Samay Raina ਨੇ ਸੁਨੀਲ ਪਾਲ ਨੂੰ ਰੱਜ ਕੇ ਕੀਤਾ ਟ੍ਰੋਲ, 'ਅੱਤਵਾਦੀ' ਵਾਲੇ ਕੁਮੈਂਟ 'ਤੇ ਕਪਿਲ ਦੇ ਸ਼ੋਅ 'ਚ ਹੋਇਆ ਹੰਗਾਮਾ
ਸ਼ੋਅ ਦੌਰਾਨ ਕਪਿਲ ਸ਼ਰਮਾ ਨੇ ਸੁਨੀਲ ਪਾਲ ਤੋਂ ਪੁੱਛਿਆ ਕਿ ਉਹ ਇੱਕ ਫਿਲਮ ਦੇ ਪ੍ਰੀਮੀਅਰ 'ਤੇ ਚੱਪਲਾਂ ਪਾ ਕੇ ਕਿਉਂ ਗਏ ਸਨ? ਇਸ 'ਤੇ ਸਮੇ ਰੈਨਾ ਨੇ ਚੁਟਕੀ ਲੈਂਦਿਆਂ ਕਿਹਾ, "ਇਹ ਚੱਪਲਾਂ ਵਿੱਚ ਇਸ ਲਈ ਘੁੰਮਦੇ ਹਨ ਕਿਉਂਕਿ ਜੁੱਤੀ ਤਾਂ ਇਨ੍ਹਾਂ ਨੂੰ ਕਿਤੋਂ ਨਾ ਕਿਤੋਂ ਪੈ ਹੀ ਜਾਂਦੀ ਹੈ
Posted By alisha
Publish Date: Sun, 03 May 2026 01:55 PM (IST)
Updated Date: Sun, 03 May 2026 02:03 PM (IST)
ਮਨੋਰੰਜਨ ਡੈਸਕ, ਨਵੀਂ ਦਿੱਲੀ : ਮਸ਼ਹੂਰ ਸਟੈਂਡ-ਅੱਪ ਕਾਮੇਡੀਅਨ ਸਮੇ ਰੈਨਾ (Samay Raina) ਅਤੇ ਪੌਡਕਾਸਟਰ ਰਣਵੀਰ ਇਲਾਹਾਬਾਦੀਆ ਹਾਲ ਹੀ ਵਿੱਚ ਕਪਿਲ ਸ਼ਰਮਾ ਦੇ 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਵਿੱਚ ਨਜ਼ਰ ਆਏ। ਵਰਲਡ ਲਾਫ਼ਟਰ ਡੇਅ ਦੇ ਖਾਸ ਮੌਕੇ 'ਤੇ ਪ੍ਰਸਾਰਿਤ ਹੋਏ ਇਸ ਐਪੀਸੋਡ ਵਿੱਚ ਕਾਮੇਡੀਅਨ ਸੁਨੀਲ ਪਾਲ ਦੀ ਐਂਟਰੀ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ, ਜਿਸ ਤੋਂ ਬਾਅਦ ਮਾਹੌਲ ਕਾਫ਼ੀ ਗਰਮਾ ਗਿਆ।
ਕੀ ਹੈ ਪੂਰਾ ਵਿਵਾਦ
ਦਰਅਸਲ, ਸੁਨੀਲ ਪਾਲ ਨੇ ਕੁਝ ਸਮਾਂ ਪਹਿਲਾਂ ਸਮੇ ਰੈਨਾ ਦੇ ਸ਼ੋਅ 'ਇੰਡੀਆਜ਼ ਗੌਟ ਲੇਟੈਂਟ' ਨੂੰ ਲੈ ਕੇ ਵਿਵਾਦਤ ਟਿੱਪਣੀ ਕੀਤੀ ਸੀ ਅਤੇ ਸਮੇ ਤੇ ਰਣਵੀਰ ਨੂੰ 'ਅੱਤਵਾਦੀ' ਤੱਕ ਕਹਿ ਦਿੱਤਾ ਸੀ। ਕਪਿਲ ਦੇ ਸ਼ੋਅ 'ਤੇ ਜਦੋਂ ਦੋਵੇਂ ਆਹਮੋ-ਸਾਹਮਣੇ ਹੋਏ ਤਾਂ ਸਮੇ ਰੈਨਾ ਨੇ ਸੁਨੀਲ ਪਾਲ ਨੂੰ ਟ੍ਰੋਲ ਕਰਨ ਦਾ ਕੋਈ ਮੌਕਾ ਨਹੀਂ ਛੱਡਿਆ।
ਸਮੇ ਰੈਨਾ ਦਾ ਤਿੱਖਾ ਜਵਾਬ: "ਜੁੱਤੀ ਤਾਂ ਇਨ੍ਹਾਂ ਨੂੰ ਪੈ ਹੀ ਜਾਂਦੀ ਹੈ..."
The crazy Samay Raina's comeback ☠️👊#Sunilpal #SamayRaina #KapilSharma#RanveerAllahbadia #TheKapilSharmaShow pic.twitter.com/kdWoIWPUre
— ꇙꀘꋪ🦢 (@Skr2munjali2) May 3, 2026
ਸ਼ੋਅ ਦੌਰਾਨ ਕਪਿਲ ਸ਼ਰਮਾ ਨੇ ਸੁਨੀਲ ਪਾਲ ਤੋਂ ਪੁੱਛਿਆ ਕਿ ਉਹ ਇੱਕ ਫਿਲਮ ਦੇ ਪ੍ਰੀਮੀਅਰ 'ਤੇ ਚੱਪਲਾਂ ਪਾ ਕੇ ਕਿਉਂ ਗਏ ਸਨ? ਇਸ 'ਤੇ ਸਮੇ ਰੈਨਾ ਨੇ ਚੁਟਕੀ ਲੈਂਦਿਆਂ ਕਿਹਾ, "ਇਹ ਚੱਪਲਾਂ ਵਿੱਚ ਇਸ ਲਈ ਘੁੰਮਦੇ ਹਨ ਕਿਉਂਕਿ ਜੁੱਤੀ ਤਾਂ ਇਨ੍ਹਾਂ ਨੂੰ ਕਿਤੋਂ ਨਾ ਕਿਤੋਂ ਪੈ ਹੀ ਜਾਂਦੀ ਹੈ..." ਸਮੇ ਦੀ ਇਸ ਗੱਲ 'ਤੇ ਕਪਿਲ, ਅਰਚਨਾ ਪੂਰਨ ਸਿੰਘ ਅਤੇ ਨਵਜੋਤ ਸਿੰਘ ਸਿੱਧੂ ਸਣੇ ਪੂਰੇ ਦਰਸ਼ਕ ਹੱਸ-ਹੱਸ ਲੋਟ-ਪੋਟ ਹੋ ਗਏ।
ਸੁਨੀਲ ਪਾਲ ਆਪਣੀ ਟਿੱਪਣੀ 'ਤੇ ਕਾਇਮ
ਜਦੋਂ ਕਪਿਲ ਨੇ ਸੁਨੀਲ ਪਾਲ ਤੋਂ ਉਨ੍ਹਾਂ ਦੇ 'ਅੱਤਵਾਦੀ' ਵਾਲੇ ਬਿਆਨ ਬਾਰੇ ਪੁੱਛਿਆ, ਤਾਂ ਉਨ੍ਹਾਂ ਕਿਹਾ, "ਜੋ ਗੱਲਾਂ ਸਮਾਜ ਨੂੰ ਸਮਝ ਨਹੀਂ ਆਉਂਦੀਆਂ, ਉਹ ਗਲਤ ਹਨ। ਜੇ ਇਹ ਮੂੰਹ ਨਾਲ ਗ੍ਰੇਨੇਡ ਮਾਰਦੇ ਤਾਂ ਠੀਕ ਸੀ, ਪਰ ਜੋ ਇਹ ਬੋਲਦੇ ਹਨ, ਉਹ ਸਹਿਣ ਨਹੀਂ ਹੁੰਦਾ।"
ਇਸ ਦੇ ਜਵਾਬ ਵਿੱਚ ਸਮੇ ਰੈਨਾ ਨੇ ਨਿਡਰ ਹੋ ਕੇ ਕਿਹਾ, "ਸਰ, ਤੁਹਾਨੂੰ ਮੇਰੇ ਤੋਂ ਇੰਨੀ ਦਿੱਕਤ ਹੈ, ਮੈਂ ਕੀ ਬੋਲਾਂ? ਬੱਸ ਇੱਕ ਹੀ ਗੱਲ ਹੈ, ਤੁਸੀਂ ਬ੍ਰਸ਼ ਕਿਉਂ ਨਹੀਂ ਕਰਦੇ ਯਾਰ?" ਸਮੇ ਦੇ ਇਸ ਹਾਜ਼ਰ-ਜਵਾਬੀ ਵਾਲੇ ਅੰਦਾਜ਼ ਨੇ ਸੋਸ਼ਲ ਮੀਡੀਆ 'ਤੇ ਵੀ ਕਾਫ਼ੀ ਚਰਚਾ ਛੇੜ ਦਿੱਤੀ ਹੈ। ਦੱਸ ਦੇਈਏ ਕਿ ਸੁਨੀਲ ਪਾਲ ਨੇ ਪਹਿਲਾਂ ਇਹ ਵੀ ਕਿਹਾ ਸੀ ਕਿ ਸਮੇ ਅਤੇ ਰਣਵੀਰ ਨੂੰ ਉਨ੍ਹਾਂ ਦੇ ਕੰਟੈਂਟ ਲਈ 10 ਸਾਲ ਦੀ ਜੇਲ੍ਹ ਹੋਣੀ ਚਾਹੀਦੀ ਹੈ।