IPL 2026 Auction : 359 ਖਿਡਾਰੀ, 77 ਸਲਾਟ ਖਾਲੀ... ਆਕਸ਼ਨ ਲਿਸਟ 'ਚ 9 ਨਵੇਂ ਖਿਡਾਰੀਆਂ ਦੀ ਐਂਟਰੀ; ਕੋਹਲੀ ਦੇ ਚਹੇਤੇ ਦਾ ਨਾਮ ਸ਼ਾਮਲ

ਸਪੋਰਟਸ ਡੈਸਕ, ਨਵੀਂ ਦਿੱਲੀ : IPL 2026 Auction Revised List: ਇੰਡੀਅਨ ਪ੍ਰੀਮੀਅਰ ਲੀਗ (IPL 2026) ਦੇ ਮਿੰਨੀ-ਆਕਸ਼ਨ ਤੋਂ ਪਹਿਲਾਂ BCCI ਨੇ ਖਿਡਾਰੀਆਂ ਦੀ ਲਿਸਟ ਵਿੱਚ ਇੱਕ ਅਹਿਮ ਬਦਲਾਅ ਕੀਤਾ ਹੈ। ਬੋਰਡ ਨੇ ਪਹਿਲਾਂ 350 ਖਿਡਾਰੀਆਂ ਦੀ ਸੂਚੀ ਜਾਰੀ ਕੀਤੀ ਸੀ ਪਰ ਦੇਰ ਰਾਤ ਉਸ ਵਿੱਚ 9 ਹੋਰ ਖਿਡਾਰੀਆਂ ਨੂੰ ਸ਼ਾਮਲ ਕਰ ਦਿੱਤਾ ਗਿਆ ਹੈ।

ਇਸ ਤੋਂ ਬਾਅਦ ਆਕਸ਼ਨ ਵਿੱਚ ਹਿੱਸਾ ਲੈਣ ਵਾਲੇ ਖਿਡਾਰੀਆਂ ਦੀ ਕੁੱਲ ਸੰਖਿਆ ਹੁਣ ਵੱਧ ਕੇ 359 ਹੋ ਗਈ ਹੈ। ਇਹ ਬਦਲਾਅ ਆਕਸ਼ਨ ਦੀਆਂ ਤਿਆਰੀਆਂ ਦੇ ਬੇਹੱਦ ਨੇੜੇ ਕੀਤਾ ਗਿਆ ਹੈ, ਇਸ ਲਈ ਇਹ ਫ੍ਰੈਂਚਾਇਜ਼ੀਆਂ ਲਈ ਵੀ ਹੈਰਾਨ ਕਰਨ ਵਾਲਾ ਹੈ।

9 ਨਵੇਂ ਖਿਡਾਰੀਆਂ ਵਿੱਚੋਂ ਸਭ ਤੋਂ ਵੱਡੀ ਚਰਚਾ ਆਈਪੀਐਲ ਵਿਜੇਤਾ ਸਵਸਤਿਕ ਚੀਕਾਰਾ ਦੀ ਹੋ ਰਹੀ ਹੈ, ਜਿਸ ਨੂੰ ਹਾਲ ਹੀ ਵਿੱਚ RCB ਨੇ ਰਿਲੀਜ਼ ਕਰ ਦਿੱਤਾ ਸੀ। ਸ਼ੁਰੂਆਤੀ ਸੂਚੀ ਵਿੱਚ ਉਸਦਾ ਨਾਮ ਨਹੀਂ ਸੀ, ਜੋ ਕਈ ਲੋਕਾਂ ਨੂੰ ਹੈਰਾਨ ਕਰ ਗਿਆ ਸੀ। ਹੁਣ ਉਸਦੇ ਸ਼ਾਮਲ ਹੋਣ ਨਾਲ ਇਹ ਸਾਫ਼ ਹੈ ਕਿ ਟੀਮਾਂ ਦੀ ਉਸ 'ਤੇ ਨਜ਼ਰ ਬਣੀ ਰਹੇਗੀ।

IPL 2026 ਆਕਸ਼ਨ: ਭਾਰਤੀ ਖਿਡਾਰੀਆਂ ਨੂੰ ਮਿਲੀ ਤਵੱਜੋ

9 ਨਵੇਂ ਖਿਡਾਰੀਆਂ ਵਿੱਚ 6 ਭਾਰਤੀ ਖਿਡਾਰੀ ਸ਼ਾਮਲ ਹਨ, ਜਿਨ੍ਹਾਂ ਵਿੱਚ ਮਣਿਸ਼ੰਕਰ ਮੁਰਾਸਿੰਘ (ਤ੍ਰਿਪੁਰਾ), ਚਾਮਾ ਮਿਲਿੰਦ (ਹੈਦਰਾਬਾਦ), ਕੇ.ਐੱਲ. ਸ੍ਰੀਜੀਤ (ਕਰਨਾਟਕ, ਵਿਕਟਕੀਪਰ, ਸਾਬਕਾ MI ਖਿਡਾਰੀ), ਰਾਹੁਲ ਰਾਜ ਨਾਮਲਾ (ਉੱਤਰਾਖੰਡ), ਵਿਰਾਟ ਸਿੰਘ (ਝਾਰਖੰਡ) ਅਤੇ ਸਵਸਤਿਕ ਚੀਕਾਰਾ ਦਾ ਨਾਮ ਸ਼ਾਮਲ ਹੈ।

ਇਨ੍ਹਾਂ ਤੋਂ ਇਲਾਵਾ, ਨਿਲਾਮੀ ਵਿੱਚ ਐਸੋਸੀਏਟ ਦੇਸ਼ (ਮਲੇਸ਼ੀਆ) ਤੋਂ ਇੱਕੋ-ਇੱਕ ਖਿਡਾਰੀ ਵਿਰਨਦੀਪ ਸਿੰਘ ਹੈ। ਦੱਖਣੀ ਅਫ਼ਰੀਕਾ ਤੋਂ ਈਥਨ ਬੋਸ਼ ਅਤੇ ਆਸਟ੍ਰੇਲੀਆ ਤੋਂ ਕ੍ਰਿਸ ਗ੍ਰੀਨ ਦਾ ਨਾਮ ਵੀ ਸ਼ਾਮਲ ਹੈ। ਇਨ੍ਹਾਂ ਖਿਡਾਰੀਆਂ ਵਿੱਚੋਂ ਕੁਝ ਪਹਿਲਾਂ ਵੀ IPL ਵਿੱਚ ਖੇਡ ਚੁੱਕੇ ਹਨ, ਜਦੋਂ ਕਿ ਕੁਝ ਘਰੇਲੂ ਪੱਧਰ 'ਤੇ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਪਹਿਲੀ ਵਾਰ ਇਸ ਸੂਚੀ ਵਿੱਚ ਜਗ੍ਹਾ ਬਣਾਉਣ ਵਿੱਚ ਕਾਮਯਾਬ ਹੋਏ ਹਨ।

IPL 2026 ਆਕਸ਼ਨ 'ਚ ਕਿੰਨੇ ਖਿਡਾਰੀਆਂ 'ਤੇ ਬੋਲੀ ਲੱਗੇਗੀ?

IPL ਦੀ ਫਾਈਨਲ ਸੂਚੀ (IPL Auction Final List) ਵਿੱਚ ਕੁੱਲ 359 ਖਿਡਾਰੀ ਹਨ, ਜਿਨ੍ਹਾਂ ਵਿੱਚ 247 ਭਾਰਤੀ ਅਤੇ 112 ਵਿਦੇਸ਼ੀ ਖਿਡਾਰੀ ਸ਼ਾਮਲ ਹਨ। ਇਨ੍ਹਾਂ ਵਿੱਚੋਂ ਸਿਰਫ਼ 77 ਖਿਡਾਰੀਆਂ 'ਤੇ ਹੀ ਆਕਸ਼ਨ ਵਿੱਚ ਬੋਲੀ ਲੱਗੇਗੀ, ਜਿਨ੍ਹਾਂ ਵਿੱਚ 31 ਵਿਦੇਸ਼ੀ ਖਿਡਾਰੀ ਹੋਣਗੇ। ਕੋਲਕਾਤਾ ਨਾਈਟ ਰਾਈਡਰਜ਼ (KKR) ਕੋਲ ਆਕਸ਼ਨ ਲਈ ਸਭ ਤੋਂ ਵੱਡਾ ਪਰਸ (purse) ਹੈ।

KKR ਦੇ ਪਰਸ ਵਿੱਚ ₹64.30 ਕਰੋੜ ਰੁਪਏ ਹਨ ਅਤੇ ਉਨ੍ਹਾਂ ਕੋਲ 13 ਸਲਾਟ ਖਾਲੀ ਹਨ।

CSK ਦੀ ਟੀਮ ਕੋਲ ਪਰਸ ਵਿੱਚ ₹43.4 ਕਰੋੜ ਰੁਪਏ ਹਨ ਅਤੇ ਉਨ੍ਹਾਂ ਦੇ 9 ਸਲਾਟ ਖਾਲੀ ਹਨ।

BCCI ਨੇ ਸੁਧਾਰੀ ਗਲਤੀ

ਦਿੱਲੀ ਵਿੱਚ ਜਨਮੇ ਨਿਖਿਲ ਚੌਧਰੀ (Nikhil Chaudhury) ਨੇ ਪੰਜਾਬ ਲਈ ਘਰੇਲੂ ਕ੍ਰਿਕਟ ਖੇਡਿਆ ਹੈ ਅਤੇ ਉਹ ਅਭਿਸ਼ੇਕ ਸ਼ਰਮਾ, ਅਰਸ਼ਦੀਪ ਸਿੰਘ ਅਤੇ ਸ਼ੁਭਮਨ ਗਿੱਲ ਵਰਗੇ ਖਿਡਾਰੀਆਂ ਨਾਲ ਵੀ ਖੇਡ ਚੁੱਕੇ ਹਨ। ਭਾਰਤ ਵਿੱਚ ਉਨ੍ਹਾਂ ਨੇ ਆਖਰੀ ਪੇਸ਼ੇਵਰ ਕ੍ਰਿਕਟ ਲਗਪਗ 6 ਸਾਲ ਪਹਿਲਾਂ ਖੇਡਿਆ ਸੀ।

ਕੋਵਿਡ ਦੇ ਸਮੇਂ ਨਿਖਿਲ ਆਪਣੇ ਚਾਚੇ ਨੂੰ ਮਿਲਣ ਆਸਟ੍ਰੇਲੀਆ ਗਏ ਸਨ ਪਰ ਉੱਥੇ ਲੌਕਡਾਊਨ ਕਾਰਨ ਫਸ ਗਏ। ਇਸੇ ਦੌਰਾਨ ਉਨ੍ਹਾਂ ਨੇ ਆਸਟ੍ਰੇਲੀਆ ਵਿੱਚ ਹੀ ਆਪਣੇ ਕ੍ਰਿਕਟ ਕਰੀਅਰ ਨੂੰ ਦੁਬਾਰਾ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ। ਕਈ ਸਾਲਾਂ ਦੀ ਮਿਹਨਤ ਤੋਂ ਬਾਅਦ ਉਹ ਆਸਟ੍ਰੇਲੀਆ ਦੀ ਘਰੇਲੂ ਕ੍ਰਿਕਟ ਵਿੱਚ ਜਗ੍ਹਾ ਬਣਾਉਣ ਵਿੱਚ ਕਾਮਯਾਬ ਰਹੇ।

ਪਿਛਲੇ ਮਹੀਨੇ ਉਨ੍ਹਾਂ ਨੇ ਇਤਿਹਾਸ ਰਚਿਆ ਅਤੇ ਸ਼ੈਫੀਲਡ ਸ਼ੀਲਡ ਵਿੱਚ ਸੈਂਕੜਾ ਲਗਾਉਣ ਵਾਲੇ ਪਹਿਲੇ ਭਾਰਤ-ਜਨਮੇ ਖਿਡਾਰੀ ਬਣੇ। ਇਹ ਪ੍ਰਾਪਤੀ ਉਨ੍ਹਾਂ ਨੇ ਤਸਮਾਨੀਆ ਲਈ ਖੇਡਦੇ ਹੋਏ ਹਾਸਲ ਕੀਤੀ। ਨਿਖਿਲ ਚੌਧਰੀ ਕਈ ਵਿਦੇਸ਼ੀ ਵਾਈਟ-ਬਾਲ ਲੀਗਾਂ ਵਿੱਚ ਵੀ ਖੇਡ ਚੁੱਕੇ ਹਨ, ਜਿਵੇਂ ਕਿ - ਗਲੋਬਲ ਸੁਪਰ ਲੀਗ, ਮੈਕਸ60 ਕੈਰੇਬੀਅਨ ਅਤੇ ਅਬੂ ਧਾਬੀ ਟੀ10 ਸ਼ਾਮਲ ਹਨ ਪਰ IPL 2026 ਦੀ ਸ਼ੁਰੂਆਤੀ ਆਕਸ਼ਨ ਲਿਸਟ ਵਿੱਚ ਉਨ੍ਹਾਂ ਨੂੰ ਗਲਤੀ ਨਾਲ ਭਾਰਤੀ ਖਿਡਾਰੀ ਵਜੋਂ ਦਰਜ ਕਰ ਦਿੱਤਾ ਗਿਆ ਸੀ। ਮੰਗਲਵਾਰ ਸ਼ਾਮ ਨੂੰ ਜਾਰੀ ਕੀਤੀ ਗਈ ਸੋਧੀ ਹੋਈ ਸੂਚੀ ਵਿੱਚ BCCI ਨੇ ਇਹ ਗਲਤੀ ਸੁਧਾਰ ਦਿੱਤੀ ਅਤੇ ਨਿਖਿਲ ਨੂੰ ਆਸਟ੍ਰੇਲੀਆਈ (Overseas Player) ਸ਼੍ਰੇਣੀ ਵਿੱਚ ਸਹੀ ਕਰ ਦਿੱਤਾ।

IPL 2026 ਨਿਲਾਮੀ ਸੂਚੀ 'ਚ ਨਵੇਂ ਕੀਤੇ ਸ਼ਾਮਲ

1.ਮਣਿਸ਼ੰਕਰ ਮੁਰਾਸਿੰਘਭਾਰਤ

2.ਵਿਰਨਦੀਪ ਸਿੰਘਮਲੇਸ਼ੀਆ

3.ਚਾਮਾ ਮਿਲਿੰਦਭਾਰਤ

4.ਕੇ.ਐੱਲ. ਸ੍ਰੀਜੀਤਭਾਰਤ

5.ਈਥਨ ਬੋਸ਼ਦੱਖਣੀ ਅਫ਼ਰੀਕਾ

6.ਕ੍ਰਿਸ ਗ੍ਰੀਨਆਸਟ੍ਰੇਲੀਆ

7.ਸਵਸਤਿਕ ਚੀਕਾਰਾਭਾਰਤ

8.ਰਾਹੁਲ ਰਾਜ ਨਾਮਲਾਭਾਰਤ

9.ਵਿਰਾਟ ਸਿੰਘਭਾਰਤ