ਖ਼ਤਰੇ ’ਚ ਆਵੇਗਾ 'Dhurandhar 2' ਦਾ ਰਿਕਾਰਡ, ਟੱਕਰ ਦੇਣ ਆ ਰਹੀ ਹੈ ਮਾਈਥੋਲੋਜੀਕਲ ਫ਼ਿਲਮ; ਰਿਲੀਜ਼ ਡੇਟ ਦਾ ਹੋਇਆ ਐਲਾਨ
ਹੋਮਬਲੇ ਫਿਲਮਜ਼ ਦੇ 'ਮਹਾਵਤਾਰ ਸਿਨੇਮੈਟਿਕ ਯੂਨੀਵਰਸ' ਦੀ ਸ਼ੁਰੂਆਤ ਪਿਛਲੇ ਸਾਲ ਆਈ ਐਨੀਮੇਟਡ ਮਾਈਥੋਲੋਜੀਕਲ ਫ਼ਿਲਮ 'ਮਹਾਵਤਾਰ ਨਰਸਿਮਹਾ' ਰਾਹੀਂ ਹੋਈ ਸੀ, ਜਿਸ ਨੇ ਬਾਕਸ ਆਫਿਸ 'ਤੇ ਕਮਾਈ ਦੇ ਮਾਮਲੇ ਵਿੱਚ ਇਤਿਹਾਸ ਰਚਿਆ ਸੀ ਅਤੇ ਐਨੀਮੇਟਡ ਫ਼ਿਲਮਾਂ ਲਈ ਕਾਮਯਾਬੀ ਦਾ ਇੱਕ ਨਵਾਂ ਅਧਿਆਇ ਲਿਖਿਆ ਸੀ।
Posted By Anuradha Bains
Publish Date: Sun, 19 Apr 2026 02:52 PM (IST)
Updated Date: Sun, 19 Apr 2026 02:54 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਹੋਮਬਲੇ ਫਿਲਮਜ਼ ਦੇ 'ਮਹਾਵਤਾਰ ਸਿਨੇਮੈਟਿਕ ਯੂਨੀਵਰਸ' ਦੀ ਸ਼ੁਰੂਆਤ ਪਿਛਲੇ ਸਾਲ ਆਈ ਐਨੀਮੇਟਡ ਮਾਈਥੋਲੋਜੀਕਲ ਫ਼ਿਲਮ 'ਮਹਾਵਤਾਰ ਨਰਸਿਮਹਾ' ਰਾਹੀਂ ਹੋਈ ਸੀ, ਜਿਸ ਨੇ ਬਾਕਸ ਆਫਿਸ 'ਤੇ ਕਮਾਈ ਦੇ ਮਾਮਲੇ ਵਿੱਚ ਇਤਿਹਾਸ ਰਚਿਆ ਸੀ ਅਤੇ ਐਨੀਮੇਟਡ ਫ਼ਿਲਮਾਂ ਲਈ ਕਾਮਯਾਬੀ ਦਾ ਇੱਕ ਨਵਾਂ ਅਧਿਆਇ ਲਿਖਿਆ ਸੀ।
ਹੁਣ ਮਹਾਵਤਾਰ ਸਿਨੇਮੈਟਿਕ ਯੂਨੀਵਰਸ ਦੀ ਅਗਲੀ ਕਿਸ਼ਤ 'ਮਹਾਵਤਾਰ ਪਰਸ਼ੂਰਾਮ' ਆ ਰਹੀ ਹੈ, ਜਿਸ ਦਾ ਪਹਿਲਾ 'ਮੋਸ਼ਨ ਪੋਸਟਰ' ਮੇਕਰਸ ਵੱਲੋਂ ਰਿਲੀਜ਼ ਕਰ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ 'ਮਹਾਵਤਾਰ ਪਰਸ਼ੂਰਾਮ' ਦੀ ਰਿਲੀਜ਼ ਡੇਟ ਤੋਂ ਵੀ ਪਰਦਾ ਉਠਾ ਦਿੱਤਾ ਗਿਆ ਹੈ। ਆਓ ਜਾਣਦੇ ਹਾਂ ਕਿ ਇਹ ਫ਼ਿਲਮ ਸਿਨੇਮਾਘਰਾਂ ਵਿੱਚ ਕਦੋਂ ਰਿਲੀਜ਼ ਹੋਵੇਗੀ।
ਦਮਦਾਰ ਹੈ 'ਮਹਾਵਤਾਰ ਪਰਸ਼ੂਰਾਮ' ਦਾ ਪੋਸਟਰ
ਹੋਮਬਲੇ ਫਿਲਮਜ਼ ਦੇ 'ਮਹਾਵਤਾਰ ਸਿਨੇਮੈਟਿਕ ਯੂਨੀਵਰਸ' ਦੀਆਂ ਫ਼ਿਲਮਾਂ ਭਗਵਾਨ ਵਿਸ਼ਨੂੰ ਦੇ ਅਵਤਾਰਾਂ ਦੇ ਆਲੇ-ਦੁਆਲੇ ਬੁਣੀਆਂ ਗਈਆਂ ਹਨ। ਇਸੇ ਲੜੀ ਤਹਿਤ ਹੁਣ 'ਮਹਾਵਤਾਰ ਪਰਸ਼ੂਰਾਮ' ਵਿੱਚ ਭਗਵਾਨ ਵਿਸ਼ਨੂੰ ਦੇ ਛੇਵੇਂ ਅਤੇ ਸਭ ਤੋਂ ਪ੍ਰਸਿੱਧ ਅਵਤਾਰ ਪਰਸ਼ੂਰਾਮ ਜੀ ਦੀ ਕਹਾਣੀ ਦਿਖਾਈ ਜਾਵੇਗੀ। ਐਤਵਾਰ ਨੂੰ ਹੋਮਬਲੇ ਫਿਲਮਜ਼ ਨੇ ਆਪਣੇ ਆਫੀਸ਼ੀਅਲ ਐਕਸ ਹੈਂਡਲ 'ਤੇ ਇਸ ਫ਼ਿਲਮ ਦਾ ਫਸਟ ਲੁੱਕ ਅਤੇ ਰਿਲੀਜ਼ ਡੇਟ ਸਾਂਝੀ ਕੀਤੀ ਹੈ।
ਸੱਤ ਹਿੱਸਿਆਂ ਵਾਲਾ ਮਹਾਨ ਯੂਨੀਵਰਸ
ਦੱਸ ਦੇਈਏ ਕਿ 'ਮਹਾਵਤਾਰ ਨਰਸਿਮਹਾ' ਤੋਂ ਬਾਅਦ, ਜੋ ਕਿ ਹੋਮਬਲੇ ਫਿਲਮਜ਼ ਅਤੇ ਕਲੀਮ ਪ੍ਰੋਡਕਸ਼ਨ ਦੀ ਪੇਸ਼ਕਸ਼ ਸੀ, ਹੁਣਾ 'ਮਹਾਵਤਾਰ ਪਰਸ਼ੂਰਾਮ' ਇਸ ਸੱਤ-ਭਾਗਾਂ ਵਾਲੇ ਸਿਨੇਮੈਟਿਕ ਯੂਨੀਵਰਸ ਦੀ ਦੂਜੀ ਕਿਸ਼ਤ ਵਜੋਂ ਸਾਹਮਣੇ ਆ ਰਹੀ ਹੈ। ਭਗਵਾਨ ਵਿਸ਼ਨੂੰ ਦੇ ਦਸ ਅਵਤਾਰਾਂ 'ਤੇ ਅਧਾਰਿਤ ਇਸ ਵਿਸ਼ਾਲ ਯੂਨੀਵਰਸ ਨੂੰ ਹੋਮਬਲੇ ਫਿਲਮਜ਼ ਅਤੇ ਕਲੀਮ ਪ੍ਰੋਡਕਸ਼ਨ ਮਿਲ ਕੇ ਤਿਆਰ ਕਰ ਰਹੇ ਹਨ।
A STORM RISES AGAINST ADHARMA 🪓🔥
Presenting the #MahavatarParshuraam Title Reveal Motion Poster
Coming to cinemas December 2027.@hombalefilms @VKiragandur @AshwinKleem @kleemproduction @shilpaadhawan @SamCSmusic @MahavatarTales pic.twitter.com/sWHLajbunz
— Hombale Films (@hombalefilms) April 19, 2026
ਵੱਡੀ ਸਟਾਰ ਪਾਵਰ ਅਤੇ ਮੇਕਰਸ
KGF, ਸਾਲਾਰ ਅਤੇ ਕਾਂਤਾਰਾ ਵਰਗੀਆਂ ਬਲਾਕਬਸਟਰ ਫ਼ਿਲਮਾਂ ਦੇਣ ਵਾਲੇ ਹੋਮਬਲੇ ਫਿਲਮਜ਼ ਦੀ ਇਹ ਇਕ ਹੋਰ ਵੱਡੀ ਪੇਸ਼ਕਸ਼ ਹੈ। ਅਸ਼ਵਿਨ ਕੁਮਾਰ ਦੁਆਰਾ ਨਿਰਦੇਸ਼ਿਤ ਇਸ ਫ਼ਿਲਮ ਨੂੰ ਵਿਜੇ ਕਿਰਾਗਾਂਦੁਰ ਅਤੇ ਸ਼ਿਲਪਾ ਧਵਨ ਨੇ ਪ੍ਰੋਡਿਊਸ ਕੀਤਾ ਹੈ, ਜਦਕਿ ਇਸ ਦਾ ਸੰਗੀਤ ਸੈਮ ਸੀ.ਐਸ. ਨੇ ਦਿੱਤਾ ਹੈ।
ਖ਼ਤਰੇ ਵਿੱਚ ਆਉਣਗੇ 'ਧੁਰੰਧਰ 2' ਦੇ ਰਿਕਾਰਡ
ਜਿਸ ਤਰ੍ਹਾਂ ਦੀ ਸਫ਼ਲਤਾ 'ਮਹਾਵਤਾਰ ਨਰਸਿਮਹਾ' ਨੂੰ ਮਿਲੀ ਸੀ, ਉਸ ਤੋਂ ਕਈ ਗੁਣਾ ਵੱਧ ਕਮਰਸ਼ੀਅਲ ਸਫ਼ਲਤਾ 'ਮਹਾਵਤਾਰ ਪਰਸ਼ੂਰਾਮ' ਨੂੰ ਮਿਲਣ ਦੀ ਉਮੀਦ ਹੈ। ਇਸ ਕਾਰਨ ਇਹ ਮੰਨਿਆ ਜਾ ਰਿਹਾ ਹੈ ਕਿ ਬਾਕਸ ਆਫਿਸ 'ਤੇ ਕਮਾਈ ਦੇ ਮਾਮਲੇ ਵਿੱਚ ਇਹ ਫ਼ਿਲਮ 'ਧੁਰੰਧਰ 2' ਨੂੰ ਸਖ਼ਤ ਟੱਕਰ ਦੇ ਸਕਦੀ ਹੈ ਅਤੇ ਰਣਵੀਰ ਸਿੰਘ ਦੀ ਫ਼ਿਲਮ ਦੇ ਰਿਕਾਰਡ ਖ਼ਤਰੇ ਵਿੱਚ ਆ ਸਕਦੇ ਹਨ।