ਰੋਹਿਤ ਸ਼ੈੱਟੀ ਦੇ ਘਰ ’ਤੇ ਫਾਇਰਿੰਗ ਮਾਮਲੇ ’ਚ ਪੁਣੇ ਤੋਂ 4 ਗ੍ਰਿਫ਼ਤਾਰ; ਬਿਸ਼ਨੋਈ ਗੈਂਗ ਨਾਲ ਜੁੜੇ ਤਾਰ

ਮਿਡ ਡੇ, ਮੁੰਬਈ : ਫਿਲਮ ਨਿਰਮਾਤਾ ਰੋਹਿਤ ਸ਼ੈੱਟੀ ਦੇ ਘਰ ’ਤੇ ਹੋਈ ਫਾਇਰਿੰਗ ਦੇ ਮਾਮਲੇ ’ਚ ਮੁੰਬਈ ਐਂਟੀ ਐਕਸਟਾਰਸ਼ਨ ਸੈੱਲ ਨੇ ਪੁਣੇ ਤੋਂ ਚਾਰ ਮੁਲਜ਼ਮਾਂ ਤੋਂ ਗ੍ਰਿਫ਼ਤਾਰ ਕੀਤਾ ਹੈ। ਜਾਂਚ ਟੀਮ ਨੇ ਉਨ੍ਹਾਂ ਚਾਰ ਮੁਲਜ਼ਮੰ ਵਿਚਾਲੇ ਸਬੰਧ ਸਥਾਪਿਤ ਕੀਤਾ ਹੈ, ਜੋ ਸ਼ੁਭਮ ਲੋਂਕਰ ਦੇ ਸੰਪਰਕ ’ਚ ਸਨ। ਲੋਂਕਰ ਬਿਸ਼ਨੋਈ ਗੈਂਗ ਦਾ ਮੈਂਬਰ ਹੈ। ਐਂਟੀ ਐਕਸਟਾਰਸ਼ਨ ਸੈੱਲ ਨੇ ਜਾਂਚ ’ਚ ਇਹ ਵੀ ਪਾਇਆ ਕਿ ਸ਼ੁਭਮ ਲੋਂਕਰ ਹੀ ਫਾਇਰਿੰਗ ਕਰਵਾਉਣ ਦਾ ਮਾਸਟਰਮਾਈਂਡ ਹੈ। ਉਸਨੇ ਹੀ ਇੰਟਰਨੈੱਟ ਮੀਡੀਆ ’ਤੇ ਸੰਦੇਸ਼ ਪੋਸਟ ਕਰ ਕੇ ਇਸਦੀ ਜ਼ਿੰਮੇਵਾਰੀ ਵੀ ਲਈ ਹੈ। ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ’ਚੋਂ ਇਕ ਸਵਪਨਿਲ ਬੰਡੂ ਸਕਟ ਲੋਂਕਰ ਦੇ ਸੰਪਰਕ ’ਚ ਸੀ।