PSL 2026 ਜਿੱਤਣ ਤੋਂ ਬਾਅਦ ਬਾਬਰ ਆਜ਼ਮ ਦਾ ਰੱਜ ਕੇ ਉੱਡ ਰਿਹਾ ਮਜ਼ਾਕ, ਰੋਹਿਤ ਸ਼ਰਮਾ ਦੀ ਨਕਲ ਕਰ ਕੇ ਬੁਰੀ ਤਰ੍ਹਾਂ ਫਸੇ - VIDEO
ਬਾਬਰ ਨੇ ਪੀਐਸਐਲ ਜਿੱਤਣ ਤੋਂ ਬਾਅਦ ਰੋਹਿਤ ਸ਼ਰਮਾ ਦੀ ਨਕਲ ਕਰਨ ਦੀ ਕੋਸ਼ਿਸ਼ ਕੀਤੀ। ਹਾਲਾਂਕਿ, ਹੁਣ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦਾ ਮਜ਼ਾਕ ਉੱਡ ਰਿਹਾ ਹੈ। ਪੀਐਸਐਲ ਦੇ ਫਾਈਨਲ ਵਿੱਚ ਪਿਸ਼ਾਵਰ ਨੇ ਹੈਦਰਾਬਾਦ ਕਿੰਗਜ਼ਮੈਨ ਨੂੰ ਹਰਾਇਆ। ਹੈਦਰਾਬਾਦ ਦੀ ਟੀਮ ਪਹਿਲੀ ਵਾਰ ਪੀਐਸਐਲ ਵਿੱਚ ਹਿੱਸਾ ਲੈ ਰਹੀ ਸੀ ਅਤੇ ਸ਼ੁਰੂਆਤੀ 4 ਮੈਚਾਂ ਵਿੱਚ ਉਨ੍ਹਾਂ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
Posted By Seema Anand
Publish Date: Mon, 04 May 2026 04:36 PM (IST)
Updated Date: Mon, 04 May 2026 05:07 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ: ਬਾਬਰ ਆਜ਼ਮ ਦੀ ਕਪਤਾਨੀ 'ਚ ਪਿਸ਼ਾਵਰ ਜ਼ਲਮੀ ਨੇ ਪਾਕਿਸਤਾਨ ਸੁਪਰ ਲੀਗ (PSL) 2026 ਦਾ ਖਿਤਾਬ ਆਪਣੇ ਨਾਮ ਕਰ ਲਿਆ ਹੈ। ਬਾਬਰ ਨੇ ਆਪਣੀ ਕਪਤਾਨੀ 'ਚ ਪਹਿਲੀ ਵਾਰ ਪੀਐਸਐਲ ਦੇ ਖਿਤਾਬ 'ਤੇ ਕਬਜ਼ਾ ਜਮਾਇਆ ਹੈ। ਇਸ ਤੋਂ ਇਲਾਵਾ ਪਿਸ਼ਾਵਰ ਦੀ ਟੀਮ ਨੇ ਦੂਜੀ ਵਾਰ ਟਰਾਫੀ ਜਿੱਤੀ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ 2017 'ਚ ਖਿਤਾਬ ਆਪਣੇ ਨਾਮ ਕੀਤਾ ਸੀ। ਟਰਾਫੀ ਜਿੱਤਣ ਤੋਂ ਬਾਅਦ ਬਾਬਰ ਆਜ਼ਮ ਨੇ ਜਿਸ ਤਰ੍ਹਾਂ ਜਸ਼ਨ ਮਨਾਇਆ, ਹੁਣ ਉਸ ਦਾ ਮਜ਼ਾਕ ਬਣ ਰਿਹਾ ਹੈ।
ਬਾਬਰ ਨੇ ਪੀਐਸਐਲ ਜਿੱਤਣ ਤੋਂ ਬਾਅਦ ਰੋਹਿਤ ਸ਼ਰਮਾ ਦੀ ਨਕਲ ਕਰਨ ਦੀ ਕੋਸ਼ਿਸ਼ ਕੀਤੀ। ਹਾਲਾਂਕਿ, ਹੁਣ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦਾ ਮਜ਼ਾਕ ਉੱਡ ਰਿਹਾ ਹੈ। ਪੀਐਸਐਲ ਦੇ ਫਾਈਨਲ 'ਚ ਪਿਸ਼ਾਵਰ ਨੇ ਹੈਦਰਾਬਾਦ ਕਿੰਗਜ਼ਮੈਨ ਨੂੰ ਹਰਾਇਆ। ਹੈਦਰਾਬਾਦ ਦੀ ਟੀਮ ਪਹਿਲੀ ਵਾਰ ਪੀਐਸਐਲ 'ਚ ਹਿੱਸਾ ਲੈ ਰਹੀ ਸੀ ਤੇ ਸ਼ੁਰੂਆਤੀ 4 ਮੈਚਾਂ ਵਿੱਚ ਉਨ੍ਹਾਂ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਸ ਤੋਂ ਬਾਅਦ ਟੀਮ ਨੇ ਜ਼ਬਰਦਸਤ ਵਾਪਸੀ ਕੀਤੀ ਅਤੇ ਫਾਈਨਲ ਤੱਕ ਪਹੁੰਚੀ, ਪਰ ਜਿੱਤ ਦੇ ਜਸ਼ਨ ਦੌਰਾਨ ਬਾਬਰ ਦੀ ਸੈਲੀਬ੍ਰੇਸ਼ਨ ਦਾ ਖੂਬ ਮਜ਼ਾਕ ਉੱਡ ਰਿਹਾ ਹੈ।
ਬਾਬਰ ਆਜ਼ਮ ਦੇ ਜਸ਼ਨ ਦਾ ਬਣ ਰਿਹਾ ਮਜ਼ਾਕ
ਕਪਤਾਨ ਵਜੋਂ ਪਹਿਲੀ ਵਾਰ ਪੀਐਸਐਲ ਜਿੱਤਣ ਤੋਂ ਬਾਅਦ ਬਾਬਰ ਦੇ ਚਿਹਰੇ 'ਤੇ ਇਸ ਦੀ ਖੁਸ਼ੀ ਸਾਫ਼ ਦਿਖਾਈ ਦਿੱਤੀ। ਟਰਾਫੀ ਲੈਣ ਲਈ ਬਾਬਰ ਖਾਸ ਅੰਦਾਜ਼ 'ਚ ਚੱਲ ਕੇ ਗਏ। ਉਨ੍ਹਾਂ ਸਾਬਕਾ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਦੇ ਉਸ ਸਟਾਈਲ ਨੂੰ ਕਾਪੀ ਕੀਤਾ, ਜਿਸ ਤਰ੍ਹਾਂ ਰੋਹਿਤ ਟੀ-20 ਵਰਲਡ ਕੱਪ 2024 ਜਿੱਤਣ ਤੋਂ ਬਾਅਦ ਟਰਾਫੀ ਲੈਣ ਗਏ ਸਨ। ਬਾਬਰ ਨੇ ਰੋਹਿਤ ਦੀ ਨਕਲ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਉਨ੍ਹਾਂ ਨੇ ਜਿਸ ਤਰੀਕੇ ਨਾਲ ਕਾਪੀ ਕੀਤਾ, ਉਸ ਤੋਂ ਬਾਅਦ ਸੋਸ਼ਲ ਮੀਡੀਆ ਯੂਜ਼ਰਜ਼ ਉਨ੍ਹਾਂ ਨੂੰ ਟ੍ਰੋਲ ਕਰ ਰਹੇ ਹਨ।
ਪਿਸ਼ਾਵਰ ਨੇ ਜਿੱਤਿਆ PSL 2026 ਦਾ ਖਿਤਾਬ
ਲਾਹੌਰ ਦੇ ਗੱਦਾਫੀ ਸਟੇਡੀਅਮ 'ਚ ਖੇਡੇ ਗਏ ਫਾਈਨਲ ਮੁਕਾਬਲੇ ਵਿੱਚ ਹੈਦਰਾਬਾਦ ਦੀ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 129 ਦੌੜਾਂ 'ਤੇ ਆਲ-ਆਊਟ ਹੋ ਗਈ। ਟੀਮ ਨੇ ਸ਼ਾਨਦਾਰ ਸ਼ੁਰੂਆਤ ਕੀਤੀ ਸੀ ਅਤੇ ਪਾਵਰਪਲੇ 'ਚ 60 ਤੋਂ ਵੱਧ ਦੌੜਾਂ ਬਣਾ ਲਈਆਂ ਸਨ। ਹਾਲਾਂਕਿ, ਇਸ ਤੋਂ ਬਾਅਦ ਉਨ੍ਹਾਂ ਦੀ ਬੱਲੇਬਾਜ਼ੀ ਤਾਸ਼ ਦੇ ਪੱਤਿਆਂ ਵਾਂਗ ਖਿੱਲਰ ਗਈ। ਕਿੰਗਜ਼ਮੈਨ ਲਈ ਸਭ ਤੋਂ ਵੱਧ ਸੈਮ ਅਯੂਬ ਨੇ 54 ਦੌੜਾਂ ਬਣਾਈਆਂ।
130 ਦੌੜਾਂ ਦੇ ਟੀਚੇ ਨੂੰ ਪਿਸ਼ਾਵਰ ਨੇ 15.2 ਓਵਰਾਂ ਵਿੱਚ 5 ਵਿਕਟਾਂ ਦੇ ਨੁਕਸਾਨ 'ਤੇ ਹਾਸਲ ਕਰ ਲਿਆ। ਕਪਤਾਨ ਬਾਬਰ ਆਜ਼ਮ ਦਾ ਫਾਈਨਲ 'ਚ ਬੱਲਾ ਨਹੀਂ ਚੱਲਿਆ ਅਤੇ ਉਹ ਆਪਣਾ ਖਾਤਾ ਵੀ ਨਹੀਂ ਖੋਲ੍ਹ ਸਕੇ। ਹਾਲਾਂਕਿ, ਐਰਨ ਹਾਰਡੀ ਦੀਆਂ ਨਾਬਾਦ 56 ਦੌੜਾਂ ਦੀ ਬਦੌਲਤ ਜ਼ਲਮੀ ਨੇ ਮੈਚ ਨੂੰ 5 ਵਿਕਟਾਂ ਨਾਲ ਜਿੱਤ ਕੇ ਟਰਾਫੀ ਆਪਣੇ ਨਾਮ ਕੀਤੀ।
Babar Azam tried to copy Rohit Sharma’s ICC Men's T20 World Cup celebration but turned a legendary moment into a meme 😭😭😭 pic.twitter.com/xrxjxsRI55
— Ankur (@flick_class) May 4, 2026