'ਦਿਲੋਂ ਕੀ ਸ਼ੂਟਰ' ਢਿੰਚੈਕ ਪੂਜਾ ਬਣੀ ਲਾੜੀ, ਲਾੜੇ ਦੀਆਂ ਅੱਖਾਂ 'ਚ ਡੁੱਬੀ ਸਿੰਗਰ; ਯੂਜ਼ਰਸ ਨੇ ਰੱਖ ਦਿੱਤੀ ਇਹ ਵੱਡੀ ਮੰਗ
ਇੱਕ ਸਮੇਂ ਇੰਟਰਨੈੱਟ ਸੈਂਸੇਸ਼ਨ ਰਹੀ ਢਿੰਚੈਕ ਪੂਜਾ ਨੇ ਆਪਣੇ ਵਿਆਹ ਦੀ ਖ਼ੁਸ਼ਖ਼ਬਰੀ ਪ੍ਰਸ਼ੰਸਕਾਂ ਨਾਲ ਸੋਸ਼ਲ ਮੀਡੀਆ ਰਾਹੀਂ ਸਾਂਝੀ ਕੀਤੀ ਹੈ। ਉਸ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ ਤਸਵੀਰਾਂ ਦਾ ਇੱਕ ਵੀਡੀਓ ਕੋਲਾਜ ਪੋਸਟ ਕੀਤਾ। ਵੀਡੀਓ ਵਿੱਚ ਪੂਜਾ ਨੇ ਲਾਲ ਰੰਗ ਦਾ ਸ਼ਾਹੀ ਵਿਆਹ ਦਾ ਜੋੜਾ ਪਾਇਆ ਹੋਇਆ ਹੈ
Posted By alisha
Publish Date: Thu, 28 May 2026 04:13 PM (IST)
Updated Date: Thu, 28 May 2026 04:19 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਸ਼ਾਇਦ ਹੀ ਕੋਈ ਅਜਿਹਾ ਹੋਵੇਗਾ ਜਿਸ ਨੇ 'ਸੈਲਫੀ ਮੈਨੇ ਲੇ ਲੀ ਆਜ' ਅਤੇ 'ਦਿਲੋਂ ਕਾ ਸ਼ੂਟਰ' ਵਰਗੇ ਪੌਪ ਐਂਥਮ ਨਾ ਸੁਣੇ ਹੋਣ। ਇਨ੍ਹਾਂ ਗਾਣਿਆਂ ਨੂੰ ਵਾਇਰਲ ਗਰਲ ਢਿੰਚੈਕ ਪੂਜਾ ਨੇ ਗਾਇਆ ਸੀ। ਸਾਲ 2017 ਵਿੱਚ ਯੂਟਿਊਬ 'ਤੇ ਵਾਇਰਲ ਹੋਏ ਇਨ੍ਹਾਂ ਦੋ ਗਾਣਿਆਂ ਕਰਕੇ ਸਲਮਾਨ ਖ਼ਾਨ ਵੀ ਢਿੰਚੈਕ ਪੂਜਾ ਨੂੰ 'ਬਿੱਗ ਬੌਸ' ਵਿੱਚ ਬੁਲਾਉਣ ਲਈ ਮਜਬੂਰ ਹੋ ਗਏ ਸਨ।
ਆਪਣੇ 'ਕ੍ਰਿੰਜ ਪੌਪ' ਗਾਣਿਆਂ ਨਾਲ ਸਭ ਦਾ ਮਨੋਰੰਜਨ ਕਰਨ ਵਾਲੀ ਢਿੰਚੈਕ ਪੂਜਾ ਹੁਣ ਵਿਆਹ ਦੇ ਬੰਧਨ ਵਿੱਚ ਬੱਝ ਚੁੱਕੀ ਹੈ। ਹਾਲ ਹੀ ਵਿੱਚ ਉਸਦੇ ਵਿਆਹ ਦੀਆਂ ਕੁਝ ਤਸਵੀਰਾਂ ਇੰਟਰਨੈੱਟ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ।
ਢਿੰਚੈਕ ਪੂਜਾ ਦਾ ਲਾਲ ਸੂਹੇ ਜੋੜੇ 'ਚ ਵੀਡੀਓ ਵਾਇਰਲ
ਇੱਕ ਸਮੇਂ ਇੰਟਰਨੈੱਟ ਸੈਂਸੇਸ਼ਨ ਰਹੀ ਢਿੰਚੈਕ ਪੂਜਾ ਨੇ ਆਪਣੇ ਵਿਆਹ ਦੀ ਖ਼ੁਸ਼ਖ਼ਬਰੀ ਪ੍ਰਸ਼ੰਸਕਾਂ ਨਾਲ ਸੋਸ਼ਲ ਮੀਡੀਆ ਰਾਹੀਂ ਸਾਂਝੀ ਕੀਤੀ ਹੈ। ਉਸ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ ਤਸਵੀਰਾਂ ਦਾ ਇੱਕ ਵੀਡੀਓ ਕੋਲਾਜ ਪੋਸਟ ਕੀਤਾ। ਵੀਡੀਓ ਵਿੱਚ ਪੂਜਾ ਨੇ ਲਾਲ ਰੰਗ ਦਾ ਸ਼ਾਹੀ ਵਿਆਹ ਦਾ ਜੋੜਾ ਪਾਇਆ ਹੋਇਆ ਹੈ ਅਤੇ ਹੱਥਾਂ ਵਿੱਚ ਲਾਲ ਚੂੜਾ ਹੈ। ਮੱਥੇ 'ਤੇ ਮਾਂਗ-ਟਿੱਕਾ, ਗਲੇ 'ਚ ਹਾਰ ਅਤੇ ਨੱਕ 'ਚ ਨੱਥ ਦੇ ਨਾਲ ਉਹ ਇਸ ਬ੍ਰਾਈਡਲ ਲੁੱਕ ਵਿੱਚ ਬੇਹੱਦ ਖ਼ੂਬਸੂਰਤ ਲੱਗ ਰਹੀ ਹੈ।
ਪਹਿਲੀ ਤਸਵੀਰ ਵਿੱਚ ਜਿੱਥੇ ਪੂਜਾ ਆਪਣੇ ਪਤੀ ਦਾ ਹੱਥ ਫੜ ਕੇ ਸਟੇਜ ਵੱਲ ਵਧ ਰਹੀ ਹੈ, ਉੱਥੇ ਹੀ ਦੂਜੀ ਤਸਵੀਰ ਵਿੱਚ ਉਹ ਆਪਣੇ ਪਾਰਟਨਰ ਨੂੰ ਨਿਹਾਰ ਰਹੀ ਹੈ। ਹਾਲਾਂਕਿ ਕਿਸੇ ਵੀ ਤਸਵੀਰ ਵਿੱਚ ਪੂਜਾ ਨੇ ਆਪਣੇ ਪਤੀ ਦਾ ਚਿਹਰਾ ਸਾਫ਼ ਨਹੀਂ ਦਿਖਾਇਆ ਹੈ। ਇਨ੍ਹਾਂ ਤਸਵੀਰਾਂ ਨੂੰ ਸਾਂਝਾ ਕਰਦੇ ਹੋਏ ਪੂਜਾ ਨੇ ਕੈਪਸ਼ਨ ਵਿੱਚ ਲਿਖਿਆ, "ਮੇਰੇ ਵਿਆਹ ਦੀਆਂ ਕੁਝ ਤਸਵੀਰਾਂ.. ਮੈਂ ਬਾਅਂਦ ਵਿੱਚ ਹੋਰ ਵੀ ਸਾਂਝੀਆਂ ਕਰਾਂਗੀ।"
ਵਿਆਹ ਦੀਆਂ ਤਸਵੀਰਾਂ ਦੇਖ ਕੇ ਪ੍ਰਸ਼ੰਸਕਾਂ ਨੇ ਕੀਤੀ ਅਨੋਖੀ ਮੰਗ
ਢਿੰਚੈਕ ਪੂਜਾ ਦੇ ਵਿਆਹ ਦੀਆਂ ਤਸਵੀਰਾਂ ਵਾਇਰਲ ਹੁੰਦੇ ਹੀ ਯੂਜ਼ਰਸ ਨੇ ਉਸ ਦੇ ਸਾਹਮਣੇ ਹੁਣ 'ਵਿਆਹ' 'ਤੇ ਨਵਾਂ ਗਾਣਾ ਬਣਾਉਣ ਦੀ ਮੰਗ ਰੱਖ ਦਿੱਤੀ ਹੈ।
ਇੱਕ ਯੂਜ਼ਰ ਨੇ ਲਿਖਿਆ, "ਹੁਣ ਕੁਈਨ (Queen), ਸਾਨੂੰ ਤੁਹਾਡੇ ਵੱਲੋਂ ਇੱਕ ਵੈਡਿੰਗ ਟ੍ਰੈਕ (Wedding Track) ਚਾਹੀਦਾ ਹੈ।"
ਦੂਜੇ ਯੂਜ਼ਰ ਨੇ ਮਜ਼ਾਕੀਆ ਅੰਦਾਜ਼ ਵਿੱਚ ਲਿਖਿਆ, "ਹੁਣ ਨਵਾਂ ਗਾਣਾ ਆਵੇਗਾ— 'ਸ਼ਾਦੀ ਮੈਨੇ ਕਰ ਲੀ ਆਜ.. ਸ਼ਾਦੀ ਮੈਨੇ ਕਰ ਲੀ ਆਜ'।"
ਇੱਕ ਹੋਰ ਯੂਜ਼ਰ ਨੇ ਟਿੱਪਣੀ ਕੀਤੀ, "ਮੈਂ ਤਾਂ ਇਸ ਦਿੱਗਜ ਨੂੰ ਪਛਾਣਿਆ ਹੀ ਨਹੀਂ, ਜਦੋਂ ਤੱਕ ਅਕਾਊਂਟ ਦਾ ਨਾਮ ਨਹੀਂ ਦੇਖਿਆ। ਬਿਲਕੁਲ ਵੱਖਰੀ ਲੱਗ ਰਹੀ ਹੋ।"
ਤੁਹਾਨੂੰ ਦੱਸ ਦੇਈਏ ਕਿ ਢਿੰਚੈਕ ਪੂਜਾ ਇੰਟਰਨੈੱਟ 'ਤੇ ਕਾਫ਼ੀ ਮਸ਼ਹੂਰ ਹੈ ਅਤੇ ਇੰਸਟਾਗ੍ਰਾਮ 'ਤੇ ਉਸਦੇ ਲਗਪਗ 7 ਲੱਖ 88 ਹਜ਼ਾਰ ਫਾਲੋਅਰਜ਼ ਹਨ।