Ramayana Teaser: ਪਰਦੇ 'ਤੇ ਦਿਖੇਗੀ ਸ਼੍ਰੀ ਰਾਮ ਦੀ ਗਾਥਾ; ਅਦਭੁਤ ਹੈ ਰਣਬੀਰ ਕਪੂਰ ਦੀ 'ਰਾਮਾਇਣ ਪਾਰਟ 1' ਦਾ ਟੀਜ਼ਰ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ: ਨਿਤੇਸ਼ ਤਿਵਾਰੀ ਦੇ ਨਿਰਦੇਸ਼ਨ ਹੇਠ ਬਣੀ ਮਿਥਿਹਾਸਕ ਫ਼ਿਲਮ 'ਰਾਮਾਇਣ: ਪਾਰਟ 1' (Ramayana Part 1) ਵਿੱਚ ਰਣਬੀਰ ਕਪੂਰ ਦੀ ਪਹਿਲੀ ਝਲਕ ਦੇਖਣ ਲਈ ਪ੍ਰਸ਼ੰਸਕ ਬੜੀ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਫ਼ਿਲਮ ਦੇ ਸੈੱਟ ਤੋਂ ਅਦਾਕਾਰ ਦੇ 'ਸ਼੍ਰੀ ਰਾਮ' ਵਜੋਂ ਕਈ ਲੁੱਕ ਪਹਿਲਾਂ ਹੀ ਲੀਕ ਹੋ ਚੁੱਕੇ ਸਨ, ਜਿਸ ਕਾਰਨ ਦਰਸ਼ਕਾਂ ਦੀ ਉਤਸੁਕਤਾ ਸੱਤਵੇਂ ਅਸਮਾਨ 'ਤੇ ਸੀ।

ਬੀਤੇ ਦਿਨੀਂ ਨਿਰਮਾਤਾਵਾਂ ਨੇ ਦੱਸਿਆ ਸੀ ਕਿ 2 ਅਪ੍ਰੈਲ ਨੂੰ ਉਹ ਪ੍ਰਸ਼ੰਸਕਾਂ ਨੂੰ ਇੱਕ ਬਹੁਤ ਵੱਡਾ ਸਰਪ੍ਰਾਈਜ਼ ਦੇਣ ਵਾਲੇ ਹਨ। ਹੁਣ ਹਨੂੰਮਾਨ ਜੈਅੰਤੀ ਦੇ ਪਾਵਨ ਮੌਕੇ 'ਤੇ ਫ਼ਿਲਮ 'ਰਾਮਾਇਣ' ਤੋਂ ਰਣਬੀਰ ਕਪੂਰ ਦਾ 'ਸ਼੍ਰੀ ਰਾਮ' ਲੁੱਕ ਅਤੇ ਸ਼ਾਨਦਾਰ ਟੀਜ਼ਰ ਅਧਿਕਾਰਤ ਤੌਰ 'ਤੇ ਸਾਹਮਣੇ ਆ ਗਿਆ ਹੈ।

'ਰਾਮਾਇਣ' ਰਾਹੀਂ ਨਵਾਂ ਨਜ਼ਰੀਆ ਦਿਖਾਉਣ ਦੀ ਕੋਸ਼ਿਸ਼

2 ਮਿੰਟ 38 ਸੈਕੰਡ ਦੇ ਇਸ ਧਮਾਕੇਦਾਰ ਟੀਜ਼ਰ ਵਿੱਚ ਭਗਵਾਨ ਰਾਮ ਬਣ ਕੇ ਪਰਦੇ 'ਤੇ ਆਏ ਰਣਬੀਰ ਕਪੂਰ ਦੀਆਂ ਕੁਝ ਸ਼ਾਨਦਾਰ ਝਲਕੀਆਂ ਦਿਖਾਈਆਂ ਗਈਆਂ ਹਨ। ਨਿਤੇਸ਼ ਤਿਵਾਰੀ ਨੇ 'ਰਾਮਾਇਣ' ਰਾਹੀਂ ਇੱਕ ਨਵੇਂ ਨਜ਼ਰੀਏ ਨੂੰ ਦੁਨੀਆ ਭਰ ਤੱਕ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ ਹੈ। ਟੀਜ਼ਰ ਦੀ ਸ਼ੁਰੂਆਤ ਉਸ ਸਮੇਂ ਤੋਂ ਹੁੰਦੀ ਹੈ ਜਦੋਂ ਰਾਖਸ਼ਾਂ ਨੇ ਪੂਰੀ ਦੁਨੀਆ ਵਿੱਚ ਤਰਾਹੀ-ਤਰਾਹੀ ਮਚਾਈ ਹੋਈ ਸੀ— "ਜਦੋਂ-ਜਦੋਂ ਦੁਨੀਆ ਵਿੱਚ ਉਥਲ-ਪੁਥਲ ਮਚੀ ਸੀ, ਤਾਂ ਕਿਵੇਂ ਸ਼੍ਰੀ ਰਾਮ ਸਾਰੇ ਸਵਾਲਾਂ ਦਾ ਜਵਾਬ ਬਣ ਕੇ ਆਏ।"

ਟੀਜ਼ਰ ਦੀਆਂ ਮੁੱਖ ਝਲਕੀਆਂ

ਸ਼ਾਹੀ ਐਂਟਰੀ: ਟੀਜ਼ਰ ਦੀ ਸ਼ੁਰੂਆਤ ਰਣਬੀਰ ਕਪੂਰ ਦੀ ਅਯੁੱਧਿਆ ਵਿੱਚ ਐਂਟਰੀ ਨਾਲ ਹੁੰਦੀ ਹੈ, ਜਿੱਥੇ ਉਨ੍ਹਾਂ 'ਤੇ ਫੁੱਲਾਂ ਦੀ ਵਰਖਾ ਕੀਤੀ ਜਾਂਦੀ ਹੈ।

ਵਾਰੀਅਰ ਮੋਡ: ਟੀਜ਼ਰ ਵਿੱਚ ਉਨ੍ਹਾਂ ਦਾ 'ਯੋਧਾ ਰੂਪ' ਅਤੇ ਮਾਤਾ ਸੀਤਾ ਤੇ ਲਛਮਣ ਨਾਲ ਬਨਵਾਸ ਦੇ ਦ੍ਰਿਸ਼ ਵੀ ਦਿਖਾਏ ਗਏ ਹਨ।

ਰਾਵਣ ਦੀ ਝਲਕ: ਅੰਤ ਵਿੱਚ 'ਰਾਵਣ' ਬਣੇ ਯਸ਼ (Yash) ਦੀ ਝਲਕ ਨੇ ਪ੍ਰਸ਼ੰਸਕਾਂ ਦੀ ਉਤਸੁਕਤਾ ਨੂੰ ਦੁੱਗਣਾ ਕਰ ਦਿੱਤਾ ਹੈ।

ਕਦੋਂ ਰਿਲੀਜ਼ ਹੋਵੇਗੀ 'ਰਾਮਾਇਣ'?

ਨਿਰਮਾਤਾ ਨਮਿਤ ਮਲਹੋਤਰਾ ਨੇ ਟੀਜ਼ਰ ਸਾਂਝਾ ਕਰਦਿਆਂ ਇੱਕ ਭਾਵੁਕ ਨੋਟ ਲਿਖਿਆ ਕਿ ਰਾਮ ਨੇ ਆਪਣੀ ਇੱਛਾ ਨਾਲੋਂ ਕਰਤੱਵ ਅਤੇ ਤਿਆਗ ਨੂੰ ਉੱਪਰ ਰੱਖਿਆ।

ਰਾਮਾਇਣ ਪਾਰਟ 1: ਇਹ ਫ਼ਿਲਮ ਇਸ ਸਾਲ ਦੀਵਾਲੀ ਦੇ ਮੌਕੇ 'ਤੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।

ਰਾਮਾਇਣ ਪਾਰਟ 2: ਫ਼ਿਲਮ ਦਾ ਦੂਜਾ ਹਿੱਸਾ 2027 ਦੀ ਦੀਵਾਲੀ 'ਤੇ ਰਿਲੀਜ਼ ਕੀਤਾ ਜਾਵੇਗਾ।