ਅਦਾਕਾਰ ਗੈਵੀ ਚਾਹਲ ਵੀ ਹੜ੍ਹ ਪੀੜਤਾਂ ਦੀ ਮਦਦ ਲਈ ਨਿੱਤਰੇ, ਪਸ਼ੂਆਂ ਲਈ ਚਾਰਾ ਭੇਜਣ ਦੀ ਚਲਾਈ ਮੁਹਿੰਮ

ਗੈਵੀ ਚਾਹਲ ਨੇ ਅਪੀਲ ਕੀਤੀ ਕਿ ਜੋ ਵੀ ਸੱਜਣ ਇਸ ਨੇਕ ਕਾਰਜ ’ਚ ਹਿੱਸਾ ਪਾਉਣਾ ਚਾਹੁੰਦਾ ਹੈ, ਉੁਹ ਗੈਵੀ ਚਾਹਲ ਫਾਊਂਡੇਸ਼ਨ ਅਤੇ ਗ੍ਰਾਮ ਪੰਚਾਇਤ ਦੁੱਧੜ ਦੇ ਨੁਮਾਇੰਦਿਆਂ ਨਾਲ ਸੰਪਰਕ ਬਣਾ ਸਕਦਾ ਹੈ। ਜੱਸੀ ਸਰਪੰਚ ਨੇ ਦੱਸਿਆ ਕਿ ਹੜ੍ਹ ਪੀੜਤ ਇਨਸਾਨਾਂ ਦੇ ਨਾਲ-ਨਾਲ ਉਨ੍ਹਾਂ ਦੇ ਪਸ਼ੂਆਂ ਲਈ ਚਾਰੇ ਦੀ ਸਖ਼ਤ ਜ਼ਰੂਰਤ ਹੈ। ਇਸ ਕਰਕੇ ਉਨ੍ਹਾਂ ਗੈਵੀ ਚਹਿਲ ਦੀ ਪ੍ਰੇਰਨਾ ਤੇ ਮੱਦਦ ਨਾਲ ਇਹ ਕਾਰਜ ਵਿੱਢਿਆ ਹੈ।ਇਸ ਮੌਕੇ ਆਸਟਰੇਲੀਆ ਤੋਂ ਆਏ ਗੁਰਪ੍ਰੀਤ ਸਿੰਘ ਸਰਾਂ ਨੇ ਵੀ ਸੇਵਾ ’ਚ ਹਿੱਸਾ ਪਾਇਆ। ਖਾਸ ਗੱਲ ਇਹ ਹੈ ਕਿ ਚਾਰੇ ਵਾਲੀਆਂ ਟਰਾਲੀਆਂ ’ਤੇ ਕੋਈ ਫਲੈਕਸ ਆਦਿ ਨਹੀਂ ਲਗਾਈ ਇਸ ਨੂੰ ਗੁਪਤਦਾਨ ਵਜੋਂ ਹੀ ਭੇਜਿਆ ਗਿਆ ਹੈ। ਪਿੰਡ ਵਾਸੀਆਂ ਨੇ ਗੈਵੀ ਚਾਹਲ ਫਾਊਂਡੇਸ਼ਨ ਦਾ ਸਹਿਯੋਗ ਲਈ ਉਚੇਚੇ ਤੌਰ ’ਤੇ ਧੰਨਵਾਦ ਕੀਤਾ, ਗੈਵੀ ਚਾਹਲ ਅਤੇ ਗੁਰਪ੍ਰੀਤ ਸਰਾਂ ਨੂੰ ਸਿਰੋਪਾਓ ਭੇਟ ਕੀਤਾ। ਇਸ ਮੌਕੇ ਵੱਡੀ ਗਿਣਤੀ ’ਚ ਪਿੰਡ ਵਾਸੀ ਹਾਜ਼ਰ ਸਨ।