ਗਰਾਊਂਡ 'ਚ ਭਿੜੇ ਦਿੱਗਜ: ILT20 ਫਾਈਨਲ 'ਚ ਪੋਲਾਰਡ ਤੇ ਨਸੀਮ ਸ਼ਾਹ ਵਿਚਾਲੇ ਹੋਈ ਜ਼ਬਰਦਸਤ ਲੜਾਈ, ਵੀਡੀਓ ਵਾਇਰਲ
ਇਹ ਮਾਮਲਾ MI ਐਮੀਰੇਟਸ ਦੀ ਪਾਰੀ ਦੇ 11ਵੇਂ ਓਵਰ ਵਿੱਚ ਵਾਪਰਿਆ। ਜਦੋਂ ਨਸੀਮ ਸ਼ਾਹ ਨੇ ਓਵਰ ਦੀ ਆਖਰੀ ਗੇਂਦ ਸੁੱਟੀ ਤਾਂ ਨਾਨ-ਸਟਰਾਈਕਰ ਐਂਡ 'ਤੇ ਖੜ੍ਹੇ ਪੋਲਾਰਡ ਨੇ ਨਸੀਮ ਨੂੰ ਕੁਝ ਕਿਹਾ। ਨਸੀਮ ਨੇ ਵੀ ਤੁਰੰਤ ਪਲਟ ਕੇ ਜਵਾਬ ਦਿੱਤਾ, ਜਿਸ ਕਾਰਨ ਬਹਿਸ ਵਧ ਗਈ।
Posted By alisha
Publish Date: Mon, 05 Jan 2026 10:15 AM (IST)
Updated Date: Mon, 05 Jan 2026 10:24 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ਵਿੱਚ ਖੇਡੇ ਗਏ ILT20 ਫਾਈਨਲ ਦੌਰਾਨ ਇੱਕ ਅਜਿਹਾ ਨਜ਼ਾਰਾ ਦੇਖਣ ਨੂੰ ਮਿਲਿਆ ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਮੈਦਾਨ ਵਿਚਕਾਰ ਡੇਜ਼ਰਟ ਵਾਈਪਰਜ਼ ਦੇ ਪਾਕਿਸਤਾਨੀ ਤੇਜ਼ ਗੇਂਦਬਾਜ਼ ਨਸੀਮ ਸ਼ਾਹ ਅਤੇ MI ਐਮੀਰੇਟਸ ਦੇ ਕਪਤਾਨ ਕੀਰੋਨ ਪੋਲਾਰਡ ਵਿਚਕਾਰ ਜ਼ਬਰਦਸਤ ਲੜਾਈ ਹੋਈ। ਇਸ ਹਾਈ-ਵੋਲਟੇਜ ਡਰਾਮੇ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਘਟਨਾ ਕਿਵੇਂ ਸ਼ੁਰੂ ਹੋਈ
ਇਹ ਮਾਮਲਾ MI ਐਮੀਰੇਟਸ ਦੀ ਪਾਰੀ ਦੇ 11ਵੇਂ ਓਵਰ ਵਿੱਚ ਵਾਪਰਿਆ। ਜਦੋਂ ਨਸੀਮ ਸ਼ਾਹ ਨੇ ਓਵਰ ਦੀ ਆਖਰੀ ਗੇਂਦ ਸੁੱਟੀ ਤਾਂ ਨਾਨ-ਸਟਰਾਈਕਰ ਐਂਡ 'ਤੇ ਖੜ੍ਹੇ ਪੋਲਾਰਡ ਨੇ ਨਸੀਮ ਨੂੰ ਕੁਝ ਕਿਹਾ। ਨਸੀਮ ਨੇ ਵੀ ਤੁਰੰਤ ਪਲਟ ਕੇ ਜਵਾਬ ਦਿੱਤਾ, ਜਿਸ ਕਾਰਨ ਬਹਿਸ ਵਧ ਗਈ। ਦੋਵਾਂ ਖਿਡਾਰੀਆਂ ਵਿਚਾਲੇ ਜ਼ੁਬਾਨੀ ਜੰਗ ਇੰਨੀ ਤੇਜ਼ ਸੀ ਕਿ ਅੰਪਾਇਰਾਂ ਨੂੰ ਵਿਚਾਲੇ ਆ ਕੇ ਮਾਮਲਾ ਸ਼ਾਂਤ ਕਰਵਾਉਣਾ ਪਿਆ।
ਨਸੀਮ ਨੇ ਗੇਂਦ ਨਾਲ ਦਿੱਤਾ ਕਰਾਰਾ ਜਵਾਬ
ਵਿਵਾਦ ਇੱਥੇ ਹੀ ਖ਼ਤਮ ਨਹੀਂ ਹੋਇਆ। ਜਦੋਂ ਨਸੀਮ ਆਪਣਾ ਅਗਲਾ ਸਪੈੱਲ ਪਾਉਣ ਆਇਆ ਤਾਂ ਪੋਲਾਰਡ ਉਸ ਨੂੰ ਫਿਰ ਉਕਸਾਉਂਦੇ ਨਜ਼ਰ ਆਏ ਪਰ ਇਸ ਵਾਰ ਨਸੀਮ ਸ਼ਾਹ ਨੇ ਗੇਂਦ ਨਾਲ ਜਵਾਬ ਦਿੱਤਾ।
- ਪਾਰੀ ਦੇ 17ਵੇਂ ਓਵਰ ਦੀ ਪਹਿਲੀ ਗੇਂਦ 'ਤੇ ਨਸੀਮ ਨੇ ਪੋਲਾਰਡ ਨੂੰ ਆਪਣੇ ਜਾਲ ਵਿੱਚ ਫਸਾਇਆ।
- ਵੱਡਾ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਵਿੱਚ ਪੋਲਾਰਡ 28 ਗੇਂਦਾਂ ਵਿੱਚ 28 ਰਨ ਬਣਾ ਕੇ ਕੈਚ ਆਊਟ ਹੋ ਗਏ।
- ਵਿਕਟ ਲੈਣ ਤੋਂ ਬਾਅਦ ਨਸੀਮ ਦਾ ਜੋਸ਼ ਅਤੇ ਰਿਐਕਸ਼ਨ ਦੇਖਣ ਯੋਗ ਸੀ।
MI ਐਮੀਰੇਟਸ ਦੀ ਕਰਾਰੀ ਹਾਰ
ਕਪਤਾਨ ਕੀਰੋਨ ਪੋਲਾਰਡ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ ਪਰ ਇਹ ਫੈਸਲਾ ਉਲਟਾ ਪੈ ਗਿਆ।
- ਡੇਜ਼ਰਟ ਵਾਈਪਰਜ਼ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 182 ਦੌੜਾਂ ਬਣਾਇਆ। ਕਪਤਾਨ ਸੈਮ ਕਰਨ ਨੇ ਸ਼ਾਨਦਾਰ 74 ਦੌੜਾਂ ਦੀ ਨਾਬਾਦ ਪਾਰੀ ਖੇਡੀ।
- ਟੀਚੇ ਦਾ ਪਿੱਛਾ ਕਰਦਿਆਂ MI ਐਮੀਰੇਟਸ ਦੀ ਟੀਮ ਦਬਾਅ ਹੇਠ ਬਿਖਰ ਗਈ ਅਤੇ ਸਿਰਫ਼ 136 ਦੌੜਾਂ 'ਤੇ ਆਊਟ ਹੋ ਗਈ।
- ਡੇਜ਼ਰਟ ਵਾਈਪਰਜ਼ ਨੇ ਇਹ ਫਾਈਨਲ ਮੈਚ 46 ਦੌੜਾਂ ਨਾਲ ਜਿੱਤ ਕੇ ਖ਼ਿਤਾਬ ਆਪਣੇ ਨਾਂ ਕੀਤਾ।