Jeffrey Epstein 'ਤੇ ਬਣੀ ਸੀਰੀਜ਼ OTT 'ਤੇ ਕਰ ਰਹੀ ਹੈ ਟ੍ਰੈਂਡ, ਨਾਬਾਲਗ ਬੱਚੀਆਂ ਨਾਲ ਸ਼ੋਸ਼ਣ ਦੀ ਕਹਾਣੀ ਕੰਬਾ ਦੇਵੇਗੀ ਤੁਹਾਡੀ ਰੂਹ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਜਿਨਸੀ ਅਪਰਾਧੀ ਜੈਫਰੀ ਐਪਸਟੀਨ (Jeffrey Epstein) ਦੇ ਕਾਲੇ ਕਾਰਨਾਮਿਆਂ ਦਾ ਸਬੂਤ 'ਐਪਸਟੀਨ ਫਾਈਲਜ਼' (Epstein Files) ਰਿਲੀਜ਼ ਹੋਣ ਦੇ ਨਾਲ ਹੀ ਦੁਨੀਆ ਭਰ ਵਿਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।

30 ਲੱਖ ਪੰਨੇ, ਹਜ਼ਾਰਾਂ ਤਸਵੀਰਾਂ ਤੇ ਵੀਡੀਓਜ਼ ਦੇ ਨਾਲ ਜਾਰੀ ਹੋਈਆਂ ਐਪਸਟੀਨ ਫਾਈਲਾਂ 'ਚ ਅਜਿਹੇ ਸੱਚ ਸਾਹਮਣੇ ਆਏ ਹਨ, ਜਿਨ੍ਹਾਂ ਨੇ ਹਰ ਕਿਸੇ ਦੇ ਰੌਂਗਟੇ ਖੜ੍ਹੇ ਕਰ ਦਿੱਤੇ ਹਨ। ਹਾਲਾਂਕਿ, ਜੈਫਰੀ ਦੇ ਕਾਲੇ ਕਾਰਨਾਮਿਆਂ ਦੀ ਝਲਕ ਐਪਸਟੀਨ ਫਾਈਲਾਂ ਤੋਂ ਪਹਿਲਾਂ ਹੀ ਇਕ ਵੈੱਬ ਸੀਰੀਜ਼ ਰਾਹੀਂ ਦੁਨੀਆ ਨੂੰ ਦਿਖਾ ਦਿੱਤੀ ਗਈ ਸੀ।

6 ਸਾਲ ਪਹਿਲਾਂ ਆਈ ਸੀ ਜੈਫਰੀ 'ਤੇ ਬਣੀ ਸੀਰੀਜ਼

ਜੀ ਹਾਂ, ਸਾਲ 2020 ਵਿੱਚ ਹੀ ਇਕ ਵੈੱਬ ਸੀਰੀਜ਼ ਰਾਹੀਂ ਜੈਫਰੀ ਐਪਸਟੀਨ ਦੇ ਕਾਲੇ ਕਾਰਨਾਮਿਆਂ ਦਾ ਰਾਜ਼ ਦੁਨੀਆ ਦੇ ਸਾਹਮਣੇ ਖੋਲ੍ਹ ਦਿੱਤਾ ਗਿਆ ਸੀ। ਭਾਵੇਂ 6 ਸਾਲ ਪਹਿਲਾਂ ਇਹ ਸੀਰੀਜ਼ ਓਨੀ ਚਰਚਾ ਵਿਚ ਨਹੀਂ ਸੀ ਰਹੀ, ਪਰ ਇਸ ਵੇਲੇ ਇਹ ਸੀਰੀਜ਼ ਓਟੀਟੀ (OTT) ਪਲੇਟਫਾਰਮ 'ਤੇ ਟ੍ਰੈਂਡ ਕਰ ਰਹੀ ਹੈ।

'ਜੈਫਰੀ ਐਪਸਟੀਨ: ਫਿਲਦੀ ਰਿਚ' ਦੀ ਕਹਾਣੀ

ਜੈਫਰੀ ਐਪਸਟੀਨ 'ਤੇ ਬਣੀ 4 ਐਪੀਸੋਡਜ਼ ਦੀ ਸੀਰੀਜ਼ 'ਜੈਫਰੀ ਐਪਸਟੀਨ: ਫਿਲਦੀ ਰਿਚ' (Jeffrey Epstein: Filthy Rich) ਦਾ ਨਿਰਦੇਸ਼ਨ ਲੀਜ਼ਾ ਬ੍ਰਾਇੰਟ ਨੇ ਕੀਤਾ ਸੀ। ਇਸ ਡਾਕੂ-ਸੀਰੀਜ਼ (Docu-series) ਵਿੱਚ ਬਿਨਾਂ ਕਿਸੇ ਲਾਗ-ਲਪੇਟ ਦੇ ਜੇਫਰੀ ਦੀਆਂ ਘਿਨੌਣੀਆਂ ਹਰਕਤਾਂ ਨੂੰ ਪੀੜਤਾਂ ਦੀਆਂ ਗਵਾਹੀਆਂ ਰਾਹੀਂ ਪੇਸ਼ ਕੀਤਾ ਗਿਆ ਸੀ।

4 ਐਪੀਸੋਡਜ਼ ਵਾਲੀ ਇਸ ਡਾਕੂ-ਸੀਰੀਜ਼ ਦੀ ਸ਼ੁਰੂਆਤ ਪੀੜਤਾਂ ਦੀਆਂ ਗਵਾਹੀਆਂ ਨਾਲ ਹੁੰਦੀ ਹੈ; ਫਿਰ ਦਿਖਾਇਆ ਗਿਆ ਹੈ ਕਿ ਕਿਵੇਂ ਉਹ ਸ਼ੋਹਰਤ ਅਤੇ ਦੌਲਤ ਦੇ ਦਮ 'ਤੇ ਪੁਲਿਸ ਦੀ ਗ੍ਰਿਫ਼ਤ ਤੋਂ ਬਚ ਨਿਕਲਦਾ ਹੈ, ਅਤੇ ਨਾਲ ਹੀ ਜੈਫਰੀ ਦੇ ਆਈਲੈਂਡ (ਟਾਪੂ) ਦੀ ਕਹਾਣੀ ਨੂੰ ਪੇਸ਼ ਕੀਤਾ ਗਿਆ ਹੈ। 2019 ਵਿੱਚ ਉਸ ਨੂੰ ਦੁਬਾਰਾ ਕਿਵੇਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ, ਸੀਰੀਜ਼ ਵਿੱਚ ਐਪਸਟੀਨ ਦੇ ਕੇਸ ਨੂੰ ਸ਼ੁਰੂ ਤੋਂ ਲੈ ਕੇ ਅੰਤ ਤਕ ਦਿਖਾਇਆ ਗਿਆ ਹੈ।

ਕਿੱਥੇ ਦੇਖ ਸਕਦੇ ਹੋ ਜੈਫਰੀ ਐਪਸਟੀਨ ਦੀ ਸੀਰੀਜ਼?

ਹਰ ਐਪੀਸੋਡ ਲਗਪਗ ਇਕ ਘੰਟੇ ਦਾ ਹੈ। ਜੇਕਰ ਤੁਸੀਂ ਜੇਫਰੀ ਐਪਸਟੀਨ ਦੇ ਕੇਸ ਨੂੰ ਚੰਗੀ ਤਰ੍ਹਾਂ ਜਾਣਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਇਸ ਨੂੰ ਡਾਕੂ-ਸੀਰੀਜ਼ ਰਾਹੀਂ ਓਟੀਟੀ ਪਲੇਟਫਾਰਮ 'ਤੇ ਦੇਖ ਸਕਦੇ ਹੋ। ਇਹ ਨੈੱਟਫਲਿਕਸ (Netflix) 'ਤੇ ਮੌਜੂਦ ਹੈ ਅਤੇ ਟੌਪ-10 ਵਿੱਚ ਨੌਵੇਂ ਸਥਾਨ 'ਤੇ ਟ੍ਰੈਂਡ ਕਰ ਰਹੀ ਹੈ।