਇਹ ਵੀ ਦੱਸਿਆ ਕਿ ਜਦੋਂ ਉਹ ਇਸ ਬੀਮਾਰੀ ਵਿੱਚੋਂ ਲੰਘ ਰਹੇ ਸਨ, ਤਾਂ ਉਨ੍ਹਾਂ ਦਾ ਪਰਿਵਾਰ ਉਨ੍ਹਾਂ ਨੂੰ ਠੀਕ ਕਰਨ ਦੀ ਹਰ ਕੋਸ਼ਿਸ਼ ਕਰ ਰਿਹਾ ਸੀ। ਉਨ੍ਹਾਂ ਦੀ ਰੱਬ ਵਿੱਚ ਆਸਥਾ ਵਧਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਉਨ੍ਹਾਂ ਦੀ ਮਾਂ 24 ਘੰਟੇ ਘਰ ਵਿੱਚ ਆਰਤੀ ਵਜਾ ਕੇ ਉਨ੍ਹਾਂ ਨੂੰ ਸੁਣਾਇਆ ਕਰਦੀ ਸੀ, ਇਹ ਸੋਚ ਕੇ ਸ਼ਾਇਦ ਉਨ੍ਹਾਂ ਦੇ ਪੁੱਤਰ ਨੂੰ ਥੋੜ੍ਹੀ ਰਾਹਤ ਮਿਲੇ, ਪਰ ਕੁਝ ਵੀ ਸਹੀ ਨਹੀਂ ਹੋ ਰਿਹਾ ਸੀ।
ਨਵੇਂ ਡਾਕਟਰ ਨੇ ਦਿੱਤੀ ਹਨੀ ਸਿੰਘ ਨੂੰ ਜਿਉਣ ਦੀ ਉਮੀਦ
ਸਾਲ 2022 ਵਿੱਚ ਹਨੀ ਸਿੰਘ ਨੂੰ 2019 ਦੀ ਉਸ ਰਾਤ ਬਾਰੇ ਸਮਝ ਆਇਆ, ਜਦੋਂ ਉਨ੍ਹਾਂ ਨੇ ਰੱਬ ਦੇ ਸਾਹਮਣੇ ਆਤਮ-ਸਮਰਪਣ ਕਰ ਦਿੱਤਾ ਸੀ। ਰੈਪਰ ਨੇ ਕਿਹਾ, "ਮੈਂ ਉਮੀਦ ਖੋ ਚੁੱਕਾ ਸੀ, ਤਾਂ ਮੈਂ ਇਹੀ ਸੋਚਦਾ ਸੀ ਕਿ ਮੈਂ ਠੀਕ ਕਿਵੇਂ ਹੋ ਰਿਹਾ ਹਾਂ। ਮੈਂ ਨਵਾਂ ਡਾਕਟਰ ਕੀਤਾ, ਉਸ ਨੇ ਮੇਰੀਆਂ ਦਵਾਈਆਂ ਬਦਲੀਆਂ। ਉਦੋਂ ਤੋਂ ਲੈ ਕੇ ਹੁਣ ਤੱਕ ਉਹ ਮੇਰੀ ਜ਼ਿੰਦਗੀ ਵਿੱਚ ਸੱਚਮੁੱਚ ਇੱਕ ਫ਼ਰਿਸ਼ਤੇ ਵਾਂਗ ਹੈ।" ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਦੇ ਡਾਕਟਰ ਹੀ ਸਨ, ਜਿਨ੍ਹਾਂ ਨੇ ਉਨ੍ਹਾਂ ਨੂੰ ਇਸ ਗੱਲ ਲਈ ਮਜਬੂਰ ਕੀਤਾ ਕਿ ਉਹ ਆਪਣੇ ਅਤੀਤ ਵਿੱਚ ਬਿਤਾਏ ਪਲਾਂ ਬਾਰੇ ਖੁੱਲ੍ਹ ਕੇ ਗੱਲ ਕਰਨ।
ਸ਼ਾਹਰੁਖ-ਅਕਸ਼ੇ ਨੇ ਦਿੱਤੀ ਸੀ ਹਨੀ ਸਿੰਘ ਨੂੰ ਵਾਰਨਿੰਗ
ਹਨੀ ਸਿੰਘ ਨੇ ਖ਼ੁਦ ਇੱਕ ਇੰਟਰਵਿਊ ਵਿੱਚ ਇਹ ਖ਼ੁਲਾਸਾ ਕੀਤਾ ਸੀ ਕਿ ਜਦੋਂ ਉਹ ਨਸ਼ਿਆਂ ਦਾ ਬਹੁਤ ਜ਼ਿਆਦਾ ਸੇਵਨ ਕਰਦੇ ਸਨ, ਤਾਂ ਸ਼ਾਹਰੁਖ ਖ਼ਾਨ ਅਤੇ ਅਕਸ਼ੇ ਕੁਮਾਰ ਨੇ ਉਨ੍ਹਾਂ ਨੂੰ ਇਸ ਦੇ ਖ਼ਿਲਾਫ਼ ਵਾਰਨਿੰਗ ਦਿੱਤੀ ਸੀ। ਉਨ੍ਹਾਂ ਨੇ ਫ਼ਿਕਰ ਜ਼ਾਹਰ ਕਰਦਿਆਂ ਇਹ ਕਿਹਾ ਸੀ ਕਿ ਇਹ ਲਤ ਉਨ੍ਹਾਂ ਨੂੰ ਪੂਰੀ ਤਰ੍ਹਾਂ ਬਰਬਾਦ ਕਰ ਸਕਦੀ ਹੈ।