Bigg Boss 18: Time God ਨੂੰ ਪਿੱਛੇ ਛੱਡ ਕੇ ਇਹ ਕੰਟੈਸਟੈਂਟ ਬਣਿਆ ਅਸਲੀ 'ਕਿੰਗ', ਨਾਂ ਜਾਣ ਕੇ ਹੋ ਜਾਵੋਗੇ ਹੈਰਾਨ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : Bigg Boss 18 ਭਾਵੇਂ ਹੀ ਵਿਵਾਦਾਂ ਨਾਲ ਭਰਿਆ ਸ਼ੋਅ ਹੋਵੇ ਪਰ ਇਹ ਵੀ ਸੱਚ ਹੈ ਕਿ ਦਰਸ਼ਕ ਇਸ ਤੋਂ ਕਦੇ ਵੀ ਸੰਤੁਸ਼ਟ ਨਹੀਂ ਹੁੰਦੇ। ਹਰ ਸੀਜ਼ਨ 'ਚ ਬਿੱਗ ਬੌਸ ਵੀ ਦਰਸ਼ਕਾਂ ਲਈ ਕੁਝ ਨਵਾਂ ਲਿਆਉਣ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਜੋ ਦਰਸ਼ਕ ਸ਼ੋਅ ਨਾਲ ਜੁੜ ਸਕਣ।

ਜਿਵੇਂ ਹੀ ਨਾਮਿਨੇਸ਼ਨ ਆਉਂਦੇ ਹਨ, ਸੋਸ਼ਲ ਮੀਡੀਆ 'ਤੇ ਰੁਝਾਨ ਸ਼ੁਰੂ ਹੋ ਜਾਂਦਾ ਹੈ। ਕੰਟੈਸਟੈਂਟਸ ਦੇ ਵਿਵਹਾਰ ਤੋਂ ਲੈ ਕੇ ਉਨ੍ਹਾਂ ਦੀਆਂ ਅੱਖਾਂ 'ਚ ਹੰਝੂ ਤੇ ਉਨ੍ਹਾਂ ਦੇ ਪਾਖੰਡ ਤੱਕ, ਪ੍ਰਸ਼ੰਸਕ ਹਰ ਚੀਜ਼ 'ਤੇ ਤਿੱਖੀ ਨਜ਼ਰ ਰੱਖਦੇ ਹਨ।

ਜਦੋਂ ਵੀ ਬਿੱਗ ਬੌਸ ਨਿਰਮਾਤਾ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਕੋਈ ਸਰਵੇਖਣ ਕਰਦੇ ਹਨ ਤਾਂ ਪ੍ਰਸ਼ੰਸਕ ਇਸ 'ਤੇ ਆਪਣੀ ਪ੍ਰਤੀਕਿਰਿਆ ਜ਼ਰੂਰ ਦਿੰਦੇ ਹਨ। ਪਿਛਲੇ ਛੇ ਹਫ਼ਤਿਆਂ ਦੀ ਤਰ੍ਹਾਂ ਇਸ ਹਫ਼ਤੇ ਵੀ ਦਰਸ਼ਕਾਂ ਨੇ ਦੱਸਿਆ ਕਿ ਕਿਹੜਾ ਕੰਟੈਸਟੈਂਟ ਉਨ੍ਹਾਂ ਦਾ ਪਸੰਦੀਦਾ ਤੇ ਬਿੱਗ ਬੌਸ 18 ਦਾ ਬਾਦਸ਼ਾਹ ਵੀ ਹੈ।

ਇਸ ਬਿੱਗ ਬੌਸ 18 ਕੰਟੈਸਟੈਂਟ ਨੂੰ ਫੈਨਜ਼ ਨੇ ਚੁਣਿਆ ਕਿੰਗ

ਬਿੱਗ ਬੌਸ 18 ਵਿੱਚ ਕੁੱਲ 18 ਕੰਟੈਸਟੈਂਟ ਸ਼ਾਮਲ ਹੋਏ ਸਨ, ਜਿਨ੍ਹਾਂ ਵਿੱਚੋਂ ਗੁਣਰਤਨਾ ਸਦਾਵਰਤੇ, ਨਾਇਰਾ ਬੈਨਰਜੀ, ਹੇਮਾ ਸ਼ਰਮਾ, ਸ਼ਹਿਜ਼ਾਦਾ ਧਾਮੀ ਤੇ ਅਰਫੀਨ ਸ਼ੋਅ ਤੋਂ ਬਾਹਰ ਹੋ ਗਏ ਹਨ। ਪਹਿਲਾਂ ਸ਼ੋਅ 'ਚ ਕੁੱਲ 14 ਪ੍ਰਤੀਯੋਗੀ ਰਹਿ ਗਏ ਸਨ ਪਰ ਦਿਗਵਿਜੇ ਸਿੰਘ ਰਾਠੀ ਤੇ ਕਸ਼ਿਸ਼ ਕਪੂਰ ਦੇ ਆਉਣ ਤੋਂ ਬਾਅਦ ਇਹ ਗਿਣਤੀ 16 ਹੋ ਗਈ।

ਜਦੋਂ ਦਿਗਵਿਜੇ ਸਿੰਘ ਆਏ ਸਨ ਤਾਂ ਉਨ੍ਹਾਂ ਨੇ ਵਿਵਿਅਨ ਦਿਸੇਨਾ ਨੂੰ ਸਿੱਧੇ ਤੌਰ 'ਤੇ ਕਿਹਾ ਸੀ ਕਿ ਉਹ ਬਿੱਗ ਬੌਸ ਦਾ ਲਾਡਲਾ ਹੋ ਸਕਦਾ ਹੈ ਪਰ 'ਸਪਲਿਟਸਵਿਲਾ' ਕੰਟੈਸਟੈਂਟ ਲੋਕਾਂ ਦਾ ਲਾਡਲਾ ਬਣਨ ਲਈ ਘਰ ਆਇਆ ਹੈ ਤੇ ਉਹ ਇਸ ਖਿਤਾਬ ਨੂੰ ਬਰਕਰਾਰ ਰੱਖੇਗਾ। ਹਾਲਾਂਕਿ ਅਜਿਹਾ ਕਿਤੇ ਵੀ ਹੁੰਦਾ ਨਜ਼ਰ ਨਹੀਂ ਆ ਰਿਹਾ। ਕਲਰਜ਼ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਕ ਪੋਸਟ ਸ਼ੇਅਰ ਕੀਤੀ ਹੈ। ਜਿਸ 'ਚ ਦੱਸਿਆ ਹੈ ਕਿ ਦਰਸ਼ਕਾਂ ਦੇ ਮੁਤਾਬਕ ਇਸ ਹਫ਼ਤੇ 'ਬਿੱਗ ਬੌਸ 18' ਦੇ ਬਾਦਸ਼ਾਹ ਵਿਵੀਅਨ ਦਿਸੇਨਾ ਹਨ।

ਆਉਣ ਨਾਲ ਹੀ ਤੈਅ ਹੋ ਗਈ ਸੀ ਵਿਵਿਅਨ ਦਿਸੇਨਾ ਦੀ ਕਿਸਮਤ

ਸੀਜ਼ਨ 18 ਦੀ ਸ਼ੁਰੂਆਤ ਨਾਲ ਬਿੱਗ ਬੌਸ ਨੇ ਨਾ ਸਿਰਫ਼ ਵਿਵਿਅਨ ਦਿਸੇਨਾ ਨੂੰ ਆਪਣਾ ਲਾਡਲਾ ਕਿਹਾ, ਸਗੋਂ ਉਸ ਨੂੰ ਤੇ ਐਲਿਸ ਨੂੰ ਟਾਪ 2 ਫਾਈਨਲਿਸਟ ਵਜੋਂ ਵੀ ਬੁਲਾਇਆ ਸੀ। ਹਾਲਾਂਕਿ ਸ਼ੁਰੂਆਤ 'ਚ ਕਈ ਮੁਕਾਬਲੇਬਾਜ਼ ਵਿਵਿਅਨ ਦੇ ਸਾਹਮਣੇ ਬੋਲਣ ਤੋਂ ਡਰਦੇ ਸਨ ਪਰ ਹੁਣ ਨਾ ਸਿਰਫ ਰਜਤ ਦਲਾਲ ਸਗੋਂ ਦਿਗਵਿਜੇ ਸਿੰਘ ਰਾਠੀ ਤੇ ਚਾਹਤ ਪਾਂਡੇ ਸਮੇਤ ਕਈ ਮੈਂਬਰ ਉਸ ਦਾ ਸਾਹਮਣਾ ਕਰਨ ਦਾ ਕੋਈ ਮੌਕਾ ਨਹੀਂ ਛੱਡਦੇ।

ਸ਼ੁਰੂਆਤੀ ਕੁਝ ਹਫ਼ਤਿਆਂ 'ਚ ਵਿਵਿਅਨ ਦਿਸੇਨਾ ਨੇ ਵੀ ਸਾਰਿਆਂ ਦੀ ਗੱਲ ਬਹੁਤ ਚੁੱਪਚਾਪ ਸੁਣੀ ਪਰ ਹੁਣ ਹੌਲੀ-ਹੌਲੀ ਉਸ ਦੀ ਖੇਡ ਸਾਹਮਣੇ ਆ ਰਹੀ ਹੈ। ਹਾਲਾਂਕਿ, ਬਹੁਤ ਸਾਰੇ ਯੂਜ਼ਰਜ਼ ਨੇ ਵਿਵੀਅਨ ਦਿਸੇਨਾ ਨੂੰ ਦੋ ਵਾਰ ਟਾਈਮ ਗੌਡ ਬਣਾਉਣ ਤੇ ਉਸ ਨੂੰ ਨਿਸ਼ਾਨਾ ਨਾ ਬਣਾਉਣ ਲਈ ਨਿਰਮਾਤਾਵਾਂ 'ਤੇ ਪੱਖਪਾਤੀ ਹੋਣ ਦਾ ਦੋਸ਼ ਵੀ ਲਗਾਇਆ ਹੈ।