ਕੋਈ ਕੰਮ ਨਹੀਂ ਦੇ ਰਿਹਾ... ਕਪਿਲ ਸ਼ਰਮਾ ਸ਼ੋਅ ਕਾਰਨ ਅਰਚਨਾ ਪੂਰਨ ਸਿੰਘ ਨੂੰ ਨਹੀਂ ਮਿਲ ਰਹੀਆਂ ਫ਼ਿਲਮਾਂ, ਬਿਆਨ ਕੀਤਾ ਦਰਦ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਹਿੰਦੀ ਸਿਨੇਮਾ ਦੀ ਦਿੱਗਜ ਅਦਾਕਾਰਾ ਅਰਚਨਾ ਪੂਰਨ ਸਿੰਘ ਪਿਛਲੇ ਚਾਰ ਦਹਾਕਿਆਂ ਤੋਂ ਇੰਡਸਟਰੀ ਵਿੱਚ ਬਤੌਰ ਅਦਾਕਾਰਾ ਸਰਗਰਮ ਹੈ। ਮੌਜੂਦਾ ਸਮੇਂ ਵਿੱਚ ਉਨ੍ਹਾਂ ਦਾ ਨਾਮ ਕਾਮੇਡੀਅਨ ਕਪਿਲ ਸ਼ਰਮਾ ਦੇ 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਲਈ ਜਾਣਿਆ ਜਾਂਦਾ ਹੈ। ਹਾਲ ਹੀ ਵਿੱਚ ਇੱਕ ਮੀਡੀਆ ਇੰਟਰਵਿਊ ਦੌਰਾਨ ਅਰਚਨਾ ਨੇ ਇਸ ਗੱਲ ਦਾ ਖੁਲਾਸਾ ਕੀਤਾ ਹੈ ਕਿ ਕਪਿਲ ਦੇ ਸ਼ੋਅ ਕਾਰਨ ਉਨ੍ਹਾਂ ਨੂੰ ਫ਼ਿਲਮਾਂ ਦੇ ਆਫਰ ਆਉਣੇ ਬੰਦ ਹੋ ਗਏ ਹਨ। ਆਓ ਜਾਣਦੇ ਹਾਂ ਕਿ ਅਦਾਕਾਰਾ ਨੇ ਆਪਣੇ ਬਿਆਨ ਵਿੱਚ ਕੀ-ਕੀ ਕਿਹਾ ਹੈ-

ਅਰਚਨਾ ਪੂਰਨ ਸਿੰਘ ਦਾ ਹੈਰਾਨੀਜਨਕ ਖੁਲਾਸਾ

ਹਾਲ ਹੀ 'ਚ ਇਕ ਚੈਨਲ ਨੂੰ ਦਿੱਤੇ ਇੰਟਰਵਿਊ 'ਚ ਅਰਚਨਾ ਪੂਰਨ ਸਿੰਘ ਨੇ ਕੰਮ ਨਾ ਮਿਲਣ ਬਾਰੇ ਖੁੱਲ੍ਹ ਕੇ ਚਰਚਾ ਕੀਤੀ ਹੈ। ਅਦਾਕਾਰਾ ਨੇ ਦੱਸਿਆ- ਕਾਮੇਡੀਅਨ ਕਪਿਲ ਸ਼ਰਮਾ ਦੇ ਸ਼ੋਅ 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਦੇ ਕਾਰਨ ਮੈਨੂੰ ਹੁਣ ਫ਼ਿਲਮਾਂ ਦੇ ਆਫਰ ਆਉਣੇ ਬੰਦ ਹੋ ਗਏ ਹਨ। ਕੋਈ ਵੀ ਫ਼ਿਲਮ ਮੇਕਰ ਮੇਰੇ ਨਾਲ ਕੰਮ ਨਹੀਂ ਕਰਨਾ ਚਾਹੁੰਦਾ। ਇਸ ਸ਼ੋਅ ਕਾਰਨ ਮੈਂ ਕਈ ਫ਼ਿਲਮਾਂ ਦੇ ਆਫਰ ਠੁਕਰਾਏ ਸਨ।

ਮੈਨੂੰ ਅੱਜ ਵੀ ਯਾਦ ਹੈ ਕਿ ਇੱਕ ਵੱਡੇ ਪ੍ਰੋਜੈਕਟ ਲਈ ਮੈਨੂੰ ਲਗਪਗ 25 ਦਿਨਾਂ ਲਈ ਸਕਾਟਲੈਂਡ ਜਾਣਾ ਸੀ, ਜਿੱਥੇ ਉਸ ਪ੍ਰੋਜੈਕਟ ਦੀ ਸ਼ੂਟਿੰਗ ਹੋਣੀ ਸੀ। ਪਰ ਸ਼ੋਅ ਦੀ ਲਗਾਤਾਰ ਸ਼ੂਟਿੰਗ ਕਾਰਨ ਮੈਨੂੰ ਉਹ ਆਫਰ ਠੁਕਰਾਉਣਾ ਪਿਆ। ਜਦੋਂ ਕਪਿਲ ਦਾ ਸ਼ੋਅ ਟੀਵੀ 'ਤੇ ਆਉਂਦਾ ਸੀ, ਤਾਂ ਕਰੀਬ 100 ਐਪੀਸੋਡ ਸ਼ੂਟ ਹੁੰਦੇ ਸਨ, ਜਿਸ ਕਾਰਨ ਮੈਂ ਸਾਰਾ ਸਾਲ ਰੁੱਝੀ ਰਹਿੰਦੀ ਸੀ। ਪਰ ਓਟੀਟੀ (OTT) 'ਤੇ ਆਉਣ ਤੋਂ ਬਾਅਦ ਚੀਜ਼ਾਂ ਬਦਲ ਗਈਆਂ ਹਨ।

ਹੁਣ ਹੌਲੀ-ਹੌਲੀ ਫ਼ਿਲਮ ਮੇਕਰਸ ਨੇ ਮੈਨੂੰ ਕੰਮ ਲਈ ਅਪ੍ਰੋਚ ਕਰਨਾ ਵੀ ਬੰਦ ਕਰ ਦਿੱਤਾ ਹੈ। ਅਜਿਹਾ ਲੱਗ ਰਿਹਾ ਹੈ ਕਿ 44 ਸਾਲ ਕੰਮ ਕਰਨ ਤੋਂ ਬਾਅਦ ਵੀ ਕੋਈ ਮੈਨੂੰ ਅਦਾਕਾਰਾ ਵਜੋਂ ਗੰਭੀਰਤਾ ਨਾਲ ਨਹੀਂ ਲੈ ਰਿਹਾ ਅਤੇ ਕੋਈ ਵੱਡਾ ਰੋਲ ਆਫਰ ਨਹੀਂ ਕਰ ਰਿਹਾ। ਇਸ ਤਰ੍ਹਾਂ ਅਰਚਨਾ ਪੂਰਨ ਸਿੰਘ ਦਾ ਦਰਦ ਛਲਕਿਆ ਹੈ।

ਇਸ ਮੂਵੀ 'ਚ ਆਈ ਨਜ਼ਰ

ਬੇਸ਼ੱਕ ਇੱਕ ਪਾਸੇ ਅਰਚਨਾ ਪੂਰਨ ਸਿੰਘ ਕੰਮ ਨਾ ਮਿਲਣ ਦੀ ਗੱਲ ਕਰ ਰਹੀ ਹੈ, ਉੱਥੇ ਹੀ ਦੂਜੇ ਪਾਸੇ ਉਨ੍ਹਾਂ ਦੀ ਤਾਜ਼ਾ ਫ਼ਿਲਮ 'ਟੋਸਟਰ' ਦੀ ਖੂਬ ਚਰਚਾ ਹੋ ਰਹੀ ਹੈ। ਅਦਾਕਾਰ ਰਾਜਕੁਮਾਰ ਰਾਓ ਅਤੇ ਸਾਨਿਆ ਮਲਹੋਤਰਾ ਦੀ ਇਸ ਮੂਵੀ ਵਿੱਚ ਅਰਚਨਾ ਨੇ ਆਪਣੀ ਦਮਦਾਰ ਅਦਾਕਾਰੀ ਦੀ ਛਾਪ ਛੱਡ ਕੇ ਸਭ ਦਾ ਦਿਲ ਜਿੱਤ ਲਿਆ ਹੈ ਅਤੇ ਹਰ ਕੋਈ ਉਨ੍ਹਾਂ ਦੀ ਤਾਰੀਫ਼ ਕਰ ਰਿਹਾ ਹੈ। ਫ਼ਿਲਮ 'ਟੋਸਟਰ' ਨੂੰ ਤੁਸੀਂ ਓਟੀਟੀ ਪਲੇਟਫਾਰਮ ਨੈੱਟਫਲਿਕਸ 'ਤੇ ਆਨਲਾਈਨ ਦੇਖ ਸਕਦੇ ਹੋ।