Splitsvilla X6 ਦੇ ਜੇਤੂ: ਕੁਸ਼ਲ ਤੰਵਰ ਤੇ ਕਾਇਰਾ ਅਨੂ ਨੇ ਜਿੱਤੀ 'ਪਿਆਰ ਜਾਂ ਪੈਸੇ' ਦੀ ਜੰਗ, ਟਰਾਫ਼ੀ ਨਾਲ ਮਿਲੇ ਲੱਖਾਂ ਰੁਪਏ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ: MTV Splitsvilla X6 ਸ਼ਨੀਵਾਰ, 16 ਮਈ ਨੂੰ ਖ਼ਤਮ ਹੋ ਗਿਆ, ਜਿਸ ਵਿੱਚ ਗੁੱਲੂ (ਉਰਫ਼ ਕੁਸ਼ਲ ਤੰਵਰ) ਅਤੇ ਕਾਇਰਾ ਅਨੂ ਜੇਤੂ ਜੋੜੀ ਬਣ ਕੇ ਉੱਭਰੇ। ਸੰਨੀ ਲਿਓਨੀ ਅਤੇ ਕਰਨ ਕੁੰਦਰਾ ਵੱਲੋਂ ਹੋਸਟ ਕੀਤੇ ਗਏ ਇਸ ਰਿਐਲਿਟੀ ਸ਼ੋਅ ਦੇ ਇਸ ਸੀਜ਼ਨ ਦਾ ਥੀਮ 'ਪਿਆਰ ਜਾਂ ਪੈਸਾ' ਸੀ।

ਪਹਿਲੀ ਵਾਰ ਦਰਸ਼ਕਾਂ ਨੇ ਚੁਣੇ ਸੀ ਫਾਈਨਲਿਸਟ

ਕੁਸ਼ਲ ਤੰਵਰ ਉਰਫ਼ ਗੁੱਲੂ (Gullu) ਅਤੇ ਕਾਇਰਾ (Kaira) ਨੇ ਗ੍ਰੈਂਡ ਫਿਨਾਲੇ ਵਿੱਚ ਤਿੰਨ ਹੋਰ ਫਾਈਨਲਿਸਟ ਜੋੜੀਆਂ ਨਾਲ ਮੁਕਾਬਲਾ ਕਰਨ ਤੋਂ ਬਾਅਦ ਟਰਾਫ਼ੀ ਅਤੇ 20 ਲੱਖ ਰੁਪਏ ਦਾ ਨਕਦ ਇਨਾਮ ਜਿੱਤਿਆ। ਜੇਤੂਆਂ ਦਾ ਫੈਸਲਾ ਫਿਨਾਲੇ ਟਾਸਕ ਅਤੇ ਦਰਸ਼ਕਾਂ ਦੀਆਂ ਵੋਟਾਂ ਦੇ ਆਧਾਰ 'ਤੇ ਕੀਤਾ ਗਿਆ; Splitsvilla ਦੇ ਇਤਿਹਾਸ ਵਿੱਚ ਇਹ ਪਹਿਲੀ ਵਾਰ ਸੀ ਜਦੋਂ ਦਰਸ਼ਕਾਂ ਨੂੰ ਫਾਈਨਲਿਸਟਾਂ ਲਈ ਵੋਟ ਕਰਨ ਵਾਸਤੇ ਕਿਹਾ ਗਿਆ ਸੀ।

ਇਸ ਸੀਜ਼ਨ ਦੇ ਚਾਰ ਫਾਈਨਲਿਸਟ ਕਪਲਸ (ਜੋੜਿਆਂ) ਵਿੱਚ ਗੁੱਲੂ ਅਤੇ ਕਾਇਰਾ, ਯੋਗੇਸ਼ ਰਾਵਤ ਅਤੇ ਰੁਰੂ ਠਾਕੁਰ, ਸੋਰਭ ਬੇਦੀ ਅਤੇ ਨਿਹਾਰਿਕਾ ਤਿਵਾਰੀ ਅਤੇ ਨਾਲ ਹੀ ਸੌਂਦਰਿਆ ਸ਼ੈੱਟੀ ਅਤੇ ਟੇਅਨ ਡੀ ਵਿਲੀਅਰਜ਼ ਸ਼ਾਮਲ ਸਨ।

ਦਰਸ਼ਕਾਂ ਨੇ ਕੀਤਾ ਗੁੱਲੂ ਤੇ ਕਾਇਰਾ ਦਾ ਸਪੋਰਟ

ਚਾਰ ਮਹੀਨਿਆਂ ਦੇ ਦੌਰਾਨ ਗੁੱਲੂ ਅਤੇ ਕਾਇਰਾ ਸ਼ੋਅ ਦੇ ਸਭ ਤੋਂ ਮਜ਼ਬੂਤ ਜੋੜਿਆਂ ਵਿੱਚੋਂ ਇੱਕ ਬਣ ਕੇ ਉੱਭਰੇ। ਮੁਕਾਬਲੇ ਦੇ ਦੌਰਾਨ ਉਨ੍ਹਾਂ ਦੇ ਸਫ਼ਰ ਵਿੱਚ ਕਈ ਚੁਣੌਤੀਆਂ, ਵਿਲਾ ਦੇ ਅੰਦਰ ਬਦਲਦੇ ਸਮੀਕਰਨ ਅਤੇ ਇਮੋਸ਼ਨਲ (ਭਾਵੁਕ) ਟਕਰਾਅ ਸ਼ਾਮਲ ਸਨ, ਜਿਸ ਨੇ ਉਨ੍ਹਾਂ ਨੂੰ ਦਰਸ਼ਕਾਂ ਵਿੱਚ ਮਜ਼ਬੂਤ ਸਪੋਰਟ (ਸਮਰਥਨ) ਹਾਸਲ ਕਰਨ ਵਿੱਚ ਮਦਦ ਕੀਤੀ।

ਫਾਈਨਲ 'ਚ ਮਿਲਿਆ ਸਖ਼ਤ ਮੁਕਾਬਲਾ

ਇਸ ਜੋੜੀ ਨੇ Mischief Makers ਨੀਆ ਸ਼ਰਮਾ ਅਤੇ ਉਰਫ਼ੀ ਜਾਵੇਦ ਵੱਲੋਂ ਡਿਜ਼ਾਈਨ ਕੀਤੇ ਗਏ ਟਾਸਕਾਂ ਰਾਹੀਂ ਵੀ ਖ਼ੁਦ ਨੂੰ ਸਾਬਤ ਕੀਤਾ। ਫਿਨਾਲੇ ਵਿੱਚ, ਉਨ੍ਹਾਂ ਨੇ ਯੋਗੇਸ਼ ਰਾਵਤ ਅਤੇ ਰੁਰੂ ਠਾਕੁਰ ਦੇ ਖ਼ਿਲਾਫ਼ ਮੁਕਾਬਲਾ ਕੀਤਾ ਅਤੇ ਆਖ਼ਰਕਾਰ ਖ਼ਿਤਾਬ ਆਪਣੇ ਨਾਮ ਕਰ ਲਿਆ। ਟਰਾਫ਼ੀ ਦੇ ਨਾਲ-ਨਾਲ ਇਸ ਜੋੜੀ ਨੇ 20 ਲੱਖ ਰੁਪਏ ਦੀ ਪ੍ਰਾਈਜ਼ ਮਨੀ ਵੀ ਜਿੱਤੀ ਹੈ।

Splitsvilla X6 ਦਾ ਗ੍ਰੈਂਡ ਫਿਨਾਲੇ 16 ਮਈ ਨੂੰ ਸ਼ਾਮ 7 ਵਜੇ MTV India 'ਤੇ ਪ੍ਰਸਾਰਿਤ ਹੋਇਆ। ਇਹ ਐਪੀਸੋਡ JioHotstar 'ਤੇ ਸਟ੍ਰੀਮਿੰਗ ਲਈ ਵੀ ਉਪਲਬਧ ਹੈ।