'ਭਾਰਤੀਆਂ ਦੇ DNA 'ਚ ਹੈ ਟੈਕਨਾਲੋਜੀ', ਅਨਿਲ ਅਗਰਵਾਲ ਨੇ ਨੌਜਵਾਨਾਂ ਨੂੰ ਦਿੱਤਾ AI ਨਾਲ ਦੁਨੀਆ ਜਿੱਤਣ ਦਾ ਫਾਰਮੂਲਾ

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : ਦੁਨੀਆਭਰ ਵਿਚ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਯਾਨੀ AI ਨੂੰ ਲੈ ਕੇ ਡਰ ਵਧ ਰਿਹਾ ਹੈ। ਲੋਕਾਂ ਨੂੰ ਚਿੰਤਾ ਹੈ ਕਿ ਆਉਣ ਵਾਲੇ ਸਮੇਂ 'ਚ ਏਆਈ ਲੱਖਾਂ ਨੌਕਰੀਆਂ ਖ਼ਤਮ ਕਰ ਸਕਦਾ ਹੈ। ਇਸੇ ਦੌਰਾਨ ਵੇਦਾਂਤਾ ਦੇ ਚੇਅਰਮੈਨ ਅਨਿਲ ਅਗਰਵਾਲ (Anil Agarwal AI) ਨੇ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਲੋਕਾਂ ਨੂੰ ਏਆਈ ਤੋਂ ਡਰਨਾ ਨਹੀਂ ਚਾਹੀਦਾ, ਬਲਕਿ ਇਸ ਦਾ ਇਸਤੇਮਾਲ ਕਰਨਾ ਸਿੱਖਣਾ ਚਾਹੀਦਾ ਹੈ।

ਅਨਿਲ ਅਗਰਵਾਲ ਨੇ ਸੋਸ਼ਲ ਮੀਡੀਆ ਪੋਸਟ 'ਚ ਲਿਖਿਆ ਕਿ, ਏਆਈ ਉਨ੍ਹਾਂ ਦੇ ਕੰਮ ਦਾ 75 ਪ੍ਰਤਿਸ਼ਤ ਸਮਾਂ ਬਚਿਆ ਰਿਹਾ ਹੈ। ਸਮਾਂ ਹੀ ਪੈਸਾ ਹੈ ਤੇ AI ਪ੍ਰੋਡਕਟੀਵਿਟੀ ਨੂੰ ਕਈ ਗੁਣਾ ਵਧਾ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਸਹੀ ਸਵਾਲ ਪੁੱਛਣ ਵਾਲਾ ਇਨਸਾਨ AI ਤੋਂ ਕਾਫੀ ਫਾਇਦਾ ਲੈ ਸਕਦਾ ਹੈ।

ਚੀਨ ਦੀ ਮਿਸਾਲ ਦਿੱਤੀ

ਅਨਿਲ ਅਗਰਵਾਲ ਨੇ ਚੀਨ ਦੀ ਉਦਾਹਰਨ (Anil Agarwal China AI Example) ਦਿੰਦਿਆਂ ਕਿਹਾ ਕਿ ਪਿਛਲੇ ਇਕ-ਦੋ ਸਾਲਾਂ 'ਚ ਚੀਨ ਨੇ AI ਦੇ ਬਲਬੂਤੇ ਪੂਰੀ ਖੇਡ ਹੀ ਬਦਲ ਦਿੱਤੀ। ਚੀਨ ਹੁਣ ਇਸ ਟੈਕਨਾਲੋਜੀ 'ਚ ਅਮਰੀਕਾ ਦੇ ਲਗਪਗ ਬਰਾਬਰ ਪਹੁੰਚ ਗਿਆ ਹੈ ਤੇ ਬਾਕੀ ਦੇਸ਼ਾਂ ਨੂੰ ਪਿੱਛੇ ਛੱਡ ਦਿੱਤਾ ਹੈ।

Sometimes I get a sense that people fear AI. Nobody should. Use it. Ask it the right questions.

I have experienced that it saves 75% of my time. And time is money. It will improve your productivity like you would never have imagined.

Look at what China has done with AI. In the… pic.twitter.com/Vy6ax6RQwg

— Anil Agarwal (@AnilAgarwal_Ved) May 21, 2026

ਸਾਡੇ ਕੋਲ ਟੈਕਨਾਲੋਜੀ ਦਾ DNA

ਅਨਿਲ ਅਗਰਵਾਲ ਮੁਤਾਬਕ ਭਾਰਤ ਕੋਲ ਵੀ AI ਤੋਂ ਅੱਗੇ ਨਿਕਲਣ ਦਾ ਵੱਡਾ ਮੌਕਾ ਹੈ। ਉਨ੍ਹਾਂ ਕਿਹਾ ਕਿ ਭਾਰਤੀਆਂ ਕੋਲ ਟੈਕਨਾਲੋਜੀ ਦਾ DNA ਹੈ। ਭਾਰਤ ਦੀ ਸਭ ਤੋਂ ਵੱਡੀ ਤਾਕਤ ਅੰਗਰੇਜ਼ੀ ਭਾਸ਼ਾ ਹੈ ਜਿਸ ਦੀ ਮਦਦ ਨਾਲ ਭਾਰਤ AI ਨੂੰ ਦੁਨੀਆ ਦੇ ਬਾਕੀ ਦੇਸ਼ਾਂ ਨਾਲੋਂ ਬਿਹਤਰ ਇਸਤੇਮਾਲ ਕਰ ਸਕਦੇ ਹੋ।

ਪੀਐੱਮ ਮੋਦੀ ਦਾ ਨਾਂ ਲੈ ਕੇ ਕੀ ਅਪੀਲ ਕੀਤੀ ?

ਉਨ੍ਹਾਂ ਖਾਸ ਤੌਰ 'ਤੇ ਨੌਜਵਾਨਾਂ ਨੂੰ AI ਅਪਨਾਉਣ ਦੀ ਅਪੀਲ ਕੀਤੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਨੌਜਵਾਨ AI ਦੀ ਮਦਦ ਨਾਲ ਨਵੇਂ ਬਿਜ਼ਨੈੱਸ ਆਇਡੀਆਜ਼, ਸਟਾਰਟਅਪ ਤੇ ਰਣਨੀਤੀਆਂ ਤਿਆਰ ਕਰ ਸਕਦੇ ਹਨ। ਇਸ ਨਾਲ ਸਿਰਫ਼ ਰੁਜ਼ਗਾਰ ਹੀ ਨਹੀਂ ਵਧਣਗੇ, ਬਲਕਿ ਗਰੀਬੀ ਘਟਾਉਣ ਤੇ ਭਾਰਤ ਨੂੰ ਵਿਕਸ ਦੇਸ਼ ਬਣਾਉਣ 'ਚ ਵੀ ਮਦਦ ਮਿਲੇਗੀ।

ਅਨਿਲ ਅਗਰਵਾਲ ਨੇ ਕਿਹਾ ਕਿ AI ਆਉਣ ਵਾਲੇ ਸਮੇਂ ਦੀ ਸਭ ਤੋਂ ਵੱਡੀ ਤਾਕਤ ਬਣਨ ਵਾਲਾ ਹੈ। ਜੋ ਲੋਕ ਇਸ ਨੂੰ ਅਪਨਾਉਣਗੇ, ਉੱਥੇ ਹੀ ਅੱਗੇ ਵਧਣਗੇ. ਉਨ੍ਹਾਂ ਮੁਤਾਬਕ AI ਤੋਂ ਡਰਨ ਦੀ ਨਹੀਂ ਬਲਕਿ ਉਸ ਨੂੰ ਸਿੱਖ ਕੇ ਇਸਤੇਮਾਲ ਕਰਨ ਦੀ ਲੋੜ ਹੈ।