ਆਰਐੱਸਐੱਸ ਦੇ 100 ਸਾਲਾਂ ’ਤੇ ਬਣੀ ਫਿਲਮ ‘ਸ਼ਤਕ’ ਮੱਧ ਪ੍ਰਦੇਸ਼ ’ਚ ਟੈਕਸ ਮੁਕਤ, CM ਮੋਹਨ ਯਾਦਵ ਨੇ ਕੀਤਾ ਵੱਡਾ ਐਲਾਨ

ਸਟੇਟ ਬਿਊਰੋ, ਨਈ ਦੁਨੀਆ, ਭੋਪਾਲ : ਰਾਸ਼ਟਰੀ ਸਵੈਸੇਵਕ ਸੰਘ (ਆਰਐੱਸਐੱਸ) ਦੇ 100 ਸਾਲਾਂ ਦੀ ਯਾਤਰਾ ’ਤੇ ਬਣੀ ਫਿਲਮ ‘ਸ਼ਤਕ’ ਨੂੰ ਮੱਧ ਪ੍ਰਦੇਸ਼ ਸਰਕਾਰ ਨੇ ਟੈਕਸ ਮੁਕਤ ਕਰ ਦਿੱਤਾ ਹੈ। ਇਹ ਸਹੂਲਤ 3 ਮਾਰਚ ਤੋਂ 1 ਅਪ੍ਰੈਲ 2026 ਤੱਕ ਲਾਗੂ ਰਹੇਗੀ।

ਇਸ ਤਹਿਤ ਸਿਨੇਮਾਘਰਾਂ ਅਤੇ ਮਲਟੀਪਲੈਕਸਾਂ ਵੱਲੋਂ ਰਾਜ ਮਾਲ ਅਤੇ ਸੇਵਾ ਕਰ ਦੀ ਰਕਮ ਘਟਾ ਕੇ ਟਿਕਟਾਂ ਵੇਚੀਆਂ ਜਾਣਗੀਆਂ। ਇਸ ਦੀ ਭਰਪਾਈ ਸਰਕਾਰ ਸੂਬੇ ਦੇ ਖਜ਼ਾਨੇ ’ਚੋਂ ਕਰੇਗੀ। ਫਿਲਮ ਨੂੰ ਟੈਕਸ ਮੁਕਤ ਕਰਨ ਦੇ ਫੈਸਲੇ ਦੀ ਜਾਣਕਾਰੀ ਮੁੱਖ ਮੰਤਰੀ ਡਾ. ਮੋਹਨ ਯਾਦਵ ਨੇ ਆਪਣੇ ਐਕਸ ਹੈਂਡਲ ’ਤੇ ਪੋਸਟ ਕਰ ਕੇ ਦਿੱਤੀ।

ਉਨ੍ਹਾਂ ਲਿਖਿਆ ਕਿ ਹਿੰਦੀ ਫਿਲਮ ‘ਸ਼ਤਕ’ ਰਾਸ਼ਟਰ ਸੇਵਾ ਅਤੇ ਸੰਸਕਾਰਾਂ ਦੀ ਉਸ ਰਵਾਇਤ ਨੂੰ ਮਜ਼ਬੂਤ ਰੂਪ ਵਿਚ ਪੇਸ਼ ਕਰਦੀ ਹੈ, ਜਿਸ ਨੂੰ ਆਰਐੱਸਐੱਸ ਨੇ ਦਹਾਕਿਆਂ ਤੋਂ ਜਿਊਂਦਾ ਰੱਖਿਆ ਹੈ। ਇਹ ਫਿਲਮ ਸੰਗਠਿਤ ਵਿਚਾਰ, ਚਰਿੱਤਰ ਅਤੇ ਸੇਵਾ ਭਾਵਨਾ ਨਾਲ ਹੀ ਇਕ ਮਜ਼ਬੂਤ ਤੇ ਆਤਮ-ਨਿਰਭਰ ਭਾਰਤ ਦਾ ਨਿਰਮਾਣ ਸੰਭਵ ਹੋਣ ਦਾ ਸੁਨੇਹਾ ਦਿੰਦੀ ਹੈ।