ਰਵੀ ਕਿਸ਼ਨ ਨੇ 'ਵਰਕ ਫ੍ਰੌਮ ਹੋਮ' ਵਾਲੇ ਵਾਇਰਲ ਮੀਮ 'ਤੇ ਤੋੜੀ ਚੁੱਪ, ਬੋਲੇ- 'ਮੈਂ ਪਾਰਲੀਮੈਂਟ ਜਾ ਰਿਹਾ ਸੀ ਤੇ...'
"ਮੈਂ ਇਨਸਾਨ ਹਾਂ ਮੈਨੂੰ ਲੋਕ ਇਸ ਤਰ੍ਹਾਂ ਦੇਖਦੇ ਹਨ ਜਿਵੇਂ ਮੈਂ ਕਿਸੇ ਵੱਖਰੀ ਹੀ ਦੁਨੀਆ ਤੋਂ ਆਇਆ ਹਾਂ। ਮੈਂ ਆਦਮੀ ਹਾਂ। ਤੁਹਾਡੇ ਲੋਕਾਂ ਵਾਂਗ ਹੀ ਗਲਤੀਆਂ ਕਰਦਾ ਹਾਂ ਤੇ ਕਰਦਾ ਰਹਾਂਗਾ। ਮੈਨੂੰ ਤੁਸੀਂ ਲੋਕ ਵਾਇਰਲ ਕਿਉਂ ਕਰਦੇ ਹੋ, ਮੈਨੂੰ ਨਹੀਂ ਪਤਾ। ਮੈਨੂੰ ਸਭ ਲੋਕ ਪੁੱਛਦੇ ਹਨ, ਮੈਂ ਨਾਮ ਨਹੀਂ ਲਵਾਂਗਾ
Posted By alisha
Publish Date: Sat, 23 May 2026 03:40 PM (IST)
Updated Date: Sat, 23 May 2026 03:49 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਰਵੀ ਕਿਸ਼ਨ ਜਲਦ ਹੀ ਮਾਧੁਰੀ ਦੀਕਸ਼ਤ ਅਤੇ ਤ੍ਰਿਪਤੀ ਡਿਮਰੀ ਸਟਾਰਰ ਫ਼ਿਲਮ 'ਮਾਂ-ਭੈਣ' ਵਿੱਚ ਤਾਕ-ਝਾਕ ਕਰਨ ਵਾਲੇ ਗੁਆਂਢੀ ਗੁਪਤਾ ਜੀ ਦਾ ਕਿਰਦਾਰ ਨਿਭਾ ਰਹੇ ਹਨ ਹਾਲਾਂਕਿ OTT 'ਤੇ ਰਿਲੀਜ਼ ਹੋਣ ਜਾ ਰਹੀ ਇਸ ਫ਼ਿਲਮ ਤੋਂ ਪਹਿਲਾਂ ਉਹ 'ਵਰਕ ਫ੍ਰੌਮ ਹੋਮ' ਨੂੰ ਲੈ ਕੇ ਦਿੱਤੇ ਗਏ ਬਿਆਨ ਕਾਰਨ ਸੋਸ਼ਲ ਮੀਡੀਆ 'ਤੇ ਚਰਚਾ ਹੋ ਰਹੀ ਹੈ।
ਰਵੀ ਕਿਸ਼ਨ ਨੇ ਵਰਕ ਫ੍ਰੌਮ ਹੋਮ ਨੂੰ ਗਲਤੀ ਨਾਲ ਉਲਟਾ ਬੋਲ ਦਿੱਤਾ ਸੀ, ਜਿਸ ਕਾਰਨ ਉਸ ਦਾ ਮਜ਼ਾਕ ਉਡਾਇਆ ਗਿਆ ਤੇ ਕਈ ਮੀਮਜ਼ ਬਣੇ। ਹੁਣ ਆਪਣੇ 'ਤੇ ਬਣਨ ਵਾਲੇ ਇਨ੍ਹਾਂ ਮੀਮਜ਼ 'ਤੇ ਭੋਜਪੁਰੀ ਸੁਪਰਸਟਾਰ ਨੇ ਚੁੱਪੀ ਤੋੜੀ ਹੈ।
ਇੰਟਰਨੈੱਟ ਮੀਡੀਆ 'ਤੇ ਵਾਇਰਲ ਹੋਇਆ ਬਿਆਨ
ਅਦਾਕਾਰ ਅਤੇ ਸੰਸਦ ਮੈਂਬਰ ਰਵੀ ਕਿਸ਼ਨ ਨੇ ਹਾਲ ਹੀ ਵਿੱਚ "ਵਰਕ ਫ੍ਰੌਮ ਹੋਮ" ਦੀ ਥਾਂ ਗਲਤੀ ਨਾਲ "ਹੋਮ ਫ੍ਰੌਮ ਵਰਕ" ਬੋਲ ਦਿੱਤਾ ਸੀ। ਇੰਟਰਨੈੱਟ ਮੀਡੀਆ 'ਤੇ ਇਹ ਬਿਆਨ ਕਾਫੀ ਵਾਇਰਲ ਹੋਇਆ। ਸ਼ੁੱਕਰਵਾਰ ਨੂੰ ਮੁੰਬਈ ਵਿੱਚ ਫ਼ਿਲਮ 'ਮਾਂ ਭੈਣ' ਦੇ ਟ੍ਰੇਲਰ ਲਾਂਚ ਦੇ ਮੌਕੇ 'ਤੇ ਵਾਇਰਲ ਹੋਣ ਬਾਰੇ ਸਵਾਲ ਪੁੱਛਣ 'ਤੇ ਰਵੀ ਕਿਸ਼ਨ ਨੇ ਕਿਹਾ, "ਪਹਿਲੀ ਗੱਲ ਮੈਨੂੰ ਨਹੀਂ ਪਤਾ ਮੈਂ ਕਿਉਂ ਵਾਇਰਲ ਹੁੰਦਾ ਹਾਂ। ਅੱਗੇ ਉਹ ਕਹਿੰਦੇ ਹਨ ਕਿ ਮੈਂ ਹੋਮ ਫ੍ਰੌਮ ਵਰਕ ਬੋਲਿਆ ਸੀ। ਮੈਂ ਪਾਰਲੀਮੈਂਟ ਜਾ ਰਿਹਾ ਸੀ ਅਤੇ ਜਲਦੀ-ਜਲਦੀ ਵਿੱਚ ਬੋਲਿਆ ਸੀ। ਮੈਂ ਵਰਕ ਫ੍ਰੌਮ ਹੋਮ ਬੋਲਣਾ ਸੀ।"
ਰਵੀ ਕਿਸ਼ਨ ਨੇ ਅੱਗੇ ਕਿਹਾ, "ਮੈਂ ਇਨਸਾਨ ਹਾਂ ਮੈਨੂੰ ਲੋਕ ਇਸ ਤਰ੍ਹਾਂ ਦੇਖਦੇ ਹਨ ਜਿਵੇਂ ਮੈਂ ਕਿਸੇ ਵੱਖਰੀ ਹੀ ਦੁਨੀਆ ਤੋਂ ਆਇਆ ਹਾਂ। ਮੈਂ ਆਦਮੀ ਹਾਂ। ਤੁਹਾਡੇ ਲੋਕਾਂ ਵਾਂਗ ਹੀ ਗਲਤੀਆਂ ਕਰਦਾ ਹਾਂ ਤੇ ਕਰਦਾ ਰਹਾਂਗਾ। ਮੈਨੂੰ ਤੁਸੀਂ ਲੋਕ ਵਾਇਰਲ ਕਿਉਂ ਕਰਦੇ ਹੋ, ਮੈਨੂੰ ਨਹੀਂ ਪਤਾ। ਮੈਨੂੰ ਸਭ ਲੋਕ ਪੁੱਛਦੇ ਹਨ, ਮੈਂ ਨਾਮ ਨਹੀਂ ਲਵਾਂਗਾ, ਮੇਰੀ ਪਾਰਟੀ ਵਿੱਚ ਵੀ ਪੁੱਛਦੇ ਹਨ, ਮੇਰੇ ਸੀਨੀਅਰ ਵੀ ਕਿ ਤੁਸੀਂ ਕਰਦੇ ਕੀ ਹੋ?"
ਕਦੋਂ OTT ਪਲੇਟਫਾਰਮ 'ਤੇ ਆਵੇਗੀ 'ਮਾਂ-ਭੈਣ'
ਉਨ੍ਹਾਂ ਨੇ ਆਪਣੇ ਵਾਇਰਲ ਮੀਮ ਤੋਂ ਸਭ ਦਾ ਧਿਆਨ ਹਟਾਉਂਦੇ ਹੋਏ 'ਮਾਂ-ਭੈਣ' 'ਤੇ ਬੋਲਿਆ, "ਬਿਆਨ ਦੀ ਤਰ੍ਹਾਂ ਇਹ ਫ਼ਿਲਮ ਵੀ ਵਾਇਰਲ ਹੋਣ ਵਾਲੀ ਹੈ। ਇਹ ਖ਼ਤਰਨਾਕ ਟਾਈਟਲ ਵਾਲੀ ਹੈ। ਵਾਇਰਲ ਇਸ ਲਈ ਹੋਵੇਗੀ, ਕਿਉਂਕਿ ਨੈੱਟਫਲਿਕਸ (NETFLIX) 'ਤੇ ਫ਼ਿਲਮ 'ਲਾਪਤਾ ਲੇਡੀਜ਼' ਆਈ ਅਤੇ ਉਹ ਆਸਕਰ ਤੱਕ ਗਈ।"
ਉਨ੍ਹਾਂ ਨੇ ਅੱਗੇ ਕਿਹਾ, "ਮਾਮਲਾ ਲੀਗਲ ਹੈ ਸੀਜ਼ਨ ਦੋ ਇੱਕ ਮਹੀਨੇ ਤੋਂ ਟਾਪ 10 ਵਿੱਚ ਚੱਲ ਰਿਹਾ ਹੈ। ਮਾਂ ਭੈਣ ਚਾਰ ਜੂਨ ਨੂੰ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਵੇਗੀ। ਉਸ ਵਿੱਚ ਉਨ੍ਹਾਂ ਦੇ ਨਾਲ ਮਾਧੁਰੀ ਦੀਕਸ਼ਿਤ ਅਤੇ ਤ੍ਰਿਪਤੀ ਡਿਮਰੀ ਦੇ ਨਾਲ-ਨਾਲ ਸੋਸ਼ਲ ਮੀਡੀਆ ਇਨਫਲੂਐਂਸਰ ਧਾਰਨਾ ਵੀ ਨਜ਼ਰ ਆਵੇਗੀ।"