'ਉਹ ਇੰਡਸਟਰੀ ਦੇ ਬੋਝ ਹੇਠ ਸੀ...' ਪ੍ਰੀਤਮ ਦਾ ਨੇ ਦੱਸੀ ਅਰਿਜੀਤ ਸਿੰਘ ਦੇ ਬ੍ਰੇਕ ਦੀ ਅਸਲੀ ਵਜ੍ਹਾ ! ਇੱਕ ਦਿਨ ਪਹਿਲਾਂ ਫ਼ੋਨ 'ਤੇ ਹੋਈ ਸੀ ਗੱਲ
ਪ੍ਰੀਤਮ ਨੇ ਯਾਦ ਕਰਦਿਆਂ ਦੱਸਿਆ ਕਿ ਅਰਿਜੀਤ ਨੇ ਐਲਾਨ ਕਰਨ ਤੋਂ ਇੱਕ ਦਿਨ ਪਹਿਲਾਂ ਉਨ੍ਹਾਂ ਨੂੰ ਫ਼ੋਨ ਕੀਤਾ ਸੀ। ਪ੍ਰੀਤਮ ਖੁਦ ਵੀ ਰਿਟਾਇਰ ਹੋਣ ਬਾਰੇ ਸੋਚ ਰਹੇ ਸਨ, ਜਿਸ 'ਤੇ ਅਰਿਜੀਤ ਨੇ ਕਿਹਾ ਸੀ, "ਜਿਸ ਦਿਨ ਤੁਸੀਂ ਰਿਟਾਇਰ ਹੋਵੋਗੇ, ਮੈਂ ਵੀ ਹੋ ਜਾਵਾਂਗਾ।" ਪਰ ਅਗਲੀ ਸਵੇਰ ਅਰਿਜੀਤ ਨੇ ਖੁਦ ਹੀ ਐਲਾਨ ਕਰ ਦਿੱਤਾ
Posted By alisha
Publish Date: Tue, 12 May 2026 03:47 PM (IST)
Updated Date: Tue, 12 May 2026 03:51 PM (IST)
ਮਨੋਰੰਜਨ ਡੈਸਕ, ਨਵੀਂ ਦਿੱਲੀ : ਬਾਲੀਵੁੱਡ ਦੇ ਮਸ਼ਹੂਰ ਸੰਗੀਤਕਾਰ ਪ੍ਰੀਤਮ ਚੱਕਰਵਰਤੀ ਨੇ ਅਰਿਜੀਤ ਸਿੰਘ ਦੇ ਪਲੇਅਬੈਕ ਸਿੰਗਿੰਗ ਤੋਂ ਦੂਰੀ ਬਣਾਉਣ ਦੇ ਫੈਸਲੇ 'ਤੇ ਵੱਡਾ ਖੁਲਾਸਾ ਕੀਤਾ ਹੈ। ਪ੍ਰੀਤਮ ਅਨੁਸਾਰ, ਇਸ ਨੂੰ 'ਰਿਟਾਇਰਮੈਂਟ' ਨਹੀਂ ਬਲਕਿ ਇੱਕ 'ਬ੍ਰੇਕ' ਵਜੋਂ ਦੇਖਿਆ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਦੱਸਿਆ ਕਿ ਅਰਿਜੀਤ ਲੰਬੇ ਸਮੇਂ ਤੋਂ ਕੰਮ ਦੇ ਲਗਾਤਾਰ ਵਧ ਰਹੇ ਦਬਾਅ ਹੇਠ ਸੀ ਅਤੇ ਹੁਣ ਉਸਨੂੰ ਆਪਣੇ ਲਈ ਕੁਝ ਸਮਾਂ ਚਾਹੀਦਾ ਹੈ।
ਅਰਿਜੀਤ ਸਿੰਘ ਨੇ ਕਿਉਂ ਲਿਆ ਇਹ ਫੈਸਲਾ
ਪ੍ਰੀਤਮ ਨੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਕਿ ਅਰਿਜੀਤ 'ਤੇ ਇੰਨੇ ਸਾਰੇ ਗਾਣੇ ਗਾਉਣ ਦਾ ਭਾਰੀ ਦਬਾਅ ਸੀ। ਉਨ੍ਹਾਂ ਕਿਹਾ,"ਅਰਿਜੀਤ 'ਤੇ ਇੰਨਾ ਜ਼ਿਆਦਾ ਪ੍ਰੈਸ਼ਰ ਸੀ ਕਿ ਉਸਨੇ ਕਹਿ ਦਿੱਤਾ, 'ਮੈਂ ਹੁਣ ਹੋਰ ਗਾਉਣਾ ਹੀ ਨਹੀਂ ਚਾਹੁੰਦਾ।' ਕਦੇ-ਕਦੇ ਡਾਇਰੈਕਟਰ ਵੀ ਸਾਡੇ 'ਤੇ ਬਹੁਤ ਦਬਾਅ ਪਾਉਂਦੇ ਹਨ। ਹੁਣ ਉਹ ਆਪਣੀ ਫ਼ਿਲਮ ਬਣਾਉਣਾ ਚਾਹੁੰਦਾ ਹੈ। ਉਸਨੂੰ ਥੋੜ੍ਹਾ ਸਮਾਂ ਦਿਓ, ਉਹ ਬਿਲਕੁਲ ਠੀਕ ਹੋ ਜਾਵੇਗਾ।"
ਰਿਟਾਇਰਮੈਂਟ ਦੇ ਐਲਾਨ ਤੋਂ ਇੱਕ ਰਾਤ ਪਹਿਲਾਂ ਦਾ ਕਿੱਸਾ
ਪ੍ਰੀਤਮ ਨੇ ਯਾਦ ਕਰਦਿਆਂ ਦੱਸਿਆ ਕਿ ਅਰਿਜੀਤ ਨੇ ਐਲਾਨ ਕਰਨ ਤੋਂ ਇੱਕ ਦਿਨ ਪਹਿਲਾਂ ਉਨ੍ਹਾਂ ਨੂੰ ਫ਼ੋਨ ਕੀਤਾ ਸੀ। ਪ੍ਰੀਤਮ ਖੁਦ ਵੀ ਰਿਟਾਇਰ ਹੋਣ ਬਾਰੇ ਸੋਚ ਰਹੇ ਸਨ, ਜਿਸ 'ਤੇ ਅਰਿਜੀਤ ਨੇ ਕਿਹਾ ਸੀ, "ਜਿਸ ਦਿਨ ਤੁਸੀਂ ਰਿਟਾਇਰ ਹੋਵੋਗੇ, ਮੈਂ ਵੀ ਹੋ ਜਾਵਾਂਗਾ।" ਪਰ ਅਗਲੀ ਸਵੇਰ ਅਰਿਜੀਤ ਨੇ ਖੁਦ ਹੀ ਐਲਾਨ ਕਰ ਦਿੱਤਾ ਅਤੇ ਬਾਅਦ ਵਿੱਚ ਹੱਸਦੇ ਹੋਏ ਪ੍ਰੀਤਮ ਨੂੰ ਫ਼ੋਨ ਕਰਕੇ ਕਿਹਾ, "ਤੁਹਾਡੇ ਤੋਂ ਨਹੀਂ ਹੋਵੇਗਾ" (ਭਾਵ ਤੁਸੀਂ ਰਿਟਾਇਰ ਨਹੀਂ ਹੋ ਸਕੋਗੇ)।
ਪ੍ਰੀਤਮ ਨੇ ਪ੍ਰਸ਼ੰਸਕਾਂ ਨੂੰ ਕੀਤੀ ਅਪੀਲ
ਪ੍ਰੀਤਮ ਨੇ ਕਿਹਾ ਕਿ ਲੋਕ ਅਰਿਜੀਤ ਦੇ ਫੈਸਲੇ ਦਾ ਬਹੁਤ ਜ਼ਿਆਦਾ ਮਤਲਬ ਕੱਢ ਰਹੇ ਹਨ।
ਕਲਾਕਾਰ ਦੀ ਆਪਣੀ ਜ਼ਿੰਦਗੀ: ਹਰ ਕਲਾਕਾਰ ਨੂੰ ਬ੍ਰੇਕ ਦੀ ਲੋੜ ਹੁੰਦੀ ਹੈ। ਉਸਨੂੰ ਉਹ ਕਰਨ ਦਿਓ ਜੋ ਉਹ ਚਾਹੁੰਦਾ ਹੈ।
ਗਾਣੇ ਅਜੇ ਵੀ ਕਿਉਂ ਆ ਰਹੇ ਹਨ? ਲੋਕਾਂ ਦੇ ਇਸ ਸਵਾਲ 'ਤੇ ਪ੍ਰੀਤਮ ਨੇ ਕਿਹਾ ਕਿ ਜੋ ਗਾਣੇ ਪਹਿਲਾਂ ਰਿਕਾਰਡ ਹੋ ਚੁੱਕੇ ਹਨ, ਉਹ ਹੌਲੀ-ਹੌਲੀ ਰਿਲੀਜ਼ ਹੋ ਰਹੇ ਹਨ, ਇਸ ਵਿੱਚ ਕੋਈ ਹੈਰਾਨੀ ਵਾਲੀ ਗੱਲ ਨਹੀਂ ਹੈ।
ਕੀ ਸੀ ਅਰਿਜੀਤ ਸਿੰਘ ਦਾ ਬਿਆਨ
ਜ਼ਿਕਰਯੋਗ ਹੈ ਕਿ ਇਸ ਸਾਲ ਜਨਵਰੀ ਵਿੱਚ ਅਰਿਜੀਤ ਨੇ ਸੋਸ਼ਲ ਮੀਡੀਆ 'ਤੇ ਲਿਖਿਆ ਸੀ ਕਿ ਉਹ ਹੁਣ ਪਲੇਅਬੈਕ ਸਿੰਗਿੰਗ ਦੇ ਕੋਈ ਨਵੇਂ ਅਸਾਈਨਮੈਂਟ ਨਹੀਂ ਲਵੇਗਾ। ਹਾਲਾਂਕਿ, ਉਸ ਤੋਂ ਬਾਅਦ ਵੀ ਉਸਦੇ ਕਈ ਹਿੱਟ ਗਾਣੇ ਰਿਲੀਜ਼ ਹੋਏ ਹਨ, ਜੋ ਕਿ ਪਹਿਲਾਂ ਤੋਂ ਕੀਤੇ ਗਏ ਕੰਮ ਦਾ ਹਿੱਸਾ ਸਨ।