UGC NET 2021 : ਯੂਜੀਸੀ ਨੈੱਟ ਪ੍ਰੀਖਿਆ ਅੱਜ ਤੋਂ ਸ਼ੁਰੂ, ਇੱਥੋ ਚੈੱਕ ਕਰੀਏ ਡਰੈੱਸ ਕੋਡ ਅਤੇ ਹੋਰ ਦਿਸ਼ਾ-ਨਿਰਦੇਸ਼
ਯੂਜੀਸੀ ਨੈੱਟ 2021 ਪ੍ਰੀਖਿਆ ਕੱਲ੍ਹ ਤੋਂ ਯਾਨੀ ਕਿ 20 ਨਵੰਬਰ ਤੋਂ ਸ਼ੁਰੂ ਹੋ ਰਹੀ ਹੈ। ਇਹ ਪ੍ਰੀਖਿਆ ਕੱਲ੍ਹ ਤੋਂ 5 ਦਸੰਬਰ ਤਕ ਕਰਵਾਈ ਜਾਵੇਗੀ, ਉਥੇ ਹੀ ਪ੍ਰੀਖਿਆ ਕਰਵਾਉਣ ਵਾਲੀ ਏਜੰਸੀ ਯਾਨੀ ਕਿ ਨੈਸ਼ਨਲ ਟੈਸਟਿੰਗ ਏਜੰਸੀ ਕੱਲ੍ਹ ਤੋਂ ਦੇਸ਼ ਦੇ ਵੱਖਰੇ ਪ੍ਰੀਖਿਆ ਕੇਂਦਰਾਂ 'ਤੇ ਪ੍ਰੀਖਿਆ ਦਾ ਸੰਚਾਲਨ ਕਰੇਗੀ।
Posted By Susheel Khanna
Publish Date: Fri, 19 Nov 2021 05:18 PM (IST)
Updated Date: Sat, 20 Nov 2021 09:12 AM (IST)
UGC NET 2021 : ਯੂਜੀਸੀ ਨੈੱਟ 2021 ਪ੍ਰੀਖਿਆ ਕੱਲ੍ਹ ਤੋਂ ਯਾਨੀ ਕਿ 20 ਨਵੰਬਰ ਤੋਂ ਸ਼ੁਰੂ ਹੋ ਰਹੀ ਹੈ। ਇਹ ਪ੍ਰੀਖਿਆ ਕੱਲ੍ਹ ਤੋਂ 5 ਦਸੰਬਰ ਤਕ ਕਰਵਾਈ ਜਾਵੇਗੀ, ਉਥੇ ਹੀ ਪ੍ਰੀਖਿਆ ਕਰਵਾਉਣ ਵਾਲੀ ਏਜੰਸੀ ਯਾਨੀ ਕਿ ਨੈਸ਼ਨਲ ਟੈਸਟਿੰਗ ਏਜੰਸੀ ਕੱਲ੍ਹ ਤੋਂ ਦੇਸ਼ ਦੇ ਵੱਖ-ਵੱਖ ਪ੍ਰੀਖਿਆ ਕੇਂਦਰਾਂ 'ਤੇ ਪ੍ਰੀਖਿਆਵਾਂ ਦਾ ਸੰਚਾਲਨ ਕਰੇਗੀ। ਇਸਦੇ ਨਾਲ ਹੀ ਐਗਜਾਮ ਨਾਲ ਜੁੜੇ ਦਿਸ਼ਾ-ਨਿਰਦੇਸ਼ ਅਤੇ ਡਰੈੱਸ ਕੋਡ ਵੀ ਜਾਰੀ ਕਰ ਦਿੱਤਾ ਗਿਆ ਹੈ। ਅਜਿਹੇ ਵਿਚ ਜੋ ਵੀ ਉਮੀਦਵਾਰ ਯੂਜੀਸੀ ਨੈੱਟ 2021 ਐਗਜਾਮ ਸਬੰਧੀ ਵੈੱਬਸਾਈਟ ugcnet.nta.nic.in ਉੱਤੇ ਇਹ ਡਿਟੇਲਸ ਚੈੱਕ ਕਰ ਸਕਦੇ ਹੈ।
UGC NET 2021 : ਇਹ ਹਨ ਜ਼ਰੂਰੀ ਨਿਰਦੇਸ਼
-ਉਮੀਦਵਾਰਾਂ ਨੂੰ ਪ੍ਰੀਖਿਆ ਦੇ ਰਿਪੋਰਟਿੰਗ ਸਮਾਂ ਤੋਂ ਘੱਟ ਤੋਂ ਘੱਟ 30 ਮਿੰਟ ਪਹਿਲਾਂ ਪ੍ਰੀਖਿਆ ਕੇਂਦਰਾਂ ਉੱਤੇ ਪੁੱਜਣਾ ਹੋਵੇਗਾ।
-ਉਮੀਦਵਾਰਾਂ ਨੂੰ ਧਿਆਨ ਦੇਣਾ ਚਾਹੀਦਾ ਹੈ ਕਿ ਯੂਜੀਸੀ ਨੈੱਟ 2021 ਕੰਪਿਊਟਰ ਆਧਾਰਿਤ ਆਨਲਾਈਨ ਕੀਤੀ ਜਾਵੇਗੀ।
-ਪ੍ਰੀਖਿਆ ਵਿਚ ਕਿਸੇ ਵੀ ਪ੍ਰਕਾਰ ਦੀ ਗੜਬੜੀ ਫੜੇ ਜਾਣ 'ਤੇ ਉਮੀਦਵਾਰਾਂ ਨੂੰ ਪ੍ਰੀਖਿਆ ਤੋਂ ਵਾਂਝਾ ਕੀਤਾ ਜਾ ਸਕਦਾ ਹੈ।
-ਐਡਮਿਟ ਕਾਰਡ ਦੇ ਨਾਲ ਵੈਰੀਫਿਕੇਸ਼ਨ ਲਈ ਉਮੀਦਵਾਰਾਂ ਨੂੰ ਸਰਕਾਰ ਵੱਲੋਂ ਜਾਰੀ ਕਿਸੇ ਵੀ ਦੋ ਫੋਟੋ ਆਈਡੀ ਕਾਰਡ ਦੇ ਨਾਲ ਐਂਟਰੀ ਪੱਤਰ ਲਿਜਾਣਾ ਚਾਹੀਦਾ ਹੈ।
-ਪ੍ਰੀਖਿਆ ਹਾਲ ਦੇ ਅੰਦਰ ਮੋਬਾਈਲ, ਇਲੈਕਟ੍ਰਾਨਿਕ ਕੈਲਕੂਲੇਟਰ ਜਾਂ ਇਲੈਕਟ੍ਰਾਨਿਕ ਗੈਜੇਟਸ ਲਿਜਾਣਾ ਸਖ਼ਤ ਮਨਾ ਹੈ।
-ਓਐੱਮਆਰ ਸ਼ੀਟ ਭਰਨ ਲਈ ਉਮੀਦਵਾਰਾਂ ਕੋਲ ਕਾਲਾ ਜਾਂ ਨੀਲਾ ਬਾਲ ਪੈੱਨ ਹੋਣਾ ਚਾਹੀਦਾ ਹੈ।
-ਕੋਵਿਡ-19 ਪ੍ਰੋਟੋਕਾਲ ਦਾ ਪਾਲਣ ਕਰਦੇ ਹੋਏ ਉਮੀਦਵਾਰਾਂ ਨੂੰ ਫੇਸ ਮਾਸਕ ਪਹਿਨਣਾ ਲਾਜ਼ਮੀ ਹੋਵੇਗਾ । ਇਸਦੇ ਨਾਲ ਹੀ ਆਪਣੀ ਹੈਂਡ ਸੈਨੇਟਾਈਜ਼ਰ ਦੀ ਬੋਤਲ ਨਾਲ ਰੱਖਣਾ ਚਾਹੀਦਾ ਹੈ।
ਜ਼ਿਕਰਯੋਗ ਹੈ ਕਿ UGC NET 2021 ਪ੍ਰੀਖਿਆ ਦੋ ਸ਼ਿਫਟਾਂ ਵਿਚ ਕਰਵਾਈ ਜਾਵੇਗੀ। ਇਸ ਦੇ ਤਹਿਤ ਸਵੇਰੇ 9 ਤੋਂ ਦੁਪਹਿਰ 12 ਵਜੇ ਤਕ ਅਤੇ ਦੁਪਹਿਰ 3 ਤੋਂ ਸ਼ਾਮ 6 ਵਜੇ ਤਕ ਹੋਵੇਗੀ ।